Aisea 1:1-31
1 Na raivotu e raica o Aisea*+ na luvei Emosi me baleti Juta kei Jerusalemi ena gauna i Usaia,+ Jocame,+ Easi,+ kei Esekaia,+ o ratou na tui Juta:+
2 Moni vakarorogo na lomalagi, moni vakatudaliga na vuravura+Ni kaya o Jiova:
“Au susugi ira na luvequ au tuberi ira,+Ia era vorati au.+
3 Na bulumakau e kila na kena itaukei,Kei na asa na valenimanumanu ni kena turaga.
Ia o Isireli e sega ni kilai au,*+O ira na noqu tamata era sega ni yalomatua.”
4 E rarawa na matanitu ivalavala ca,+O ira na tamata e bi na nodra cala,Na kawa ni tamata ca, na gone dauvakacaca!
Era biuti Jiova,+Era beca na Yalosavasava ni Isireli,Era vakanadakui koya.
5 I vei tale me laumoku vei kemuni ni oni veivorati tiko ga?+
E tauvimate na ulumu taucoko,E malumalumu na utomu taucoko.+
6 Mai na qeteqete ni yavamu me yaco i ulumu, e sega ni bulabula.
E mavoa, e drakusi, e drakulu,E sega ni qaravi* se vadreti se lumu ena waiwai.+
7 Na nomuni vanua sa lala.
Na nomuni koro sa kama ena bukawaqa.
Era kania na vulagi na nomuni were e matamuni.+
E vaka na vanua laladidi e ravuta na vulagi.+
8 Sa biu tu na goneyalewa ni Saioni me vaka na valebola* ena loganivaini,E vaka na bure ena loganikiukaba,E vaka na koro viribaiti.+
9 Ke sega ni vakabula e vica vei keda o Jiova ni lewe vuqa,*Eda na tautauvata ga kei Sotoma,Eda na vakataki Komora.+
10 Moni rogoca na vosa i Jiova o kemuni na iliuliu voravora e Sotoma.+
Moni vakatudaliga ina lawa* ni noda Kalou o kemuni na lewe i Komora.+
11 “E yaga vakacava vei au na levu ni nomuni isoro?”+ e kaya o Jiova.
“Sa rui levu vei au na nomuni isoro kama ni tamanisipi+ kei na uro ni manumanu vakani vinaka,+Au sega ni taleitaka na dra+ ni luvenibulumakau tagane,+ na dra ni lami, kei na dra ni me.+
12 Oni lako mai moni rairai e mataqu,+O cei e tukuna vei kemuni,Moni butuka na noqu lomanibai?+
13 Moni kua tale ni kauta mai na isoro kakana tawayaga.
E vakasevaki vei au na nomuni ka boivinaka.+
Na vula vou,+ na siga ni vakacecegu,+ na kaci moni soqoni vata,+Au sa sega ni vosota rawa na vakatevoro+ e caka tiko ena nomuni soqoni tabu.
14 Au cata na nomuni vula vou kei na nomuni soqo.
E icolacola vei au,Au sa oca na colata.
15 Ni oni dedeka na qeteqete ni ligamuni,Au vunia na mataqu vei kemuni.+
Oni masu vakalevu,+Ia au sega ni rogoca,+Ni lomoci na ligamuni ena dra.+
16 Moni vui kemuni, moni vakasavasavataki kemuni,+Moni kauta tani e mataqu na nomuni ivakarau ca,Moni muduka na nomuni caka ca.+
17 Vulica na caka vinaka, saga na lewadodonu,+Vakadodonutaka na dauvakasaurara,Taqomaka nona dodonu na gone e sega na tamana,*Vakamamasu ena vuku ni yada.”+
18 “Ni lako mada mai meda veivosaki vakadodonu,” e kaya o Jiova.+
“Ke damudamu na nomuni ivalavala ca,Ena vakavulavulataki me vaka na ucacevata,+Ke damu me vaka na tikinisulu kulakula,Ena vaka na vutinisipi.
19 Ke oni yalorawarawa moni vakarorogo,Oni na kania na vuaniqele vinaka.+
20 Ia ke oni bese moni talaidredre,Ena kani kemuni na iseleiwau,+Ni tukuna qo na gusu i Jiova.”
21 Sa saqamua+ na koro daudina!+
E dau lewadodonu,+E dau tiko kina na ivalavala dodonu,+Ia qo era sa tiko kina na daulaba.+
22 Na nomu siliva sa denikaukamea,+Na memu bia* sa vakawaicalataki ena wai.
23 Era domoqa na nomu turaga, era veitokani kei ira na daubutako.+
Era taleitaka kece mera vaqumi, era vinakata mera saumi.+
Era sega ni lewa vakadodonu na gone sega na tamana,*Kei na nodra kisi ni veilewai na yada e sega ni yaco vei ira.+
24 Ia na turaga dina o Jiova ni lewe vuqa,Na Kalou Kaukaua ni Isireli, e kaya:
“Sa rauta! Au na kauti ira tani na saqati au,Au na totogitaki ira na kequ meca.+
25 Ena tau vei iko na ligaqu,Au na savata na nomu denikaukamea me vaka na isavanikaukamea,Au na kauta tani kece na nomu duka.+
26 Au na vakalesui ira na nomu turaganilewa me vaka ga e liuKei ira na nomu daunivakasala me vaka ena itekitekivu.+
Oti qo o na vakatokai mo Koro Yalododonu, na Tauni Daudina.+
27 Ena vakabulai+ o Saioni ena lewadodonu,Kei ira na lewena era lesu ena ivalavala dodonu.
28 Era na rusa vata na dau veivorati kei ira na ivalavala ca,+Kei ira era biuti Jiova era na muduki.+
29 Era na maduataka na vunikau kaukaua oni taleitaka,+Oni na beci tale ga ena vuku ni basenikau* oni digitaka.+
30 Oni na vaka na vunikau levu e malai na drauna,+Kei na basenikau e sega kina na wai.
31 Na tamata kaukaua ena vaka na wa,*Kei na nona cakacaka na lidi ni buka,Erau na kama vata ruaruaEna sega ni dua me bokoca.”
iVakamacala e ra
^ Kena ibalebale “Veivakabulai i Jiova.”
^ Se “nona turaga.”
^ Ipe., “bobo.”
^ Se “valetabanikau.”
^ Qo na mataivalu vakalomalagi.
^ Se “ivakavuvuli.”
^ Se “na luveniyali.”
^ Se “bia caka ena witi.”
^ Se “na luveniyali.”
^ Rairai dusia na vunikau kei na basenikau e sema ina qaravi matakau.
^ Vaka na dali kama rawarawa.
