Jope 14:1-22
14 “Na tamata e sucu mai vua na yalewa,E lekaleka wale na nona bula+ qai sinai ena leqa.*+
2 E tubu mai vaka na senikau qai malai yani,*+E dro me vaka na iyaloyalo qai yali yani.+
3 Io, e vakaraici koya matua na matamuni,Oni qai kauti koya* mai me veilewai kei kemuni.+
4 O cei e savasava ni sucu mai vua e dukadukali?+
E sega sara ga ni dua!
5 Ke sa lewai tu nona siga,Sa tu vei kemuni na iwiliwili ni nona vula,Oni sa lesia vua na iyalayala me kua ni sivita.+
6 Ni vagolea tani vua na matamuni me rawa ni vakacegu,Me yacova ni sa vakacavara nona siga,+ me vaka na tamata cakacaka saumi.
7 Na vunikau mada ga sa tu na kena inuinui.
Ke tamusuki, ena tubu tale,Ena tubu tiko ga na kena coke.
8 Ke vuca na wakana ena qeleQai mate na vuna ena qele,
9 Ena kadre mai ni boica na wai,Ena qai tubu na tabana me vaka na kau vou.
10 Ia e mate na tamata qai davo galugalu,Ni mate na tamata, i vei o koya?+
11 E yali mai wasawasa na wai,E drodro laivi na uciwai qai maca sara.
12 E davo tale ga na tamata qai sega ni tucake.+
Era na sega ni yadra mai, me yacova ni sa yali na lomalagi,Se mera vakayadrati mai na nodra moce.+
13 Moni tabonaki au+ ena iBulubulu,*Ni vunitaki au kina me oti mada nomuni cudru,Ni lokuca vei au e dua na gauna, moni nanumi au kina!+
14 Ke mate e dua na tamata, ena bula tale?+
Au na wawa tiko ena siga kece sa loku tu vei auMe yacova niu sa vakacegui.+
15 Oni na kaci mai, au na rogo yani.+
Oni na vinakata* vakalevu na cakacaka ni ligamuni.
16 Ia ena gauna qo, oni wilika tiko ga na noqu ikalawa yadua,Oni raica ga na noqu ivalavala ca.
17 Sa sogoti vinaka tu ena kato na noqu cala,Oni qai sogota vinaka ena drega na noqu cala.
18 Me vaka ni sisi na ulunivanua qai katiki yaniKei na lutu ni vatu mai na kena vanua,
19 Me vaka ni yavu na vatu ena drodro ni waiKei na kena kui e vakayavuya na qele,Oni sa vakarusa tale ga na inuinui ni tamata.
20 Oni sa vakamalumalumutaki koya tiko me yacova ni mate,+Oni veisautaka na kena irairai, oni qai vakatalai koya tani.
21 Era rokovi na luvena, ia e sega ni kila o koya,Era sa vakawaletaki, ia e sega ni vakasamataka o koya.+
22 E vakila ga na mosi ena gauna se vakalewe kina,E lolosi ga ni se bula tiko.”
iVakamacala e ra
^ Se “luvuci ena rarawa.”
^ Se rawa ni, “qai musu laivi.”
^ Ipe., “au.”
^ Se “Seoli,” oya na ibulubulu ni kawatamata. Raica na iVakamacala ni Vosa.
^ Se “diva.”
