Vosa Vakaibalebale 23:1-35
23 Ni o dabe mo drau kana vata kei na tui,Mo vakasamataka vinaka na ka e tu e matamu,
2 Mo biuta na isele ena nomu itilotilo*Ke o daukana.
3 Mo kua ni garova na kena kakana kana vinaka,Ni kakana veivakacalai.
4 Mo kua ni vakaocai iko mo vutuniyau.+
Mo tu vakadua mo vakaraitaka ni o yalomatua.*
5 Ni o wanonova, sa sega e kea,+Ena tubu sara ga na tabana me vaka na ikeli qai vuka yani i macawa.+
6 Mo kua ni kania na kena kakana na tamata buroburogo,*Mo kua ni garova na kena kakana kana vinaka,
7 Ni vaka e dua e dau nanuma na ka.
“Mo kana, mo gunu,” e kaya vei iko, ia e sega ni dina.*
8 O na luaraka na tikinikakana o kaniaO vakamaumautaka na nomu vosa rogo vinaka.
9 Mo kua ni vosa e daligana na tamata yalowai,+Ni na beca na nomu vosa vuku.+
10 Mo kua ni tosoya na iyalayala ni vanua ni gauna makawa+Se lakova vakaveitalia na nodra were na gone sega na tamadra.
11 Ni kaukaua o koya e taqomaki ira,*Ena totaki ira ni veilewaitaki iko.+
12 Mo vagolea na lomamu ina veivakavuliciKei na daligamu ina vosa ni kilaka.
13 Mo kua ni cegu ni vakavulica na gone.+
Ke o kuitataki koya ena kau, ena sega ni mate.
14 Mo kuitataki koya ena kau,Mo vakabulai koya mai na iBulubulu.*
15 Na luvequ, ke vuku na lomamuEna marau vakalevu na lomaqu.+
16 Ena marau na lomaqu*Ni tukuna na ka dodonu na tebenigusumu.
17 Me kua ni vuvutaki ira na ivalavala ca na lomamu,+Ia mo dokai* Jiova ena siga taucoko,+
18 Ena vinaka kina na nomu gauna se bera mai+Ena sega ni muduki na nomu inuinui.
19 Mo vakarorogo na luvequ mo vuku kina,Mo vagolea na lomamu ena sala dodonu.
20 Mo kua ni maliwai ira na gunu waini vakasivia,+Kei ira na kana lewe ni manumanu vakasivia,+
21 Ni na dravudravua na dau mateni kei na dau kana,+Na dau sosovu ena vakaisulu ena isulu madra.
22 Mo vakarorogo vei tamamu ni vakavuna na nomu sucu,Mo kua ni beci tinamu ni sa qase mai.+
23 Mo volia* na ka dina mo kua ni volitaka,+Vaka kina na vuku, na ivakavuvuli, kei na yalomatua.+
24 Ena reki sara ga vakalevu na tamana na yalododonu,O koya e tamana na gone vuku ena marautaki koya.
25 Ena marau na tamamu kei na tinamu,Ena reki vakalevu na yalewa e vakasucumi iko.
26 Na luvequ, mo solia vei au na lomamu,Me taleitaka mada ga na matamu na noqu sala.+
27 Ni qara titobu na saqamua,Kei na yalewa ivalavala dukadukali* e toevu qiqo.+
28 E toka vuni o koya me vaka na daubutako,+E vakalevutaka na kedra iwiliwili na tagane sega ni yalodina.
29 O cei e rarawa? O cei e nuiqawaqawa?
O cei e veiba? O cei e vosavosa?
O cei e mavoa wale? O cei e matamocemoce?
30 O ira na gunu waini tiko vakabalavu,+O ira na lai qara* na waini veiwaki.
31 Mo kua ni raica na waini damudamuNi tatibi ena bilo qai totoka na kena igunugunu,
32 Ni oti oya e kati me vaka na gata,E solia na ka gaga me vaka na gata batigaga.
33 Ena raica na matamu na ka tani,Na lomamu ena tukuna na ka ca.+
34 O na vaka e dua e davo e loma ni wasawasa,Vaka e dua e davo tiko ena ulu ni ivana ni waqa.
35 O na kaya: “Era vacuki au ia au sega ni vakila.*
Era mokuti au ia au sega ni kila.
Au na yadra ninaica?+
Meu gunu tale.”*
iVakamacala e ra
^ Se “lewai iko vinaka.”
^ Se rawa ni, “Mo kua ni vakararavi ena nomu yalomatua.”
^ Se “dua e ca na matana.”
^ Ipe., “sega ni lomana dina vei iko.”
^ Ipe., “na nodra iVakabula.”
^ Se “Seoli,” oya na ibulubulu ni kawatamata. Raica na iVakamacala ni Vosa.
^ Ipe., “noqu ivi.”
^ Ipe., “rerevaki.”
^ Se “rawata.”
^ Se “soqoni mera tovolea.”
^ Se “sega ni vakila na mosi.”
^ Se “Au na qara tale.”
