1. Mawu nyí wanyi bo byɔ mǐ

Ðɔ mǐ ni ɖó wanyiyi.

Wǎn yí nú Jah kpo nɔzo kpo

Na zɔ́n mǐ na wà ɖagbe.

Enɛ wɛ nyí ali gbɛ̀ tɔn;

Gbɛ̀ mɔhun ba wɛ mǐ ɖè.

Wanyi Klisu tɔn na vɔ ǎ.

É wɛ mǐ bǐ ɖó na ɖó.

2. Wǎn yí nú Jehovah nɔ zɔ́n

Bɔ mǐ nɔ yí wǎn nú mɛ.

Mǐ j’ayǐ ɔ, é nɔ fɔ́n mǐ;

Bo nɔ lɛ́ na hlɔnhlɔn mǐ.

Wanyi nɔ hwanwǔ gbeɖé ǎ;

É nyɔ́ xomɛ, bo nɔ dɛ.

Wanyi mǐtɔn ni nɔ jɛji;

Bonu mǐ na ɖu lè tɔn.

3. Ma nɔ hɛn mɛ dó xomɛ ó;

Ny’alɔ nú jijɔ enɛ.

Ðeji, Jah na xlɛ́ ali we.

É na kplɔ́n nǔ elɔ we:

Yǐ wǎn nú Jah kpo nɔzo kpo,

Nǔ’e wanyi nɔ wà é bǐ.

Mǐ ni yí wǎn nú mɛ lɛ bǐ,

Lee Jah yí nú mɛ gbɔn é.