Kɛ́ mɔ ko ná ebatsɔ shiɛlɔ lɛ, belɛ ekpɛlɛɔ nɔ akɛ Yehowa Odasefoi ajeŋ muu fɛɛ jamɔ gbɛjianɔtoo lɛ, ní efãi komɛi ji asafoi ni yɔɔ maŋ nɛɛ mli lɛ, nitsumɔhe nine ni yɔɔ maŋ nɛɛ mli lɛ, kɛ Yehowa Odasefoi agbɛjianɔtoi krokomɛi ni tamɔ nakai lɛ, kɛ ehe saji atsu nii bɔ ni mla ŋmɛɔ gbɛ, ni amɛfee nakai hu yɛ amɛjamɔ lɛ hilɛkɛhamɔ hewɔ. Shiɛlɔi jɛɔ amɛsuɔmɔ mli amɛkɛ amɛhe saji hãa asafo ni amɛyɔɔ mli lɛ, taakɛ atsɔɔ mli yɛ Ato Wɔhe Gbɛjianɔ Koni Wɔfee Yehowa Suɔmɔnaa Nii wolo lɛ mli lɛ, bɔ ni afee ni amɛnyɛ amɛkɛ amɛhe awo jamɔ nifeemɔi komɛi amli koni anyɛ akɛ ŋmalɛ naa yelikɛbuamɔ ni sa hu ahã amɛ.​—1 Petro 5:2.

Shiɛlɔi baanyɛ amɛkɛ amɛhe saji krokomɛi hu ahã Yehowa Odasefoi be ni amɛkɛ amɛhe woɔ Yehowa Odasefoi ajamɔ nifeemɔi krokomɛi amli lɛ. Mɔ he saji ni ehe baahia ni ekɛhã lɛ ekomɛi ji egbɛ́i, deeti ni akɛfɔ lɛ, ni etsɔɔ kɛji nuu ji lɛ loo yoo ji lɛ, deeti ni akɛbaptisi lɛ, adrɛs kɛ etɛlifoŋ nɔmba, saji ni kɔɔ emumɔŋ shidaamɔ he, eshiɛmɔ nitsumɔ lɛ he saji, loo hegbɛi ni eyɔɔ yɛ Yehowa Odasefoi lɛ ateŋ. Shiɛlɔ lɛ he saji ni ekɛbaahã lɛ ekomɛi baahã ana ejamɔŋ hemɔkɛyelii, ni ekomɛi hu kɔɔ ehe saji ni esaaa akɛ mɔ fɛɛ mɔ kɛkɛ leɔ lɛ ahe. Dani wɔbaanyɛ wɔkɛ ohe saji atsu nii lɛ, ebaabi ni wɔnine ashɛ nɔ, wɔŋmala wɔshwie shi, wɔto he gbɛjianɔ, wɔkɛto, loo wɔfee nibii krokomɛi ni tamɔ nakai yɛ ohe saji lɛ ahe lɛ.

Mɛi Ahe Saji Ahebuu Mla ni yɔɔ maŋ nɛɛ mli ji:

Data Protection Act (DSG.

Mɛi Ahe Saji Ahebuu Mla nɛɛ tsɔɔ akɛ, shiɛlɔi lɛ kpɛlɛɔ nɔ akɛ Yehowa Odasefoi kɛ amɛhe saji atsu jamɔŋ nibii ahe nii, ni nibii nɛɛ ekomɛi nyiɛ sɛɛ nɛɛ:

• be ni amɛkɛ amɛhe woɔ kpeei srɔtoi ni Yehowa Odasefoi asafoi ni yɔɔ maŋ nɛɛ mli lɛ feɔ, kɛ nitsumɔi ni mɛi jɛɔ amɛsuɔmɔ mli amɛkɛ amɛhe hãa kɛtsuɔ lɛ ateŋ eko fɛɛ eko mli lɛ;

• be ni amɛkɛ amɛhe woɔ asafoŋ kpeei, kpeei bii, kɛ kpeei wuji ni arikɔdiɔ ni akɛtsɔɔ Yehowa Odasefoi ni yɔɔ jeŋ fɛɛ lɛ nii koni amɛhe awa yɛ hemɔkɛyeli lɛ mli lɛ mli lɛ;

• be ni amɛtsuɔ nitsumɔi loo nifeemɔi loo hegbɛi krokomɛi ni akɛwoɔ amɛdɛŋ yɛ asafo lɛ mli lɛ ahe nii, ní nibii nɛɛ ekomɛi biɔ ni akɛ shiɛlɔi lɛ agbɛ́i kɛ nifeemɔi ni amɛyɔɔ lɛ akpɛtɛ adafitswaa tao nɔ yɛ Yehowa Odasefoi A-Maŋtsɛyeli Asai lɛ eko nɔ lɛ;

• be ni atsuɔ Asafoŋ Shiɛlɔ He Saji woji lɛ ahe nii lɛ;

• be ni Yehowa Odasefoi asafo lɛ mli onukpai lɛ saraa shiɛlɔi lɛ, ni amɛkwɛɔ amɛnɔ lɛ (Bɔfoi 20:28; Yakobo 5:14, 15);

• be ni aŋmalaa shiɛlɔi adrɛs kɛ amɛtɛlifoŋ nɔmba koni kɛ́ oshara ko ba lɛ, nine anyɛ ashɛ amɛnɔ oya lɛ.

Akɛ ohe saji nɛɛ baato be kplaŋŋ, bei abɔ ni ehe baahia ni akɛtsu yiŋtoi ni awie he kɛtsɔ hiɛ nɛɛ kɛ yiŋtoi krokomɛi ni sa jogbaŋŋ lɛ ahe nii lɛ. Kɛ́ shiɛlɔ ko kɛɛ esumɔɔɔ ni esain fɔm ni ji Mikpɛlɛɔ Ni Akɛ Mihe Saji Atsu Nii lɛ, Yehowa Odasefoi lɛ nyɛŋ abu shiɛlɔ lɛ akɛ eji mɔ ni sa akɛ ahãa lɛ hegbɛi komɛi yɛ asafo lɛ mli, loo anyɛŋ ahã ekɛ ehe awo jamɔŋ nifeemɔi komɛi amli.

Abaanyɛ akɛ shiɛlɔi ahe saji amaje Yehowa Odasefoi agbɛjianɔtoi lɛ eko fɛɛ eko, kɛ́ ehe miihia ni afee nakai, ni nakai feemɔ hu sa. Shiɛlɔi lɛ le akɛ Yehowa Odasefoi agbɛjianɔtoi lɛ ekomɛi yɛ maji krokomɛi anɔ, ni ekolɛ esoro maji krokomɛi nɛɛ amlai ni buɔ mɛi ahe saji ahe lɛ yɛ maŋ ni amɛyɔɔ nɔ amrɔ nɛɛ nɔ lɛ he. Kɛ̃lɛ lɛ, shiɛlɔi lɛ le akɛ mɛi fɛɛ ni nine shɛɔ amɛhe saji lɛ anɔ, ni gbɛjianɔtoi srɔtoi ni yɔɔ Yehowa Odasefoi ajeŋ muu fɛɛ nitsumɔhe yitso ni yɔɔ United States lɛ fata he lɛ kɛ amɛhe saji lɛ baatsu nii tamɔ bɔ ni atsɔɔ yɛ sane ni ji Yehowa Odasefoi Amlai Ni Buɔ Mɛi Ahe Saji Ahe Yɛ Jeŋ Fɛɛ lɛ mli lɛ.

Shiɛlɔi yɛ hegbɛ ni amɛnaa amɛhe saji ni amɛkɛhã lɛ, amɛbaanyɛ amɛbi ni adiliti kɛje wɔnibii amli loo amɛbi ni akɛkpa nitsumɔ, ni kɛ́ amɛna akɛ amɛhe saji ni amɛkɛhã Yehowa Odasefoi lɛ ejaaa lɛ, amɛbaanyɛ amɛbi ni afee tsakemɔi yɛ mli. Shiɛlɔi baanyɛ akpɛ amɛyiŋ be fɛɛ be akɛ amɛsumɔŋ ni wɔsɛɛ ko lɛ, akɛ amɛhe saji atsu nii dɔŋŋ. Kɛ́ shiɛlɔ ko kpɛ eyiŋ akɛ esumɔŋ ni akɛ ehe saji atsu nii dɔŋŋ lɛ, Yehowa Odasefoi baanyɛ adamɔ mla naa hegbɛ ni amɛyɔɔ ni amɛkɛtsuɔ amɛjamɔŋ bii ni yɔɔ jeŋ fɛɛ lɛ asaji ahe nii loo nɔ kroko ni atsɔɔ yɛ Mɛi Ahe Saji Ahebuu Mla lɛ mli lɛ nɔ amɛya nɔ amɛkɛ shiɛlɔ lɛ he saji lɛ ekomɛi atsu nii, ni eyiŋkpɛɛ nɛɛ etsĩii amɛ naa. Shiɛlɔi le akɛ, amɛyɛ hegbɛ ni amɛyabɔɔ nitsumɔhe ni buɔ mɛi ahe saji ahe ni yɔɔ maŋ ni amɛyɔɔ nɔ amrɔ nɛɛ amaniɛ akɛ amɛsumɔŋ ni akɛ amɛhe saji atsu nii dɔŋŋ.

Yehowa Odasefoi tsɔɔ gbɛi srɔtoi ni atsɔɔ nɔ abuɔ mɛi ahe saji ahe jogbaŋŋ ni kɛ Mɛi Ahe Saji Ahebuu Mla lɛ kpãa gbee lɛ nɔ amɛbuɔ mɛi ahe saji ahe. Shiɛlɔi le akɛ mɛi fioo ni ahã amɛ hegbɛ lɛ pɛ nine baashɛ amɛhe saji lɛ anɔ koni akɛtsu yiŋtoi ni awie he kɛtsɔ hiɛ nɛɛ ahe nii.

Kɛ́ ootao obi mɔ ni kwɛɔ mɛi ahe saji ahebuu nɔ lɛ sane ko lɛ, obaanyɛ osɛndi e-mail kɛya:

Ofainɛ kwɛmɔ jw.org lɛ nɔ fã ni ji Mɛi Ahe Saji Ahebuu​—Adrɛs Kɛ Tɛlifoŋ Nɔmba.

Shiɛlɔi lɛ le akɛ, kɛ́ amɛmiitao mɔ ni nine shɛɔ amɛhe saji anɔ yɛ amɛmaŋ lɛ mli, loo yɛ hei komɛi lɛ, mɔ nɛɛ najiaŋdamɔlɔ lɛ kɛ mɔ ni kwɛɔ mɛi ahe saji ahebuu nɔ lɛ adrɛs kɛ etɛlifoŋ nɔmba lɛ, amɛbaanyɛ amɛna yɛ jw.org lɛ nɔ fã ni ji Mɛi Ahe Saji Ahebuu​—Adrɛs Kɛ Tɛlifoŋ Nɔmba.

Yɛ tsakemɔi ni wɔfeɔ yɛ wɔjamɔŋ nifeemɔi amli, loo tsakemɔi ni afeɔ yɛ mla lɛ mli, loo tɛknɔlɔji ni yaa hiɛ lɛ hewɔ lɛ, bɔ ni wɔkɛ mɛi ahe saji tsuɔ nii wɔhãa lɛ baanyɛ atsake yɛ be kɛ beiaŋ. Kɛ́ ehe bahia ni wɔtsake wɔ-Mla lɛ ni ji Bɔ Ni Wɔkɛ Mɛi Ahe Saji Tsuɔ Nii Wɔhãa lɛ, wɔkɛ tsakemɔi nɛɛ baawo biɛ koni be fɛɛ be lɛ, shiɛlɔi ale amɛhe saji ni wɔnine shɛɔ nɔ lɛ kɛ bɔ ni wɔkɛtsuɔ nii wɔhãa. Ofainɛ, yɛ be kɛ beiaŋ lɛ, baakwɛ biɛ koni ona tsakemɔi ni wɔfee.