Lalai 57:1-11
Kɛhã lalatsɔɔlɔ lɛ; akɛfɔ̃ “Kaakpãtã Hiɛ.” David nɔ. Miktam.* Be ni ejo Saul naa foi kɛtee tɛkplo lɛ mli lɛ.+
57 Naa mi mɔbɔ, Ao Nyɔŋmɔ, naa mi mɔbɔ,Ejaakɛ bo abo mibaa,*+Ni ofiji ashishi hɔɔŋ lɛ mli mibaa abo yɛ kɛyashi haomɔi lɛ asɛɛ baafo.+
2 Miibo miitsɛ Nyɔŋmɔ, Mɔ Ni Nɔ Kwɔ Fe Fɛɛ lɛ,Anɔkwa Nyɔŋmɔ lɛ, mɔ ni foɔ mihaomɔi lɛ asɛɛ ehãa mi lɛ.
3 Ebaahã ajɛ ŋwɛi abaye abua mi ni ahere mi.+
Ebaahao mɔ ni taoɔ mi ami lɛ. (Sela)
Nyɔŋmɔ baatsu esuɔmɔ ni tsakeee lɛ kɛ enɔkwayeli lɛ kɛba.+
4 Jatai ebɔle mi;*+Makã hii ni taoɔ mi ami lɛ ateŋ,Mɛi ni amɛnyanyɔji tamɔ akpɔlɔ kɛ gãimlibiiNi amɛlilɛi hu tamɔ klante ni naa ba lɛ.+
5 Ao Nyɔŋmɔ, awó onɔ gojoo kɛteke ŋwɛi,Onunyam lɛ ayi shikpɔŋ lɛ nɔ fɛɛ.+
6 Amɛŋmɛ yaa koni amɛkɛtsɔ minaji tsɔne;+Haomɔ ehã midɔ mimli* kɔmɔɔ.+
Amɛtsa bu yɛ mihiɛ,Shi amɛ moŋ amɛyagbee mli.+ (Sela)
7 Ao Nyɔŋmɔ, mitsui efi shi shiŋŋ,+Mitsui efi shi shiŋŋ.
Malá ni matswa lala.
8 Ohiɛ atsɛ̃, minunyam.
Ao kpãa saŋku, ohiɛ atsɛ̃; ni bo saŋku hu nakai nɔŋŋ.
Matsĩɛ leebi maŋkpa hiɛ.+
9 Ao Yehowa, majie oyi yɛ majimaji lɛ ateŋ;+Malá majie* oyi yɛ jeŋmaji lɛ ateŋ.+
10 Ejaakɛ osuɔmɔ ni tsakeee lɛ da, eshɛɔ ŋwɛi tɔ̃ɔ,+Ni onɔkwayeli lɛ hu shɛɔ atatuiaŋ tɔ̃ɔ.
11 Ao Nyɔŋmɔ, awó onɔ gojoo kɛteke ŋwɛi,Onunyam lɛ ayi shikpɔŋ lɛ nɔ fɛɛ.+
Shishigbɛ Niŋmaa
^ Kwɛmɔ Wiemɔi Titrii Amligbalamɔ lɛ.
^ Loo “misusuma baa.”
^ Loo “misusuma.”
^ Loo “ehã misusuma edɔ emli.”
^ Loo “Matswa lala kɛjie.”
