Yesaia 53:1-12
53 Namɔ ehe nɔ ni anu kɛjɛ wɔŋɔɔ* lɛ eye?+
Ni Yehowa nine lɛ,+ namɔ ajie lɛ kpo atsɔɔ?+
2 Ebaafã kpo tamɔ tso fɔ+ ko yɛ ehiɛ,* tamɔ tso shishifã ni efã kpo kɛjɛ shikpɔŋ gbiŋ mli.
Ebɛ gbɔmɔtsoŋ hefɛo ko, ni ebɛ anunyam ko hu;+Ni kɛ́ wɔna lɛ lɛ, ehiɛ su hãaa wɔnyɛ wɔbɛŋkɛ lɛ.*
3 Anyaŋe lɛ, ni gbɔmɛi tsi amɛhe kɛje ehe,+Gbɔmɔ ni le nɔ ni piŋmɔ ji* ni ele helai hu.
Etamɔ nɔ ni akɛ ehiɛ etee wɔ.*
Anyaŋe lɛ, ni wɔbuuu lɛ wɔhãaa nɔ ko.+
4 Lɛɛlɛŋ, lɛ etere wɔhelai,+Ni etere wɔpiŋmɔi lɛ.+
Shi wɔbu lɛ akɛ mɔ ko ni Nyɔŋmɔ piŋ lɛ, ni etswa lɛ nɔ, ni ehã ena nɔ.
5 Shi atsu lɛ nɔ+ yɛ wɔnɔtɔmɔi lɛ ahewɔ;+Atswia lɛ nii* yɛ wɔtɔmɔi lɛ ahewɔ.+
Lɛ etere toigbalamɔ lɛ koni wɔná toiŋjɔlɛ,+Ni yɛ ehe faji lɛ ahewɔ lɛ, atsa wɔ.+
6 Wɔ fɛɛ wɔdu gbɛ tamɔ gwantɛŋi,+Mɔ fɛɛ mɔ ekɔ lɛ diɛŋtsɛ egbɛ,Ni Yehowa ehã wɔ fɛɛ wɔhe esha lɛ ebakã enɔ.+
7 Awa lɛ yi,+ ni eŋmɛɛ ehe ehã nɔnaa,+Shi egbeleee enaa.
Akɛ lɛ ba tamɔ gwantɛŋ ni ayaagbe lɛ,+Tamɔ gwantɛŋyoo feɔ diŋŋ yɛ ehetsɔikulɔi ahiɛ lɛ,Ni egbeleee enaa.+
8 Akɛ lɛ tee yɛ nɔnyɛɛ* kɛ kojomɔ hewɔ;Ni namɔ baagba ehe naa yɛ eyinɔ he saji lɛ ahe?*
Ejaakɛ afo lɛ ashɛ afɔ̃ kɛje hiɛkãalɔi ashikpɔŋ lɛ nɔ;+Ni atswa lɛ nɔ* yɛ mimaŋ lɛ nɔtɔmɔ lɛ hewɔ.+
9 Ni ahã lɛ fuuhe* yɛ mɛi fɔji ateŋ,+Ni efata niiatsɛmɛi ahe* yɛ egbele mli,+Eyɛ mli akɛ efeko efɔŋ ko*Ni anaaa amale ko yɛ edaaŋ.+
10 Shi Yehowa miisumɔ* akɛ etswa lɛ nɔ, ni eŋmɛ gbɛ ni hela mɔ lɛ.
Kɛ́ okɛ ewala* baahã akɛ sɔ̃ afɔle lɛ,+Ebaana eseshi,* ni egbii asɛɛ baatsɛ,+Ni nɔ ni Yehowa yɔɔ he miishɛɛ* lɛ baaba mli kɛtsɔ enɔ.+
11 Ehaomɔ* lɛ hewɔ lɛ, ebaana nibii kpakpai ni etsui baanyɔ emli.
Enilee lɛ hewɔ lɛ, jalɔ lɛ, mitsulɔ lɛ,+Baahã abu mɛi babaoo jalɔi,+Ni ebaatere amɛhe eshai lɛ.+
12 Enɛ hewɔ lɛ, mahã lɛ egbɛfaŋnɔ yɛ mɛi pii ateŋ,Ni ekɛ hewalɔi baaja ta mli nii,Ejaakɛ efɔse ewala* eshwie shi yɛ gbele mli po+Ni abu lɛ ashi nɔtɔlɔi anɔ;+Etere mɛi pii ahe esha,+Ni edamɔ mli ehã nɔtɔlɔi lɛ.+
Shishigbɛ Niŋmaa
^ Shishitsɔɔmɔi komɛi kɛɔ akɛ, “nɔ ni wɔnu.”
^ “Ehiɛ” ni akɛtsu nii yɛ biɛ lɛ baanyɛ akɔ mɔ ko kɛkɛ he loo ekɔ Nyɔŋmɔ he.
^ Loo “ehe efeee wɔ akɔnɔ.”
^ Shishitsɔɔmɔi komɛi kɛɔ akɛ, “Etamɔ mɔ ko ni mɛi jieɔ amɛhiɛ kɛjeɔ enɔ.”
^ Loo “Gbɔmɔ ni nuɔ piŋmɔ shishi.”
^ Loo “Akumɔ lɛ.”
^ Loo “atswa lɛ nɔ ni egbo.”
^ Loo “yɛ eshihilɛ he?”
^ Loo “yiwaa.”
^ Loo “Ni mɔ ko kɛ efuuhe baahã.”
^ Hebri sht. ŋm., “niiatsɛ ko he.”
^ Loo “efeko yiwalɛ nii ko.”
^ Loo “esusuma.”
^ Loo “nɔ ni Yehowa sumɔɔ.”
^ Hebri sht. ŋm., “edumɔwu.”
^ Loo “Yehowa yɛ he miishɛɛ.”
^ Loo “Esusuma haomɔ.”
^ Loo “esusuma.”
