Yesaia 63:1-19
63 Namɔ jɛ Edom ebaa nɛɛ?+Ejɛ Bozra+ ni ewo atadei ni hiɛ kɔlai srɔtoi,*Etade lɛ yɛ fɛo waa,Eeshi akoŋ yɛ ehewalɛ kpele lɛ mli.
“Mi ni, mi mɔ ni miwieɔ yɛ jalɛ mli,Ni yɔɔ hewalɛ kpele ni ekɛhereɔ yiwala lɛ.”
2 Mɛni hewɔ otade lɛ etsu lɛ?Mɛni hewɔ otadei lɛ efee tamɔ mɔ ko ni miinaanaa wain yibii anɔ yɛ bu ni aŋaa wain yɛ mli lɛ atadei lɛ?+
3 “Mikome too minaanaa bu ni aŋaa wain yɛ mli lɛ mli.
Majimaji lɛ anɔ bii lɛ ateŋ mɔ ko mɔ ko fataaa mihe.
Mitee nɔ minaanaa mli yɛ mimlifu lɛ mli.Mitee nɔ minaanaa amɛnɔ yɛ mimlila lɛ mli.+
Amɛlá lɛ ekpa mitadei lɛ amli,Amɛlá lɛ ewu mitade lɛ mli fɛɛ.
4 Ejaakɛ oweletɔɔ gbi lɛ yɛ mitsui mli,+Ni afi kɛhã mɛi ni mikpɔ̃ lɛ eshɛ.
5 Mikwɛ mihe, shi mɔ ko mɔ ko bɛ ni baaye abua mi;Minaa kpɛ mihe akɛ mɔ ko mɔ ko yeee ebuaaa mi.
No hewɔ lɛ, mi diɛŋtsɛ minine kɛ yiwalaheremɔ ba,*+Ni mi diɛŋtsɛ mimlila lɛ ye ebua mi.
6 Minaanaa majimaji anɔ yɛ mimlifu lɛ mli,Mimlila lɛ hã amɛtɔrɔ dãa+Ni mifɔse amɛlá lɛ mishwie shikpɔŋ.”
7 Matsĩ nibii ni Yehowa efee kɛjie suɔmɔ ni tsakeee kpo lɛ atã,Yehowa nitsumɔi ni sa yijiemɔ lɛ,Yɛ nibii fɛɛ ni Yehowa efee ehã wɔ lɛ hewɔ,+Nibii kpakpai babaoo ni efee ehã Israel shĩa lɛ,Yɛ emɔbɔnalɛ kɛ esuɔmɔ ni tsakeee ni fa babaoo lɛ naa lɛ.
8 Ejaakɛ ekɛɛ akɛ: “Amɛji mimaŋ lɛɛlɛŋ, bii* ni ejeŋ misɛɛ.”*+
No hewɔ lɛ, etsɔ amɛ-Yiwalaherelɔ.+
9 Be ni amɛhao lɛ mli fɛɛ lɛ, lɛ hu ehao.+
Ni lɛ diɛŋtsɛ etsulɔ* lɛ here amɛyiwala.+
Ejɛ esuɔmɔ kɛ emusuŋtsɔlɛ mli ekpɔ̃ amɛ,+Ni ehole amɛ ni ehiɛ amɛ yɛ blema gbii lɛ fɛɛ amli.+
10 Shi amɛtse atua+ ni amɛhã emumɔ krɔŋkrɔŋ lɛ werɛ ho ehe.+
Kɛkɛ ni etsɔ amɛhenyɛlɔ,+Ni ewu eshi amɛ.+
11 Ni amɛkai blema gbii lɛ,Etsulɔ Mose gbii lɛ, ni amɛkɛɛ:
“Nɛgbɛ mɔ ni jie amɛ kɛje ŋshɔ lɛ mli+ kɛ tookwɛlɔi ni kwɛɔ etooku lɛ yɔɔ?+
Nɛgbɛ mɔ ni kɛ emumɔ krɔŋkrɔŋ lɛ wo emli lɛ yɔɔ?+
12 Mɔ ni hã enunyam nine lɛ nyiɛ Mose ninejurɔ nɔ lɛ,+Mɔ ni gba nui lɛ amli yɛ amɛhiɛ+Koni ekɛfee gbɛ́i ehã ehe kɛya naanɔ lɛ,+
13 Mɔ ni hã amɛnyiɛ nui ni efee hamahama* lɛ mliNi no hewɔ lɛ, amɛnyiɛ ni amɛtɛrɛɛɛ,Tamɔ bɔ ni okpɔŋɔ tɛɛɛ yɛ shikpɔŋ ni kã shi shwaŋŋ nɔ* lɛ.
14 Bɔ ni kooloi kpelekeɔ shi kɛyaa jɔɔ mli koni amɛyajɔɔ amɛhe lɛ,Nakai Yehowa mumɔ lɛ hã amɛjɔɔ amɛhe.”+
Nɛkɛ ji bɔ ni onyiɛ omaŋ lɛ hiɛKoni okɛfee gbɛ́i kpele* ohã ohe.+
15 Jɛɛ ŋwɛi oma oyi shi okwɛJɛɛ onunyam shihilɛhe* ni yɔɔ krɔŋkrɔŋ ni yɔɔ ŋwɛi lɛ okwɛ.
Nɛgbɛ ohiɛdɔɔ kɛ ohewalɛ lɛ yɔɔ?Nɛgbɛ omusuŋtsɔlɛ+ kɛ omɔbɔnalɛ ni kanyaa bo lɛ yɔɔ?+
Ojie amɛ kɛje mihe.
16 Ejaakɛ bo ji wɔ-Tsɛ;+Ekolɛ Abraham leee wɔNi Israel hu yooo wɔ moŋ,Shi bo, Ao Yehowa, bo ji wɔ-Tsɛ.
Wɔ-Kpɔ̃lɔ ji ogbɛ́i kɛjɛ blema tɔ̃ɔ.+
17 Ao Yehowa, mɛni hewɔ ohãa wɔduɔ gbɛ kɛjeɔ ogbɛi lɛ anɔ?
Mɛni hewɔ ohãa wɔtsuiŋ waa koni wɔkashe bo gbeyei lɛ?+
Kuu osɛɛ, yɛ otsuji lɛ ahewɔ,Yɛ ogboshinii lɛ mli wekui lɛ ahewɔ.+
18 Ebaje omaŋ krɔŋkrɔŋ lɛ dɛŋ be fioo ko.
Wɔhenyɛlɔi lɛ enaanaa ohe krɔŋkrɔŋ lɛ nɔ.+
19 Ejaakɛ be kplaŋŋ nɛ ni wɔtsɔmɔ tamɔ mɛi ni oyeko amɛnɔ pɛŋ,Tamɔ mɛi ni akɛ ogbɛ́i lɛ tsɛko amɛ pɛŋ.
Shishigbɛ Niŋmaa
^ Shishitsɔɔmɔi komɛi kɛɔ akɛ, “atadei ni tsuɔ waa.”
^ Loo “mi diɛŋtsɛ minine hã miye kunim.”
^ Loo “bii ni maleŋ.”
^ Hebri sht. ŋm., “bihii.”
^ Loo “Ni ŋwɛibɔfo ni yɔɔ ehiɛ.”
^ Loo “nui ni mli kwɔlɔ.”
^ Loo “tɛɛɛ yɛ ŋa nɔ.”
^ Loo “fɛfɛo.”
^ Loo “oshihilɛhe fɛfɛo.”
