Dede wen ka tɔa nde hio wi be dung nɛ tu nɔ mɔ kpo nɛ kpo ha zu nu yo ha zang Bible (Psaume 37:29). E kpa hio be takarata 66 ha zang Bible. Sɔ dea tom nɛ hio wowi sanga nɛ 40 ka dung nɛ mbɔa zu mɔ ngɛrki nɛ yo. Moïse ha ngɛrki bosi takarata 5 mɔ Bible. Wɛnɛ ngɛrka yo dea bɛlɛ 3 500 mɔngɔ kari. Wan nɛ tom Jean ha ngɛrki kpo-gio takarata mɔ Bible kpa bɛlɛ 1 900 nɛ nua. Takara mɔ pɛ o hio na ngɛrki Bible ngɛrka nde? Sɔ ha tɔa wen ha hio wi ka ngɛrka Bible nɛ wal nzɔy-sɔtɛ (2 Samuel 23:2). Hio wia ngɛrki ka nɛ wen sila Sɔ mɛ bo nɛ wen sila mbua na. Mɔngɔ, Bible gutɛ ha nu Jéhovah.​—Tɔli 2 Timothée 3:16; 2 Pierre 1:20, 21.

Zɔ vidéo Bible nɛ̂ wen nu o nde?

Ɔ ingɔ nde Bible nɛ wen nu Sɔ, ha zu hio be sɛkɛ-sɛkɛ mɔ ka osa sɔngsi tɛa kpasa wen. Yo nɛ mɔ ka wi lɛm de yo na (Josué 23:14). Nɛ Sɔ ka ngaya pen mɔ fɛt ka lɛma osa mɔ ka dung nɛ saa ha wi bin.​—Tɔli Jacques 4:14, 15.

Ka ma mbeti gutɛ ha pɛ Sɔ, yo lɛma nde mbetia dung nɛ tɛ. Bible ka mɔngɔ. Ɛ kapana yo ha hio wi nɛ nu lê tomay nɛ doka Bible yɛ-bha pentɛ. Ngase yo nɛ koto mbeti, hio mɔ ka Bible tɔa zu science yo ka gbesi nɛ wen ka science tɔa. Wen ka hio wi 40 ngɛrka nɛa ka ndang. * Ha zua, wen ka Bible tɔa ha zu ngoy osi nde Bible gutɛ ha nu Sɔ, Sɔ mɔ ngoy. Bible bhona soe fɛt nɛ ngaya mɔ sanzi deamɔ pɛ hio wi mɔ  tɛ nɛ dedea. Hio mɔ ki dea nde hio ma wi tomay nɛ tomay a mɛkiri Bible tuka wen nu Sɔ.​—Tɔli 1 Tesalonike 2:13.

Zɔ vidéo Ɔ ingɔ mɛng nde Bible tɔ nɛ kpasa wen nde?

Dede wen ka Bible yol ha zua nɛ ɛngɛ: Nɛ wal ngoy Sɔ bhongara mɔ de ma mɔ ha zu hio wi. Bible ba osi mɛng hio wi ba kɔpi dede dungɔ nu ha zang paradis fin nɛ wal ka nu be tɛ bin paradis.​—Tɔli Gbasamɔ 21:4, 5.

Ha zang Bible e be kpa hio bhonga nɛ hio mbɔla. Ha zua mɛ be kpa hio weka mɔ nɛ dede deamɔ pɛ Sɔ ha tɛ hio wi. Nɛ wal hio weka mɔ, ɔ lɛma mɔ ing mana Sɔ mɛng nde. Mɔngɔ, Bible lɛma ha ko ha mɛ mɔ ing Sɔ. Yo osa fin, mɔ ka mɛ lɛma mɔ de mɔ bhongiri dede dungɔ nu ha soko mɛ nɛ wɛnɛ.​—Tɔli Jean 17:17; Jacques 2:23; 4:8.

Brochure ke de tom nɛ kandɔ deamɔ pɛ Jésus mɔ ha kɔ ha mɛ mɔ ze zang Bible. Jésus dea tom nɛ hio ma wen nɛtɛ nɛtɛ ha zang Bible mɔ bulsi zu ‘goto mbeti pɛ Sɔ.’​—Tɔli Luc 24:27, 45.

Ma dede wen mɔ lɛm nɛ dede wen ka gutɛ ha nu Sɔ bona. Ngase ingi, hio ma wi ayo ka boa mɛkara yo na, wena gnim mbua gnim. Gde sila mɛ, a mɔk na. Mɛ bedung nɛ mɛkaramɔ mɔ kpa tunɔ mɔ kpo nɛ kpo ka mɛ ingɔ Sɔ.​—Tɔli Jean 17:3.