Itaia 4:1-6
4 Ao ane a na taua te mwaane ae tii temanna n te bong anne+ aine aika itiman ao a na kangai:
“Ti na kana oini kanaraAo ni bwaini oin ara kunnikai,Ma tii kariaia bwa ti na aranaki n aramBwa e aonga n uotakinako bwaibwainrangira.”*+
2 N te bong anne, ao a na tamaroa ma ni karineaki aroka ake e karikirakei Iehova, ao e na riki uaan te aba bwa kamoamoaaia ao tamaroaia kaain Iteraera ake a reke maiuia.+
3 Ao ane e tiku i Tion ao te nikira i Ierutarem e na aranaki bwa e itiaki,* ake te koraki ni kabane ake a koreaki taekaia bwa a na maiu+ i Ierutarem.
4 Ngkana e kaitiaka kamwaraia* natin Tion aika aine Iehova+ ao n tebokaanako mwin ana katuturaraa Ierutarem mai nanona, ni korakoran te motikitaeka ao ni korakoran te ai,*+
5 ao ane e na karika naba te nang Iehova ma te bubu n te ngaina, ao te ai ae ura ae oota n te bong+ i etan te Maunga ae Tion ni kabutaa ao i aon ana tabo neiei ni bwabwaro, bwa e na iai te katantan i aoni bwaai aika tamaroa ni kabane.
6 Ao e na iai te umwanrianna ibukini kanuuan te aba n te ngaina man te riringa,+ ao ibukin te kamanomano ma te katantan man te angibuaka ao te karau.+
Taiani Kabwarabwara Mai Nano
^ Ae taekani maamaaia ibukina bwa akea buuia ao a aki kariki.
^ Ke, “tabu.”
^ Ebera, “nakotaaria.”
^ Ke, “kamaunanakoaki.”
