Taeka N Rabakau 16:1-33
16 E katauraoi ana iango ake i nanona te aomata,*Ma te kaeka are e anga* boni mairoun Iehova.+
2 A bane n taraa n eti* kawain te aomata i bon irouna,+Ma bon Iehova ae neneri bukini karaoani bwaai.+
3 Angan Iehova bwaai nako akana ko karaoi,*+Ao a na nakoraoi am babaire.
4 E kaangaraoi bwaai nako Iehova ibukin ana kantaninga,Ao akana buakaka naba bwa a na kamaunaaki n te bong ni kabuanibwai.+
5 E riribaaki iroun Iehova ane e kamoamoa nanona.+
Kakoauaa raoi* bwa tiaki n ae e na aki katuuaaeaki.
6 E karekeaki kabwaraan te bure n te tangira ae koaua* ao n te kakaonimaki,+Ao ni maakakin Iehova e tannako iai te aomata man te buakaka.+
7 Ngkana e kukurei Iehova n aron nako te aomata,Ao e karaoiia naba taani kairiribai nakoina bwa a na manga raoi ma ngaia.+
8 E raoiroi riki karakon te bwai ae raonaki n te raoiroi,+Nakon te mwane ae bati ao akea te kaetitaeka ae riai.+
9 E kona ni bairea kawaina i nanona te aomata,Ma bon Iehova ae ngaia ae kairi mwanekana.+
10 E riai ni mena i aon rian te uea te babaire mairoun te Atua,+Ao e bon aki riai ni kaaki taekan te kaetitaeka ae riai.+
11 Boni mairoun Iehova te bwai n tau rawawata ao te kainikatine ae aki babakanikawai,Ao bwain nako tauan te rawawata akana n te baeki boni baika e karaoi.+
12 A riribaaki mwakuri aika buakaka irouia ueea,+Bwa e kateimatoaaki raoi te kaintokanuea n te raoiroi.+
13 E kakukureia nanoia ueea te taetaenikawai ae raoiroi.
A tangira te aomata ae tataekina te koaua.+
14 Unin te uea kaanga ai aron te tia uataeka ae uota te mate,+Ma e raoiakinna* te aomata ae wanawana.+
15 Iai te maiu n ootan ubun te uea,Ao akoan te aba irouna kaanga ai aron te nang ni karau n te tai are a a tibwa rikirake iai aroka.+
16 Ai raoiroira riki karekean te wanawana nakon te koora!+
E riai riki rineakini karekean te ataibwai nakon te tirewa.+
17 Kawaia akana raoiroi e kararoaa te bwai ae buakaka,Ao ane e tararuaa kawaina e kateimatoa maiuna.*+
18 Te nanorieta e rimoan te kabuanibwai,Ao te iango ae kainikatonga e rimoan te bwaka.+
19 E raoiroi riki bwainan te nanorinano i buakoia akana nimamannei,+Nakon te ibuokanibwai n aia bwai ni kuri akana kainikatonga.
20 Ane e kaota te ataibwai n te bwai teuana ao e na nakoraoi* arona,Ao e a kukurei ane e onimakina Iehova.
21 Ane e wanawana nanona ao e na aranaki bwa e ataibwai,+Ao e anainano riki ane e akoi n ana taetaenikawai.*+
22 Boni koburaken te maiu te ataibwai irouia te koraki ake aia bwai,Ma a reireinaki ni kaetaki akana nanobaba n oin nanobabaia.
23 Nanon te aomata ae wanawana e anga te ataibwai nakoni wina,+Ao e anainano riki n ana taetaenikawai.
24 Taeka aika kakukurei boni nnen aia karewe manibeeru,A karewe ngkana a katoongaki ao boni kamarurungan taian ri.+
25 Iai te kawai ae taraa n eti iroun te aomata,Ma n tokina ao e boni kairiri nakon te mate.+
26 Kan amwaraken te tia mwakuri e kairia bwa e na mwakuri korakora,Bwa e kaumakia borani bakina.*+
27 E kena te bwai ae buakaka te aomata ae akea manenana,+Ao ana taetaenikawai kaanga ai aron te ai ae kabuebue.+
28 E karika te itabarara te tia karika te kangaanga,*+Ao e karaureia aomata aika kaan aia iraorao te tia uarao.+
29 Te aomata ae tiritiri e ananaa nanon raona n aomata,Ao e kairia n te kawai ae kairua.
30 E kakeea matana ngkai e bairea te bwai ae karuanikai,Ao e kaini riana ngkai e a tabe ni karaoa ae iowawa.
31 Te ira ae iaia bon te baunuea ae tamaroa*+Ngkana e reke n te kawai ae raoiroi.+
32 Te aomata ae iremwe n un+ e raoiroi riki nakon te mwaane ae korakora,Ao te aomata ae taotaona unna e raoiroi riki nakon te aomata ae kataenikaia te kaawa.+
33 E ukoukoraki te kanikina* mairoun te Atua nako aon te toaniwae,*+Ma boni mairoun Iehova babaire nako ake a reke mai iai.+
Taiani Kabwarabwara Mai Nano
^ Ke, “te kaeka ae eti.” Ebera, “ana kaeka te newe.”
^ Ebera, “Ana bwai te mwaane bairean nanona.”
^ Ebera, “itiaki.”
^ Ebera, “Karabinoi nakon Iehova am mwakuri.”
^ Ebera, “Te bai nakon te bai.”
^ Ke, “te tangira ae kona n onimakinaki.”
^ Ke, “kararoaa mai iai.”
^ Ebera, ne’phesh, nora Nanon Taeka
^ Taetae Ebera, “raoiroi.”
^ Ke, “te taetaenikawai ae kan ongoraeakinaki.” Ebera, “Ao karewerewen te ria.”
^ Ebera, “wina.”
^ Ke, “te tia bairei iango.”
^ Ke, “karineaki.”
^ A kabongana te aro teuana are e kona iai te Atua ni kaotia bwa tera nanona ni kaineti ma te bwai anne.
^ Ae taekan te kunnikai are rabuna te wae ngkana e tekateka te aomata.
