A mwaiti ake a iangoa katiteuanaakia reeti n aomata nako, bwa te mii ae e tuai mani koro bukina.

•   “E a riki te tauaninne ibukin te reeti bwa ai aron te boitin ni kaikonaki are a a rotakibuaka iai botaki n tautaeka ma bitineti, aia botaki aomata ake a katei ao ai boni ngaira n tatabemanira nako. E a kairiia aomata bwa a na karaoa ae e aki riai i marenaia.”—António Guterres, te tia koroboki n Aia Botaki te Botannaomata.

 A na boni katiteuanaaki reeti n aomata nako? Tera ae e taekinna te Baibara?

 Ti reiakinaki n te Baibara ana iango te Atua ibukia reeti n aomata aika kakaokoro.

•   “[Te Atua] e karaoiia natannaomata nako mairoun te aomata ae tii temanna bwa a na maeka ni kabutaa te aonnaba.”—Mwakuri 17:26.

•   “E bon aki inanonano te Atua, ma a butimwaeaki irouna aomata nako aika maakua ma ni kakaraoa ae raoiroi, mai buakoia natannaomata nako.”—Mwakuri 10:34, 35.

 E kaotia te Baibara bwa a bane aomata n riki man te utu teuana ao e butimwaeia reeti nako te Atua.

 E na reke te katiteuanaaki man ana Tautaeka n Uea te Atua, ae te tautaeka ae tei i karawa. Te tautaeka anne, e na reireinia aomata aroia ae riai i marenaia. A na bwaati aroia iai aomata n taobaraa namakinan te kan tauaninne ibukin aia reeti.

•   “A [na] reiakina te raoiroi kaain te aba.”—Itaia 26:9.

•   “Bon te rau mwin te raoiroi ni koaua, ao uaan te raoiroi ni koaua bon te rau ma te mweraoi ae teimatoa.”—Itaia 32:17.

 Mirion ma mirion mwaitiia aomata ni boong aikai, aika a reiakinaki man te Baibara aroia ni bwaina te karinerine ao ni kaaomataia aomata nako.

•   Ngkana ko kani kamataatako riki, wareka te kaongora man te Taratara ae atuna “Iai Katokan te Riribai?”

•   Wareka te kaongora ae “Talking to Children About Racism” ibukin aroia kaaro ni maroroakina aei n te mwenga.