Belí bé e ni mon naa, gbò tẹ̀sĩ́ tọbàrì dì e bà gé nveè sãa kúm bé ea gé béá Ukraine. Nvèè kpíí ló sìgà bel ea zógè bé e sìgà gbò tẹ̀sĩ́ tọbàrì gé nveè sãa kúm pálàa kà dó e bà gé béáí naa:

•   “È palàge nvèè ka ló vaá õá zaà dénè gbò e bà gé bé bé mm̀ ge kpènà ba dó Ukraine lọl bá gbò e bà gé náa uú vá boo . . . Nyíéi ẹ́ẹí ló, è ólò tã̀àgã ló Bàrì máí, vaá èé kilsĩ́ gè nvèèi sãa kúm.”​—Níà bé e The Jerusalem Post kọ́ọ̀ Metropolitan Epiphanius I kọ́ ẹ́ mm̀ kpẹ̀a e ba beè nè mm̀ March 16, 2022 e.

•   “Ene kà tẹ̀sĩ́ tọbari Orthodox ea di Rusia beè sẹlẹ ene kà kele íb sẹ̀lẹ̀nù nè gbò bé pá Rusia enè deè Sunday vaá siè va kpóó ló kọ bàá kilsĩ́ gè bé bé mm̀ ge kpènà ba dó, boo béè kọọ̀ áá pá Rusia ní e bàé láá kpènà ba dó é, vaá bàá kilsĩ́ gè noo bé nyòòmà pá Ukraine.”​—Níà bé e Reuters beè nè kpẹ̀a naa ló April 3, 2022 e.

 É kọ à bọ́ló kọọ̀ gbò e bà gé nyoone nvéè Kráìst á nvèè sãa kúm bé gím? Éé ní e Kpá Káí kọ́ kilma ló é?

 Kpá Káí kọ́ọ̀ kà kà gbò e bà gé nyoone nvéè Kráìst náa ólò nvèè sãa kúm gím.

•   “Òòmà o gẹ̀ bé sẹlẹ kĩ ea beè dì, boo bée kọọ̀ kọ̀láá nen ea fáálá gẹ̀ bé é pé dáà gẹ̀ bé.”​—Máátìù 26:52.

   É kọọ̀ nen ea nveè sãa kúm bé gím àbèè ge bé bé gé gban tṍ ló Jíízọ̀s?

•   “Sõò ãa lẹ̀ẹ̀là em gé néi kọlà kọ ó vulei ene. Vulei ene belí bé e nda beè vùlèi naa. Bé eo vulèì ene naa, ní ea é náa kọ dénè nen á nyimá kọ ò gé nyooném̄i nvée é.”​—Jọ́ọ̀n 13:​34, 35.

   É kọọ̀ nen ea nveè sãa kúm bé gím íe gé íb vulè e Jíízọ̀s beè kọọ̀ gbò e bà gé nyoonìèe nvéẽ́ é íé?

 Kọbé ò kpáá nó bọ̀ọ̀vẹ̀, bugi togó bel ea kọ́ọ̀ “É Kọ À Bóló Kọọ̀ Gbò E Bà Gé Nyoone Nvéè Kráìst Á Bé Bé?”

 É kọ à bọló kọọ̀ gbò e bà gé nyoone nvéè Kráìst deè nieí á gá sí ól bé? Ẽei. Kpá Káí beè gbẹẹ́ sĩ́ kọọ̀ mm̀ beélè deeí, ea dú “gbò deé e tṍó é gé tà,” sìgà gbò e bà aa dénè dó náa é “kpáá nó bé,” vaá níí gbááá ló nòòmànù Jíízọ̀s.​—Àìzáíà 2:​2, 4, émì nu ea di kè kẽ.

•   Bugi togó bel ea kọ́ọ̀ “Bàrì Ólò Ẹ̀b Bé Gím Naa Vàẹ?” ea di kè kẽè gbò togó bel ea di m, mm̀ Kpá Tọ Kùdẽe Ló kọbé ò kpáá dã́ bọ̀ọ̀vẹ̀.

 Pọ́ì ńkem̀ tṍó àla, Jìhóvà a ea dú “Bàrì ea ólò nèi fẹ́ẹ́-fẹẹ̀ ló,” é duulà gbò nen “lọl kèbá nàà uú boo nè dùm gboo-gboo ló” tení dú ló a Boǹ Méné.​—Fílipaì 4:9; Psalm 72:14.

•   Be ò gbĩ́ gè mòn bé e níí é nááá naa, ẹ̀b vídiò ea kọlà Éé Ní Ea Dú É Boǹ Méné Bàrì E?