Bible-a Vixim Tum Kitem Chint’ta?
Tumi tem koslem pustok mhunnttolim . . .
-
munxachea zannvaien boroil’lem pustok?
-
fottinche gozalinchem pustok?
-
Devan dil’lem pustok?
BIBLE HACHE VIXIM KITEM SANGTA
“Sogllem povitr pustok Devachea preronnan boroilam.”—2 Timotak 3:16, Povitr Pustok.
TACHE UDHEXIM TUMKAM KITEM MELLTOLEM
Jivitantlea vhodd proxnnank zobab.—Mhonn’nneo 2:1-5.
Dispotten jivit jieunk adar.—Stotram 119:105.
Fuddara vixim khoro bhorvonso.—Romkarank 15:4.
BIBLE KITEM SANGTA TEM AMI KHOREANINCH PATIEUNK ZATA?
Hoi, tin karonnank lagon:
-
Boroupant ekvottkai. Bible boroupak sumar 1,600 vorsam laglim ani 40 veg-vegllea munxanim to boroila. Choddxe boroupi eka-mekak kednach mellonk nant. Punn, ak’khem pustok ekvottkaien mellon asa, ani tacho ekuch mukhel vixoi asa.
-
Khoro itihas. Sonvsarik itihaskar aplea munxancheo chukeo lipoun dovortat. Tache bodlek, Bible boroupeanim spoxtt ritin apleo ani aplea raxttracheo chukeo boroun dovorleat.—2 Itihas 36:15, 16; Stotram 51:1-4.
-
Fuddara vixim khatrechem sangnnem. Bible-ant 200 vorsam adinch, adlea Babilon xaracho nas zatolo mhunn sanglolem. (Izaias 13:17-22) Babilon raxttr koxem ani khoimchea razachea hatant poddtolem tem bariksannin Bible-ant sanglolem.—Izaias 45:1-3.
Bible-ant boroil’leo zaiteo her ghoddnneo sarkeo ghoddon aileat. Devachea pustoka thaun amkam hench zai nhoi?—2 Pedru 1:21.
HACHE VIXIM CHINTAT
Devachem Pustok tujem jivit koxem sudharunk xokta?
Hea proxnnacho zobab Bible-ant IZAIAS 48:17, 18 ani 2 TIMOTAK 3:16, 17-ant mellta.
Tumkam Hem-ui Avoddttolem
ESSENTIAL BIBLE TEACHINGS
Bible Deva Thaun Aila Mhunn Amkam Koxi Khatri Zata?
Bible-acho boroupi Dev zalear, tem pustok sogleam pustokam poros vegllem asonk zai.
AMCHEA VIXIM
Bible Kiteak Xikonk Zai?
Sonvsarbhor lok Jehovache Sakxeank, tanchea funkott Bible xikoupachea kariavollik lagon vollkhota. Hi manddavoll koxi cholta ti polloiat.
AMCHEA VIXIM
Tumkam Bhett Diunk Vinonti Korat
Bible-acher adarit aslolea prosnacher bhasabhas korat, vo Jehovachea Sakxeam vixim anik zannam zaiat.
