¿Kasa shikirajaka tü Wiwüliakat?
¿Kasa wayu tü Armagedonkat?
Tü namakat waneinnua wayuu
Shia tü kaʼi süsotooinjatkalü oʼu wanee wonpa ajaʼlajeʼerüinjatka kasa süpüshuaʼa jee sajaʼttajatüle sutuma wüin, wawai jee sukutkujaain tü Mmakat. ¿Jamajaʼa saaʼin pümüin?
Tü sümakat tü Wiwüliakat
Armagedón sünülia tü atkawaa eeinjateetkat nutuma chi Maleiwa Pülashikai maʼin soʼuweena tü kaʼi kasalajaneetkalü oʼu saainjala wayuu mojulaasü (Alateetkat Mapeena [Apocalipsis] 16:14, 16).
¿Kasa maa süküjaka tü Wiwüliakat?
Nnojoluinjatü najaʼttirüin Maleiwa tü Mmakat süka siki. Süpülajatü naaʼinmajüin tü Mmakat noulia na amojujakana shia (Alateetkat Mapeena 11:18, TNM).
Nnojoleerü kasachiki sülatapa Armagedón (Salmo 46:8, 9).
¿Kateetche soʼu wayuu süchikijee Armagedón?
Eeshii eekai namüin:
«Aa»
«Nnojo»
«Eesüjaʼa süpüla müin»
¿Jamajaʼa saaʼin pümüin?
Eejeena wayuu saʼakajee eʼirukuukat süpüshuaʼa oʼttaajeenaka süchikijee tü müliaa miyoʼu eejeetkat sainküin Mmaka otta süchikijee Armagedón (Alateetkat Mapeena 7:9, 14).
¿Kasa maa süküjaka tü Wiwüliakat?
Nücheküin Maleiwa katüinjatüin soʼu wayuu süchikijee Armagedón. Naya neʼe najaʼttirajanaka na mojulaashiikana (Ezequiel 18:32).
Süküjain tü Wiwüliakat tü waaʼinrajatkat süpüla woʼttaain süchikijee Armagedón (Sofonías 2:3).
Eesüjaʼa kamalainjeerüle pümüin aashajeʼeraa tüü
SUSOUTAKA EʼIPAJEE TÜ BIBLIAKAT
¿Kasa wayu Armagedón?
Tü pütchikat Armagedón uwatua neʼe ashajünüin suluʼu tü Bibliakat, mayaainjeʼe müin shia, aküjünüsü maʼin süchiki tia atkawaakat suluʼu tü Bibliakat.
