«Wachuntuin pümüin puluwataainjachin chaa iipünaajee», wanee pütchi eʼraajünaka maʼin
¿Eeirü puchuntüin süpüla nüntajachin Maleiwa sünain aluwatawaa maalü? Achuntunawaisü maʼin tia sutuma watta saalii wayuu. ¿Jamüshii nachuntaka maʼin tia? Shia sutuma nikirajüin Jesuu na nikirajüinkana sünain achuntaa nümüin Maleiwa sükajee pütchikat tüü: «Wachuntuin pümüin puluwataainjachin chaa iipünaajee».
Nüküjaiwaʼaya Jesuu tia, nnojotsü nayaawatüin aaʼu na nikirajüinkana jamaluʼuluin shia. Nasakirüin nia soʼu wanee kaʼi: «Senyotkalee, ¿püikkaleʼereerü süchukuaʼa tü aluwatawaakat watüma wayakana nuuʼuliwoʼukana Israel, yaa woumainruʼu maaʼutpünaa yaa?». Eesüjaʼa ponule naaʼin na nikirajüinkana Jesuu nnojolin nusoutaleʼeinya namüin shiʼipajee tü nasakirakalü anain (Aluwataaushikana [Hechos] 1:6, 7). ¿Nnojotka süpüla watüjaain saaʼu süchiki nukuwaʼipa Maleiwa sünain Aluwatawaa otta joujeechin nuʼttaka sünain Aluwatawaa? Nnojotsü shiain tia.
Sünain rewiisütakat tüü, aküjüneerü süchiki pütchikalüirua tüü:
¿Jamüsü choʼujaaka nuluwataain Maleiwa waaʼu?
¿Jarai chi aneekünakai süpüla aluwatawaa?
¿Joujaleechi nuʼttaka sünain aluwatawaa saaʼu tü Mmakat?
¿Jameerü sukuwaʼipa wayuu nuluwataapeena Maleiwa saaʼu tü Mmakat?
¿Jamüshi piʼyataainjachika nümüin Maleiwa maaʼulu yaa?
¿Jarat tü Sukuwaʼipakalü Aluwatawaa nutuma Maleiwa?
Eesüjaʼa kamalainjeerüle pümüin aashajeʼeraa tüü
AAPIRIA WAYUU
¿Jamüshii wachuntajanaka nümüin Maleiwa nüntirüinjatüin tü Nuluwataayakat?
¿Kasa sajaʼttireetka Nuluwataaya Maleiwa isaka nachiki na aluwataaliikana saaʼu tü mmakat?
WATÜJAAINJATKA AAʼU SÜNAINJEE TÜ SÜMAKAT TÜ BIBLIAKAT
¿Paapüirü süchiki Nuluwataainjachin Maleiwa?
Tü nikirajakat maʼin anain Jesuu sünain aküjaa pütchi, shia süchiki Nuluwataaya Maleiwa. Kakaliairü achuntuin wayuu süpüla süntüin Nuluwataaya Maleiwa.
