Eleena: ¿Jamayaa pia? Yaapünaasü taya sünain yootoo namaa na wayuukana süchiki karalouktakat tüü. Keeʼireesü taaʼin tapütüin püpüla waneesia, müsü sünülia tü karalouktakat ¿Pücheküin pütüjaain saaʼu tü shiimainkat?

Letiisia: ¿Nüchikimaajatü Maleiwa?

Eleena: Aa. Piirakaa sümüin tü pütchi süntirakat. ¿Jaralüjaʼa paashajaweeka...?

Letiisia: Kupaasü taya. Püchajaa wayuu eekai saashajaweein süchiki tia.

Eleena: Aayachonnee, ¿jamüsü makaʼa pünüiki?

Letiisia: Manoulasat taya.

Eleena: Anasia müin lotuin pünüiki tamüin. ¿Aletüjülia pia manoujüin nünain Maleiwa?

Letiisia: Nnojo, anoujapuʼusü taya. Shiasaʼa müin tooʼulaain suulia.

Eleena: Nnojotsüleʼe müin yaain taya pümaʼana shiiʼiree tayoujüin pia saaʼu tü punoulakat, shiasaʼa müin tasakireein pia sünain jamüin puuʼulaaka suulia anoujaa nünain Maleiwa.

Letiisia: Shia sünainjee tü alatakat sümüin maama. Pasiruaasü shia sutuma wanee kemion. Alatüirü poloo akaratshimüin juya süchikijee tia.

Eleena: Aluʼutaʼaleesüjaʼa maʼin. ¿Jamakaʼa shia?

Letiisia: Nnojorüleesia atamaain.

Eleena: ¡Aiyoo, aluʼutaʼaleesüjaʼa maʼin shia! Mojukajasaʼa maʼin paaʼin sutuma.

Letiisia: Aa. Maʼwaisü taya: «¿Jamüsüche sülataka tia sümaa eein wanee Maleiwa? ¿Jamüshiiche nuuʼulaaka müliain waya».

Eleena: Nnojotsüleʼe mojuin tü pümakat. Müliale wanee wayuu, nütüjawee aaʼu jamüin müliaka nia. Saashin tü Wiwüliakat, eepuʼushii waneeinnua wayuu atüjaweekana saaʼu jamüin joutka müliaa.

Letiisia: ¿Shiimain? Saʼalainsaʼa neʼe.

Eleena : Aanee. ¿Pütüjawee aaʼu jaralin alatüin amüin tia?

Letiisia: Aa.

Eleena : Taashajeʼerüin paa pümüin tü nümakat Habacuc nümüin chi Maleiwakai. Habacuc kapiitulo 1, wersiikulo 2 otta 3. «Jeʼwaakalee, ¿jeʼratuainjachikai maʼin taya achuntüin kaaliinwaa pümüin? ¿Jamüsükai moʼuyaaka pikii suulia pajaʼttirüin na mojulaashiikana? ¿Jamüshikai piyüülajaka taya sünain anajaa saaʼu kasa mojusü?». ¿Müsüchejeʼeya pünüiki maʼaka saaʼin tü taashajeʼerakat?

Letiisia: Shiaʼaya maʼin tamaka tia.

Eleena: Taküjüin paa pümüin wanee kasa: nnojoishi aashichijaain Maleiwa nooʼomüin Habacuc saalin tü nümakat otta nnojotsü nujuʼitirüin tia saaʼujee manoulain nia.

Letiisia: Aa, müsülan.

Eleena: Saashin tü Wiwüliakat, nütüjaa aaʼu Maleiwa müliain waya otta mojusü naaʼin saalii tü müliaa weʼrakat.

Letiisia: ¿Shiimain tia?

Eleena: Teeʼiyatüin paa pümüin tü sümakat Éxodo 3:⁠7. Eesü süpüla paashajeʼerüin.

 Letiisia: Anakajaʼa. Müsü mayaa: «Nümakalaka Jeʼwaa nüchikuaʼa: ‹Teʼrüin maʼin sümüliala tü tapueulosekat chaa Egipto. Taapüin nekiisa sutuma naʼyateʼennüin maʼin; süka tatüjaain saaʼu tü müliaa neʼrakat› ».

Eleena: Saashin tü wersiikulokot, ¿niʼrüinche Maleiwa sümüliala tü wayuukalüirua?

Letiisia: Mataasüjaʼa.

Eleena: Nnojotsü niʼrüin neʼe. Müsü tü wersiikulokot sajaʼttiamüin: «süka tatüjaain saaʼu tü müliaa neʼrakat». Aisü nümüin Maleiwa sümüliala tü wayuukalüirua, ¿aashimüin?

Letiisia: Aa, shiimainya tia.

Eleena: Eesüjaʼa süpüla weʼrüin sünain müliain wanee wayuu sümaa maaliin wamüin tü sümülialakat.

Letiisia: Müsüsaʼaya.

Eleena: Soto paaʼin tia sümaʼinruʼu waashajeʼerüin tü sümakat Isaías 63:9, süküjüin yala müliain atumaa nupueulose Jeʼwaa. Müsü mayaa: «Suʼunnaa mojuin maʼin naaʼin nayakana, mojusia naaʼin Maleiwa saaliijee niʼrüin namüliala». ¿Mojusüche naaʼin Maleiwa sutuma müliain atumaa tü nupueulosekat?

Letiisia: Aa, mojusü naaʼin.

Eleena: Mojusü naaʼin Maleiwa sutuma müliain waya otta aisü nümüin tü wamülialakat.

Eleena: Taküjüin paa tamaʼichiki pümüin wanee kasa.

Letiisia: Anakajaʼa.

Eleena: Jülüja paaʼin tü sümakat tü Wiwüliakat nüchiki Maleiwa. Paashajeʼera tamüin tü sümakat Jeremías 10:⁠12

Letiisia: Anakajaʼa, müsü mayaa: «Nia kakumajalaka tü mmakat süka tü nüpülainkat. Nia keʼitaalaka tü mmakat sümaa anain maʼin shia süka kekiin nia. Nia chi kakumalakai tü kasakalüirua chaa iipünaa süka nütüjüin maʼin».

Eleena: Ajaa, wekirajaa sünain tia pütchikat. ¿Kasache choʼujaaka nümüin Maleiwa süpüla nukumajüinjatüin tü kasakalüirua?

Letiisia: Shia tü nüpülainkat.

Eleena: Nukumajala Maleiwa tü kasakalüirua süka pülashin nia. ¿Jamakaʼa isainjatka nüchiki nunoukteʼerüin shia?

Letiisia: Shiimainpajaʼa tia.

Eleena: Aisü pümüin tü alatakat sümüin tü püikat. ¿Jamüsüche aika pümüin tü alatakat sümüin?

Letiisia: Shia süka alin tapüla tü teikat.

Eleena: ¿Pütameʼerüinje süchikuaʼa tü püikat müleka püinküle shia?

Letiisia: ¡Jamüsüsaʼa!

Eleena: Shia tamakajaʼaya. Süküjüin wamüin tü Wiwüliakat alin nümüin Maleiwa tü wamülialakat. Eesü süpüla najaʼttirüin uatuwoʼushi tü kasa müliakalü atuma waaʼin. Akatsaʼa nüchecherüin naaʼin suulia tia.

Letiisia: Achaʼachaʼa neʼe, eetaayaai müin jülüjakai taaʼin tia.

Eleena: ¿Jamüsüche paajüin nnojotka najaʼttiramaatüin Maleiwa tü müliaakat? ¿Eesüche paashin wanee kasa naʼatapajaka süpüla najaʼttirüinjatüin tü müliaakat? a

Letiisia: Jamüin paajüin.

Eleena: ¿Eesü süpüla sepünaain taya semaankat tüseena süpüla waashajaain süchiki tia pütchikat?

Letiisia: Aa.

Eleena: Ajaa. Ai, mototooirüjeʼe taaʼin, Eleena tanülia. ¿Jama piaka, kasaichi taaʼin pünülia?

Letiisia: Letiisia.

Eleena: Ajaa. Seerü taya semaanakat tüseena.