Isaías 40:1-31
40 “Pekonsolákena che puévlope. Pekonsolákena che puévlope”, heʼi pende Jára.+
2 “Umi mbaʼe pejéva topoko umi hénte Jerusalengua korasõre.
Peikuaauka opamaha pe tiémpo osufri hague hikuái.
Haʼekuéra opagapaitéma umi mbaʼe vai ojapo vaʼekuére,+orresivíma* Jehovágui pe kastígo omereséva opeka haguére hikuái”.+
3 Oĩ peteĩ osapukáiva pe desiértore ha heʼíva:
“¡Pepreparáke Jehová rape!+
Pembojoja asy peteĩ tape+ Ñandejárape g̃uarã, tohasa pe desiérto rehe.+
4 Umi montáña ha sérro taikarapepa,umi ñu guasu tojekarga ha taijyvateve.
Umi tape vai tojoja porã,ha umi lugár isanhapáva topyta iporã asy.+
5 Umi hénte renondépe Jehová ohechaukáta tuicha ha ipoderosoha,+enterove umi hénte ohecháta upéva.+
Jehová voi heʼíma péicha oikotaha”.
6 ¡Pehendumi! Oĩ peteĩ heʼíva: “¡Peikuaaukáke ko notísia!”.
Ótro katu oporandu: “¿Mbaʼe la aikuaauka vaʼerã?”.
“Enterove yvypóra ojogua pásto reípe,ha pe mborayhu añetetéva* orekóva umi hénte haʼete peteĩ yvoty osẽva pe ñúre.+
7 Pe pásto ipiru ha pe yvoty omano+
Jehová espíritu* oipeju jave hesekuéra.+
Añetehápe umi hénteojogua pásto reípe.
8 Pe pásto ningo ipiru ha pe yvoty omano,péro Ñandejára ñeʼẽopyta opa ára g̃uarã”.+
9 Nde* reguerúva notísia porã Siónpe g̃uarã,+ejupi peteĩ montáña ijyvatévape ha eñeʼẽ hatã porã.
Nde reguerúva notísia porã Jerusalénpe g̃uarã,ani rekyhyje ha eñeʼẽ hatã porã.
Ere umi siuda Judaguápe:
“Koʼápe oĩ pende Jára”.+
10 Pemañamína, Ñandejára Jehová ogovernáva opa mbaʼe ou hína.
Haʼe ningo ipoderosoiterei. Ipo deréchape* haʼe ogoverna hína.+
Ñandejára oĩma opaga hag̃ua okorrespondéva peẽme,Ñandejára orekóma pene premiorã.+
11 Peteĩ pastór ojapoháicha, haʼe oñangarekóta ijovechakuérare,+ombyatýta umi ovecha raʼýpeha ogueraháta chupekuéra ijyva ári.
Ogiáta mbeguekatu asy umi imembykambúvape.+
12 ¿Máva piko ikatu ojoko ipópe umi y oĩva umi márpe?+
¿Máva ikatu omedi un ládo ipópe* pe yvága tuichaitéva?
¿Máva piko ikatu oipuru peteĩ mbaʼyru opesa hag̃uape yvykuʼi oĩva ko yvy kompletoitépe?+
¿Máva piko ikatu opesa peteĩ valánsape umi montáña ha umi sérro?
13 ¿Máva ikatu oikuaa mbaʼeichaitépa tuicha Jehová espíritu?*
¿Máva ikatu omeʼẽ chupe konsého térã omboʼe chupe?+
14 ¿Mávape piko haʼe ojerure ajúda ontende hag̃ua álgo?
¿Máva piko ohekomboʼe chupe oikuaa hag̃ua iporãva?
¿Máva piko omboʼe chupe umi enseñánsa iporãva?
¿Máva ohechauka chupe mbaʼe tapépa osegi vaʼerã iñentendído hag̃ua?+
15 Umi tetãnguéra haʼete una góta y oĩva peteĩ mbaʼyrúpe,chupe g̃uarã haʼete yvytimbo rei peteĩ valánsape.+
Umi ísla haʼe ikatu ohupi haʼeramoguáicha yvytimbónte.
16 Ojeitypáramo jepe umi yvyramáta oĩva Líbanope ojehapy hag̃ua pe altárpe,ha ojejukáramo jepe enterove umi animál ojejapo hag̃ua ofrénda ojehapýva, ni upéva ndahaʼéi mbaʼevete henondépe, haʼe omerese hetaiteve mbaʼe.
17 Enterove umi tetã ndahaʼéi mbaʼevete henondépe,+chupe g̃uarã umi tetã ndovaléi mbaʼeverã.+
18 ¿Mávare piko peẽ ikatu pekompara Ñandejárape?+
¿Mbaʼépe peẽ pepensa Ñandejára ojoguaha?+
19 Peteĩ kuimbaʼe ojapo metálgui peteĩ taʼanga,upéi ótro omboape pe taʼanga órope,+ha ipahápe oñemoĩ hese adórno de pláta.
20 Ótro kuimbaʼe katu oiporavo peteĩ yvyramáta iporãva omeʼẽ hag̃ua ofréndaramo,+oheka peteĩ yvyra noñembyaimoʼãiva.
Upéi okontrata peteĩ artesáno vale ojapo hag̃ua chupe peteĩ taʼanga,ha ojerure tomopyenda porã pono hoʼa.+
21 ¿Peẽ piko ndapeikuaái raʼe koʼã mbaʼe?
¿Napehendúi piko raʼe mbaʼeve?
¿Noñemombeʼúi piko peẽme koʼã mbaʼe ymaite guivéma?
¿Ndapehechái piko umi pruéva oĩva opárupi ko múndo ojejapo ypy guive?+
22 Ñandejára oiko yvate, ko yvy ijapuʼáva ári,+umi oikóva ko yvy ape ári haʼete tuku henondépe.
Haʼe oipyso pe yvága haʼeramoguáicha peteĩ téla pererĩ asýva.
Haʼe oipyso pe yvága haʼeramoguáicha peteĩ óga kárpa.+
23 Haʼe omona yvýre umi governánte iñimportántevape,ohechauka umi hués* oĩva ko yvy ape ári ndahaʼeiha mbaʼeve.
24 Haʼekuéra haʼete plánta oñeñotỹva vai vaínte,ojekutu kutúnte pe yvýpe,haʼekuéra apenamínte oñembohapo.
Upévare oipejúnte pe yvytu ha ipirupáma,pe yvytu oraha chupekuéra ñana pirukuéicha.+
25 Pe Dios Sánto heʼi: “¿Mávare piko pechekomparáta? ¿Pejéta piko oĩha chejoguáva?
26 Pemañamíntena yvága gotyo,¿máva piko ojapo koʼã mbaʼe?+
Pe odirihíva umi estréllape peteĩ ehérsitoicha ha okontáva chupekuéra uno por uno,haʼe ohenói káda estréllape hérarupi.+
Ñandejára tuicha ipuʼaka ha ipoderosoiterei,+upévare ni peteĩ estrélla nokañýi chugui.
27 Jacob oiko heʼi: ‘Jehová ndohechái la che aiko lája.
Ñandejárape ndoúi ni ndohói umi inhustísia che ahasáva’.
Peẽ Israelgua, ¿mbaʼére piko peje péicha?+
28 ¿Peẽ piko ndapeikuaái ha napehendúiva ko mbaʼe?
Jehová ningo ko yvy Apohare, haʼe ojapo opa mbaʼe oĩva pype.
Haʼe hína Ñandejára opa ára g̃uarã.+ Haʼe arakaʼeve naikaneʼõi ni núnka naikangýi.+
Ñandejára iñarandueterei,* avave ndaikatúi ontendepa umi mbaʼe haʼe oikuaáva.+
29 Haʼe omombarete umi ikaneʼõvape,ha omeʼẽ fuérsa umi ikangývape.+
30 Umi mitãrusukuéra ikaneʼõ ha ikangy jepi,umi imitãva oñepysanga ha hoʼa.
31 Péro umi orekóva esperánsa Jehováre imbarete jeýta,opuʼãta ha ovevéta hikuái ipeporamoguáicha peteĩ ágilaicha.+
Haʼekuéra odiparáta ha naikaneʼõmoʼãi,osegíta oguata ha naikangymoʼãi”.+
Nóta
^ Térã: “orresivi dóvle”.
^ Hebréope: “pytu”.
^ Hebréope ko pártepe oñeñeʼẽ peteĩ kuñáme.
^ Hebréope: “Ijyvápe”.
^ Térã: “opensáva”.
^ Térã: “governánte”.
^ Térã: “Ñandejára entendimiénto”.
