Salmos 108:1-13
Peteĩ purahéi. David melodía.
108 Che korasõ mbytete guive ajerovia nderehe Ñandejára ha upéva nokambiamoʼãi.
Askrivíta músika ha apurahéita ndéve.+
2 Toñehendu ipúrõ umi instruménto de kuérda ha pe árpa.+
Che apuʼãta koʼẽ mboyve.
3 Umi puévlo renondépe che rombotuicháta Jehová.
Umi tetã renondépe che apurahéita romombaʼeguasu hag̃ua.
4 Ne mborayhu* ningo tuichaiterei, og̃uahẽ voi yvága peve.+
Ñandejára, nde rejapo hetaiterei mbaʼe umi hénte rehehápe, umíva og̃uahẽ voi yvága peve.
5 Toñemombaʼeguasu Ñandejárape amo yvágape,ha oparupiete ko yvy ape ári toñembotuicha avei chupe.+
6 Esalva umi hénte rehayhúvape,eipurúna nde podér oresalva hag̃ua ha erresponde che ñemboʼe.+
7 Ñandejára ipotĩetéva* heʼi: “Che avyʼaitereítapórke ameʼẽta che puévlope siuda de Siquem,+amedíta Sucot Ñu ha ameʼẽta avei che puévlope.+
8 Galaad+ ha Manasés chembaʼe hína.
Efraín haʼe peteĩ kásko* che akã rehe g̃uarã,+ha Judá orrepresenta che autorida agoverna hag̃ua,+
9 Moab hína peteĩ palangána+ oservíva chéve ajepyhéi hag̃ua.
Edómpe amombóta che sandália.+
Filistéape aganáta ha vyʼápe afesteháta”.+
10 Ñandejára, ¿máva piko chedirihíta Edom peve?
Pe siuda imurallapa, ¿máva piko chepytyvõta agana hag̃ua pe siudápe?+
11 Nde hína pe orepytyvõtava Ñandejára.
Péro koʼág̃a ndereikuaasevéi mbaʼeve orehegui, ha ore ehérsito oho jave gerrahápe, nde nereñorairõi ore favórpe.+
12 Rohasa asyeterei ningo, upévare rojerure ndéve orepytyvõ hag̃ua.+
Reiete rohaʼarõta peteĩ persóna rei orepytyvõ.+
13 Ñandejára omeʼẽta oréve podér.+
Haʼe opyrũmbaitéta ore enemigokuérare.+
