Salmos 111:1-10
111 ¡Pemombaʼeguasu Jehovápe!*+
א [Álef]
Che ambotuicháta chupe che pyʼaite guive.+
ב [Behth]
Che amombaʼeguasúta Jehovápe, umi iñeʼẽrendúva ijatyhápe ha heta hénte apytépe.
ג [Guímel]
2 Jehová ojapóva ningo tuichaiterei.+
ד [Dáleth]
Umi hénte ovaloráva umi mbaʼe, ojepyʼamongeta hese.+
ה [He]
3 Umi mbaʼe Ñandejára ojapóva ohechauka mbaʼeichaitépa haʼe tuicha ha ipoderóso.
ו [Waw]
Haʼe siémpre ohechaukáta ihustoha.+
ז [Záyin]
4 Ñandejára ojapo heta mbaʼe porã ipuévlo rehehápe ha umíva ndopytái tesaráipe.+
ח [Jehth]
Jehová ningo oiporiahuvereko ha ombyasy chupekuéra.*+
ט [Tehth]
5 Haʼe nombofaltamoʼãi hoʼu vaʼerã umi orrespetávape chupe.+
י [Yohdh]
Haʼe núnka ndahesaraimoʼãi pe kompromíso ojapo vaʼekuégui ipuévlo ndive.+
כ [Kaf]
6 Ñandejára ojapo heta mbaʼe tuichaitereíva ha omeʼẽ ipuévlope umi yvy ótro tetã orekóva.
ל [Lámedh]
Péicha ohechauka chupekuéra mbaʼeichaitépa ipoderóso.+
מ [Mem]
7 Entéro mbaʼe haʼe ojapóva ihústo ha ikatu jajerovia umívare.+
נ [Nun]
Ikatu jajerovia opa mbaʼe haʼe omandávare.+
ס [Sámekj]
8 Umíva ideprovécho* koʼág̃ama voi ha opa ára g̃uarã,ע [Áyin]
umíva oñemopyenda hustísia ha añeteguápe.+
פ [Pe]
9 Ñandejára osalva ipuévlope,+צ [Tsadhéh]
haʼe ojapo hendivekuéra peteĩ kompromíso opa ára g̃uarã.
ק [Qohf]
Ñandejára réra ningo sagrádo, upévare enterove orrespeta vaʼerã.+
ר [Rehsch]
10 Ñanearandu hag̃ua, primeroite voi jarrespeta vaʼerã Jehovápe.*+
ש [Sin]
Entéro umi ojapóva haʼe heʼíva ohechauka iñentendidoha.+
ת [Taw]
Siémpre oñemombaʼeguasúta Ñandejárape.
Nóta
^ Térã: “Alelúja”, heʼiséva “pemombaʼeguasu Jáhpe”. Jah, péicha oñemombyky Jehová réra.
^ Térã: “ivuéno”.
^ Térã: “oñemopyenda porã”.
^ Hebréope: “Jakyhyjévo Jehovágui oñepyrũ pe arandu”.
