Salmos 80:1-19
Pe odirihíva musikokuérape g̃uarã. “Los Lírios” tóno rehe. Asaf+ purahéi. Manduʼarã.
80 Ñandejára, nde hína Israel pastór, orerendumína.
Nde regia José familiarépe peteĩ ovecha atýicha.+
Nde reguapy ne trónope umi keruvín* ári,*+
ha upe guive kuarahýicha rejajaipa.
2 Ñandejára, ejúna oresalva.+
Ehechaukána ndepoderosoha,+ejapo upéva Efraín, Benjamín ha Manasés renondépe.
3 Ñandejára, orepytyvõmína roĩ porã jey hag̃ua ne renondépe.+
Ehechaukána oreguerohoryha,* ikatu hag̃uáicha rojesalva.+
4 Jehová ore Jára, nde hína umi ehérsito yvagapegua ruvicha. Nde ningo ndepochy orendive, ha nerehenduvéi nde puévlo oñemboʼe jave, ¿arakaʼe peve piko resegíta péicha?+
5 Nde káusare nde puévlo hasẽháre oiko.
Remeʼẽ rangue chupekuéra pan, tesaýmante la hembiʼukuéra.
6 Entéro ore vesinokuéra oreguerekose ipoguýpe, ha upévare oñorairõmba hikuái oñondive.
Ore enemigokuéra igustoitépe oñembohory orerehe.+
7 Ñandejára, nde hína umi ehérsito yvagapegua ruvicha.
Orepytyvõmína roĩ porã jey hag̃ua ne renondépe. Ehechaukána oreguerohoryha,* ikatu hag̃uáicha rojesalva.+
8 Peteĩ parrál mátaicha nde reguenohẽ nde puévlope Egíptogui.+
Remosẽ umi ótro tetã ha hendaguépe reñotỹ nde parrál.+
9 Nde reprepara hendag̃ua,oñembohapo upépe ha ojagarrapa upe lugár.+
10 Umi hakã ojagarrapa umi sédro Ñandejára ojapo vaʼekue,ha isómbra omoʼãmba umi montáña jepe.
11 Mombyry voi oho hakãnguéra,ohupyty pe mar ha pe Rrío Éufrates.+
12 Péro, koʼág̃a reitypa pe murálla ojeréva pe parraltýre, ¿mbaʼére piko rejapo upéva?+
Upévare la ohasáva guivénte oipoʼo hiʼa.+
13 Umi animál salváhe hoʼupa la hiʼa,+ha umi kure kaʼaguy sarambi ojapo upépe.
14 Ñandejára, nde hína umi ehérsito yvagapegua ruvicha.
Eju jeýna orepytyvõ. Emañána ore roĩha gotyo ha ehecha la oikóva.
Eñangarekomína ko parraltýre.+
15 Nde ningo upe reñotỹ vaʼekue imáta nde po deréchape,+upévare emaña jeýna pe plánta raʼýre* nde remongakuaa ha remombarete vaʼekue nembaʼerã.+
16 Koʼág̃a oñekytĩ ha ojehapy.+
Nde rekastiga nde puévlope ha upévare oñehundi.
17 Eipytyvõna pe kuimbaʼe oĩvape nde deréchape,pe kuimbaʼe nde remombarete vaʼekue nemombaʼe hag̃ua.+
18 Upéicha ore siémpre roĩta nde ykére.
Anína orerundi, péichamante ikatúta romombaʼeguasu nde réra.
19 Jehová, nde hína umi ehérsito yvagapegua ruvicha.
Orepytyvõmína roĩ porã jey hag̃ua ne renondépe. Ehechaukána oreguerohoryha* ikatu hag̃uáicha rojesalva.+
Nóta
^ Ikatu avei: “apytépe”.
^ Hebréope: “Nde rova tomimbi ore ári”.
^ Hebréope: “Nde rova tomimbi ore ári”.
^ Hebréope: “pe taʼýrare”.
^ Hebréope: “Nde rova tomimbi ore ári”.
