“Peichaite avei menakuéra ohayhu vaʼerã hembirekópe, haʼekuéra ojehayhuháicha. Pe ohayhúva hembirekópe ojehayhu ijupe voi. Pórke ndaipóri ningo kuimbaʼe ndochaʼéiva hetére, upéva rangue mborayhúpe oñangareko hetére [...]. Káda uno pehayhu vaʼerã pene rembirekópe peẽ voi pejehayhuháicha”.

Efesios 5:28, 29, 33

“Tuakuéra, ani pedesahusia pene famíliape, síno pesegi pemongakuaa, pekorrehi ha peñemoñeʼẽ chupekuéra Jehová heʼiháicha”.

Efesios 6:4

“Pe tembireko katu orrespeta vaʼerã iménape ipyʼaite guive”.

Efesios 5:33

“Peẽ tembirekokuéra, peñemoĩkena pene ména poguýpe, ojapo vaʼerãháicha voi ñande Ruvicha segidorkuéra”.

Colosenses 3:18

“Mitãnguéra, peneñeʼẽrendúkena pende tuakuérape ñande Ruvicha oipotaháicha, upéva ningo oĩ porã Ñandejára renondépe. ‘Emombaʼékena nde túa ha nde sýpe’, péva hína pe primer mandamiénto oñemeʼẽ vaʼekue ko promésa ndive: ‘Oho porã hag̃ua ndéve ha reikove puku hag̃ua ko yvy ape ári’”.

Efesios 6:1-3

“Mitãnguéra, peneñeʼẽrendúkena pende tuakuérape entéro mbaʼépe, pórke upéva ogusta ñande Ruvichápe”.

Colosenses 3:20