Nearandúramo revyʼáta katuete
“Ambyasyeterei ningo ahechávo oĩha hetaiterei mbaʼe vai ko múndope. Por ehémplo umi gérra, hénte imboriahúva, mbaʼasy ha heta omaltratáva umi mitãme. Péro koʼág̃a areko jeýma esperánsa” (RAMONA). a
Ramona ovyʼaiterei oaprendérõ guare ñande Apohare, haʼéva pe Dios Todopoderóso, ikatuha ñanemoarandu. Eleévo umi artíkulo orekóva ko rrevísta, ehecha mbaʼéichapa umi mbaʼe Haʼe ñanemboʼéva ikatu nepytyvõ:
evyʼa hag̃ua nde rogapýpe
ejogueraha porã hag̃ua nde rapichakuérandi
eñekontenta hag̃ua la erekomívare
eikuaa hag̃ua mbaʼérepa añetehápe jasufri ha ñamano
eguereko hag̃ua peteĩ esperánsa isegúrova
eikuaa hag̃ua ñande Apoharépe ha oiko hag̃ua ndehegui iñamígo
Ehecháta avei ñande Apohare oipytyvõseha enterovetépe iñarandu hag̃ua, ha ndahaʼéi oiporavóva unos kuántopente upearã.
a Ko rrevístape oñekambia umi téra.
