Si, Jesús oĩrõ guare ko yvy ape ári okumpli heta profesía oñeʼẽva “Mesías, pe Líder” rehe, upe ‘osalváva ko múndope’ (Daniel 9:25; 1 Juan 4:14). Haʼe omano rire jepe osegi okumpli umi profesía oñeʼẽva pe Mesías rehe (Salmo 110:1; Hechos 2:34-36).

•  ¿Mbaʼépa heʼise pe palávra Mesías?

•  ¿Ikatúpa hetave persóna okumpli umi profesía oñeʼẽva pe Mesías rehe?

•  ¿Ikatúpa jaʼe pe Mesías outaha amo gotyove?

•  ¿Mboy profesíapa oĩ la Bíbliape oñeʼẽva pe Mesías rehe?

•  Unas kuánta profesía oñeʼẽva pe Mesíasre ha oñekumplíva Jesúsre

 Pe palávra hebrea Mesías (Maschíaj) griégope haʼe Cristo (Kjristós) ha heʼise “Unhído” térã “Elehído”. Upéicharõ Jesucristo heʼise “Jesús pe Unhído” térã “Jesús pe Mesías”.

 Yma umi tiémpo bíblicope ojeelehi térã oñeunhítaramo álgienpe oreko hag̃ua peteĩ rresponsavilida espesiál oñeñohẽ vaʼekue aséite pe persóna akã ári (Levítico 8:12; 1 Samuel 16:13). Ñandejára oelehi Jesúspe oiko hag̃ua chugui Mesías, peteĩ puésto iñimportantetereíva (Hechos 2:36). Péro Ñandejára oipuru rangue aséite ounhi hag̃ua chupe oipuru espíritu sánto (Mateo 3:16).

 No, entéro umi profesía oñekumplíva ohechauka porã oĩha peteĩ Mesías térã Cristo añónte. Péro la Biblia ñandeavisa peteĩ pelígrogui heʼívo: “Cháke oĩta heta cristo guaʼu ha proféta japu, ha ojapóta hikuái heta milágro tuichaitereíva oñehaʼã hag̃ua ombotavy umi Ñandejára oiporavo vaʼekuépe jepe” (Mateo 24:24).

 No, la Biblia heʼi pe Mesías ou vaʼerãha rréi David familiarégui peteĩ rréi omanda vaʼekue Israélpe (Salmo 89:3, 4). Péro umi rrehístro oĩháme rréi David desendientekuéra oñehundipáma. Amalisia umíva oñehundi umi rrománo ojagarrárõ guare Jerusalén áño 70-pe. a Upe áño guive ndaikatuvéima avave oreko pruéva ohechaukáva haʼeha rréi David familiare. Péro Jesús tiémpope si oĩ vaʼekue umi rrehístro, upévare ni umi iñenemigokuéra ndaikatúi vaʼekue onega Jesús haʼe hague rréi David desendiénte (Mateo 22:41-46).

 Ndaikatúi jaʼe mboy profesíapa oĩ exáktamente oñeʼẽva pe Mesías rehe. ¿Mbaʼérepa? Pórke sapyʼánte umi profesía oñeʼẽva direktoite pe Mesíasre oñekonta jepi de diferénte fórma. Por ehémplo Isaías 53:2-7-pe oñemombeʼu heta mbaʼe oñekumplíva pe Mesías rehe. Algúno heʼi ko párte kompletoite haʼeha peteĩ profesíante, péro oĩ ótro okontáva káda suséso ojepredesíva kómo diferénte profesía.