Pe tembiapo rojapóva ojepaga prinsipálmente umi kontrivusión voluntária omeʼẽva umi testígo de Jehová rupive. a Ore rreunionkuérape oĩ umi káha de kontrivusión ha avei roguereko peteĩ páhina Internétpe ojehechaukahápe mbaʼéichapa avei ikatu ojejapo umi donasión. Ikatu remeʼẽ ne kolavorasión reapoja hag̃ua pe óvra mundiál térã ojekuvri hag̃ua umi gásto oĩva lokálmente, o ikatu redona reipytyvõ hag̃ua mokõive mbaʼépe.

  Umi testígo de Jehová ndokovrái diésmo ha ndojejeruréi ni peteĩ testígo de Jehovápe omeʼẽ hag̃ua peteĩ kantida espesífika isuéldogui (2 Corintios 9:7). Umi rreunionhápe ndojejeruréi pláta ni ndojekovrái entráda. Ha ojejapo jave diskúrso de vautísmo, funerál, kasamiénto térã ótro akontesimiénto núnka ndojekovrái umívare. Avei ndojejapói mbaʼeveichagua aktivida oñembyaty hag̃ua pláta, por ehémplo vénta, féria, sortéo, karnavál, tembiʼu ñevende ha umícha, ni ndoikói ojejerure kontrivusión. Núnka noñemeʼẽi informasión personál pe odonávagui tahaʼe ótrope térã enterove ohecha hag̃ua (Mateo 6:2-4). Pe sítio de Internétpe ni umi puvlikasiónpe ndaipóri propagánda oñegana hag̃ua pláta umívare.

  Káda mes umi rreunión ojapóvape umi testígo de Jehová ojelee peteĩ infórme oñemombeʼu hag̃ua mbaʼéichapa ojepuru hína umi donasión ha enterove ikatu ohecha upéva. Umi rrehístro de kuénta káda kongregasionpegua ojerrevisa jepi káda tánto oñekontrola hag̃ua ojepuru porãha umi donasión (2 Corintios 8:20, 21).

•   Káha de kontrivusión: Ikatu emoĩ efektívo, térã chéke umi káha de kontrivusión oĩvape umi Salón del Réinope, ojejapohápe umi aty guasu térã ótro lugár oñembyatyhápe umi Testígo.

•   Donasión por Internet: Heta paíspe emeʼẽ hag̃ua ne kontrivusión ikatu eipuru pe páhina “Edona pe óvra mundiálpe g̃uarã”. Ikatu ejapo ne donasión por tarhéta de krédito, tarhéta de dévito, retransferi peteĩ vánkogui térã ótro método elektróniko rupive. b Oĩ Testígo omboykéva voi ipláta káda mes ikatumiháicha ha oprograma la idonasión mensuál. Upearã oipuru peteĩva koʼã método elektróniko ñamensionámava (1 Corintios 16:2).

•   Donaciones planificadas: Oĩ fórma de donasión ikatúva ojepuru péro oñeplanea raẽ vaʼerã la ojejaposéva ha upearã oñekotevẽ jepi oñeñeʼẽ peteĩ profesionál ndive. Heta paíspe koichagua donasión rupive ikatu peteĩ persóna opaga saʼive impuésto. Heta persóna oñevenefisia oikuaa porãve rupi mbaʼéichapa ikatu omeʼẽ umi donasión oikove aja gueteri térã omano rire. Eñekomunikamína pe sukursál oĩvandi pe lugár nde reikohápe reikuaa hag̃ua mbaʼéichapa iporãvéta rejapo peteĩ donasión koʼã sigiénte fórmape:

  •   cuentas bancarias

  •   seguros y planes de jubilación

  •   bienes raíces

  •   acciones y bonos

  •   testamentos y fideicomisos

 Reikuaasevéramo mbaʼe fórmapepa ikatu ejapo umi donasión pe lugár reikohápe, ehecha pe páhina hérava “Edona pe óvra mundiálpe g̃uarã”.