Yuunɛ woo, Yehowa Sɛɛradoma ni naɛ me la nɛreba tusa tusa ti ba beem ba tingole wa za’a poan tiɛ Yezu Kum la wuu eŋa n yuun bo nɔɔrɛ se’em la. (Luke 22:19) Tiirɛ Dia la basɛ ti to baŋɛ la yele n yuun pakɛ se’em ti Yezu ki faaɛ to basɛ. La me basɛ ti to baŋɛ a kum la n wan ta’an soŋɛ to se’em nananawa la beere sa’am.​—Yon 3:16.

 Ho daa san nyaŋɛ keŋɛ yuunɛ wa Tiirɛ Dia la bii ho daa ka keŋɛ woo, ho wan eŋɛ la wani nyɛ nyuurɔ Yezu kum la poan? Yezu yuun pa’alɛ tɔ ti to eŋɛ ninmɔ’ɔrɛ yɛla ayi wa:

1.  1. Zamesɛ Naayinɛ la Yezu yɛla. Yezu yuun zusɛ a saazuo Sɔ la yeti: ‘Vom sebo n ka tari ba’asegɔ la n wana, ti ba baŋɛ hon yelemɛŋɛrɛ Naayinɛ ma’a la, la se’em ti ho tum na la, Yezu Krista.’​—Yon 17:3.

2.  2. Tara hon zamesɛ sɛla la tuna tuuma. Yezu yuun basɛ ti la niɛ peelumi ti la nari ti to tara a pa’alegɔ la tuna tuuma. Makerɛ, a Zoore zuo Yetɔɣum la poan, a yuun pɛɣɛ sɛba n ‘keleseri ge nana a yetɔɣum’ la mɛ. (Luke 6:46-48) Saŋa busebo me a yuun yeti: ‘Ya san mina ti ya sontii ya soŋera taaba, tari ya pupeelum la ya soŋora taaba.’​—Yon 13:17.

 Ho wan bɔta ti ho zamesɛ Naayinɛ la Yezu yɛla zo’e zo’e? Hon boti ho nyɛ ka’aŋɔ n wan soŋɛ hɔ ti ho tara hon zameseri sɛla la tuna tuuma? Yele ana wa wan ta’an soŋɛ hɔ.

 To zaŋa Baabule zamesegɔ la soŋɛ nɛreba zo’e zo’e mɛ ti ba zamesɛ Baabule la ge tara de tuna tuuma ba vom poan.

•   Keŋɛ bɔberɛ la n de Nɛra Wan Soŋɛ Hɔ Ti Ho Zamesɛ Baabule La ge baŋɛ yɛla zo’e zo’e pa’asɛ.

•   Bisɛ vidiyo la zuo n de Ho Baabule Zamesegɔ la, ta’an baŋɛ Yehowa Sɛɛradoma n zameseri nɛreba Baabule la se’em.

 Yehowa Sɛɛradoma ni laɣesɛ la ba Na’am Pu’usegɔ Deo poan sugumnɔɔrɛ buyi bakwai woo. Zamesegɔ wa poan, to ni zamesɛ la Baabule, la ton wan ta’an dekɛ lan pa’alɛ sɛla la tum tuuma se’em.

 Nɛra woo ta’an wa’an zamesegɔ wa na; hali ho san puɣum daɣena Yehowa Sɛɛradaana. Ho bɔŋa la san ka bo ho yɔ’ɔ ti ho keŋɛ Na’am Pu’usegɔ Deo poan, ho ta’an bisɛ dɛ videoconferencing poan.

•   Bisɛ vidiyo la zuo n de Bem Ti To Ita Na’am Pu’usegɔ Deo Poan? ta’an baŋɛ hon wan nyɛ sɛla zamesegɔ wa poan.

•   FƐ zamesegɔ zɛ’an n lɛm hɔ, bɔberɛ la n de Yehowa Sɛɛradoma Tansugere Zamesegɔ.

 Zaseŋɔ yɛla la vidiyodoma zo’e zo’e n boi intanɛt tuuma zɛ’an wa wan soŋɛ hɔ ti ho zamesɛ Yezu pa’alegɔ yɛla zo’e zo’e la a kum la n tari tuulum se’em.

 Makerɛ, ho san bɔta ti ho zamesɛ baŋɛ sɛla n sɔi ti nɛra ayima kum wan ta’an faaɛ nɛreba zo’e zo’e basɛ, kaalɛ zaseŋɔ yɛla la zuo n de “Sore Kani Poan Ti Yezu Dɛna Fãara La?” la “Why Did Jesus Suffer and Die?” (Beni N Sɔi Ti Yezu Yuun Namesɛ Ta Ki?) bii ho bisɛ vidiyo la zuo n de Beni N Sɔi Ti Yezu Yuun Ki?