Nɛreba zo’e zo’e ti’isɛ ti pumpuuredɔɔ la n de Kristakɔma daalesum. La boi bim ti Yehowa Sɛɛradoma dela Kristakɔma ge to ka tari pumpuuredɔɔ pu’usa. Beni n sɔi?

 Yele deyima dela, Baabule la pa’alɛ ti Yezu yuun ka ki pumpuuredɔɔ zuo ge ba yuun kpa en la dɔɔ zuo. Leyɛ’ɛsa, Baabule la ka’am Kristakɔma ti “yehe ya mɛhe baga kaanbegɔ poan.” Bala pa’alɛ ti ba da tara pumpuuredɔɔ pu’usa.​—1 Korint 10:14; 1 Yon 5:​21.

 Yezu yuun yeti: “Ya han nɔŋɛ taaba, nɛra woo wan baŋɛ te ya dela mam dɔlɔba.” (Yon 13:34, 35) Yezu yuun yeti nɛreba n nɔŋɛ taaba ba suuren n wan pa’alɛ ti ba dela eŋa yelemɛŋɛrɛ podɔleba ge daɣɛ ba tari pumpuuredɔɔ bii sɛla wɔ̃sum pu’usa.