Jiwheyẹwhe Nọ Dona Mẹhe Setonu Lẹ
Yẹwhegán Mose dọ dọ Jiwheyẹwhe na dona mí, eyin mí nọ yìn osẹ́n etọn lẹ. (Deutelonomi 10:13; 11:27) Mí ma to Jiwheyẹwhe sẹ̀n, na mí to budi dọ e na dọ̀n otó na mí wutu gba. Amọ́, nudagbe he e nọ wà lẹ nọ zọ́n bọ mí nọ setonu, na mí yiwanna ẹn bo ma jlo na wà nudepope he na vẹna ẹn. “Nuhe owanyi Jiwheyẹwhe tọn zẹẹmẹdo die, dọ mí ni yìn gbedide etọn lẹ.”—1 Johanu 5:3.
Eyin mí setonuna Jiwheyẹwhe, e na dona mí. Gbọnna? Pọ́n onú awe ehelẹ.
1. MÍ NA YỌNNUIN EYIN MÍ NỌ SETONUNA JIWHEYẸWHE
“Yẹn Jehovah wẹ Jiwheyẹwhe towe, Mẹhe nọ plọn we nado zan gbẹzan he na hẹn ale wá na we, [bo] nọ deanana we to aliho he ji hiẹ dona zinzọnlin gbọn.”—ISAIA 48:17.
Mẹdatọ mítọn Jehovah Jiwheyẹwhe yọ́n mí bo nọ deanana mí dile e jẹ do. Eyin mí jlo dọ ewọ ni gọalọna mí nado de dide dagbe lẹ, mí dona nọ plọn Owe-wiwe lẹ bo wanu sọgbe hẹ nuhe mí plọn.
2. MÍ NA DO AYAJẸ EYIN MÍ NỌ SETONU
“Ayajẹnọ wẹ mẹhe to ohó Jiwheyẹwhe tọn sè bo to yíyí i hẹn lẹ!”—LUKU 11:28.
To egbehe, gbẹtọ livi susu wẹ nọ wà nuhe Jiwheyẹwhe dọ to Owe-wiwe mẹ bo do ayajẹ. Di apajlẹ, dawe de tin to Espagne he ylanhùn taun bo tlẹ nọ gblehomẹ do asi etọn lọsu go. Amọ́ to gbèdopo, e hia nuhe yẹwhegán Mose kàn do Owe-wiwe lẹ mẹ dọ Josẹfu he yin visunnu Jakọbu tọn nọ fahomẹ. Josẹfu yin sisà di kanlinmọ bosọ sẹ̀ngàn, na yè dolalo dokọna ẹn wutu; ṣogan e ma wadán, podọ e jona mẹhe ṣinuwa do e lẹ. (Jenẹsisi, weta 37-45) Dawe he to Espagne lọ dọ dọ: “N’lẹnnupọndo otàn Josẹfu tọn ji bo wá mọdọ n’dona nọ fahomẹ bosọ jọmẹ. Enẹ zọ́n bọ n’do ayajẹ todin.”
Owe-wiwe sọ dọ nudevo lẹ he na gọalọna mí nado nọ wà dagbe na mínọzo. Hosọ he bọdego na dọhodeji.
A Gán Sọ Pọ́n Hosọ Ehelẹ
ATỌ̀HỌ̀-NUHIHỌ́ LỌ TỌN
Etẹwẹ Jehovah Biọ to Mí Si?
GBLỌNDO NA KANBIỌ SINAI DO BIBLU JI LẸ
Be Biblu Sọgan Gọalọna Mi Nado Tindo Ayajẹ to Whẹndo mẹ Ya?
Ayinamẹ nuyọnẹn tọn sinai do Biblu ji lẹ ko gọalọna sunnu po yọnnu po livi susu nado tindo ayajẹ to whẹndo mẹ.
