Yi ŋanbi, yin soangi yi yama ki bangi li nee tili yeni. Yi bandi Jeova Siedinba n tie yaa nibuoli, bi ban tuuni yaa tuona leni bi gobiditaanli n tuuni maanma. Ti sugini ke laa bangima todi-yi, ke yi bandi ke Jeova Siedinba n tie yaaba n tiendi U Tienu yanbuama dinli-dinla. Moandi-mani ki bangi U Tienu ki pugini. Waani-mani yin bangi yaala yi diegu niba leni yi danlinba. Yaa caa-mani ti taana po yogunu kuli.—Hebilunba 10:23-25.

Yi yaa baa bangi Jeova yi baa le ke O buama yipo ki pia lie. Lani n baa cedi yin tieni O yanbuama ki waani-O ke yi bua-O leni yi pala kuli. (Jan Tikpiali 4:8-10, 19). Yi baa tieni bee yi yema nni daali kuli, ki waani Jeova ke yi bua-O? Bee n cedi ke ti bani cain ke O ñoamabona tie ti ŋamu po? Bee n baa tudi-yi, yin cua taani leni ti ki tieni U Tienu yanbuama? Yua n bangi biibili leni-yi, pali baa mangi, wan todi-yi, yin ba laa buali lebidima. Li baa todi ke yinba leni yi diegu niba n ‘kubi yi yula U Tienu buama nni ki yaa guu yaa miali n kan gbeniʼ.—Juda 21.

Yaa caa-mani liiga yi biibili bangima nni ki bandi i moamoani. Bangi mani li tili nee. . .