Mene Ne Ra’ayinka Game da Littafi Mai Tsarki?
Kana ganin . . .
-
littafi ne da ke ɗaukaka ra’ayin ’yan Adam?
-
littafin tatsuniya ne da kuma ƙage?
-
Kalmar Allah ce?
ABIN DA LITTAFI MAI TSARKI YA CE
‘Kowane nassi hurarre ne daga wurin Allah.’—2 Timotawus 3:16, Littafi Mai Tsarki.
ABIN DA ZA KA IYA MORA IDAN KA GASKATA DA HAKAN
Za ka sami tabbataccen amsoshi ga tambayoyi masu muhimmanci a rayuwa.—Misalai 2:1-5.
Za ka sami ja-gora mai kyau a rayuwarka ta yau da kullum.—Zabura 119:105.
Za ka kasance da tabbataccen bege game da nan gaba.—Romawa 15:4.
ZA MU IYA GASKATA DA LITTAFI MAI TSARKI KUWA?
Hakika, aƙalla saboda waɗannan dalilai uku:
-
Jituwa. Mutane 40 ne suka rubuta Littafi Mai Tsarki a lokatai dabam-dabam kuma hakan ya ɗauki shekaru 1,600. Yawancin su ba su san juna ba. Duk da haka, babu saɓani a abubuwan da suka rubuta a cikin littafin, ƙari ga haka, yana ɗaukaka sunan Allah da kuma mulkinsa!
-
Tabbataccen tarihi. Masana tarihi suna yawan rufa-rufa sa’ad da aka ci mutanensu a yaƙi. Akasin haka, marubutan Littafi Mai Tsarki sun bayyana kurakuransu da na mutanensu a fili.—2 Labarbaru 36:15, 16; Zabura 51:1-4.
-
Annabce-annabcen Littafi Mai Tsarki suna cika tabbas. Littafi Mai Tsarki ya yi annabci cewa za a halaka birnin Babila na dā shekaru 200 kafin hakan ya auku. (Ishaya 13:17-22) Ya bayyana yadda za a halaka Babila har da sunan wanda zai ci birnin da yaƙi!—Ishaya 45:1-3.
Haka ma, wasu annabce-annabce da dama a cikin Littafi Mai Tsarki sun cika daidai yadda aka ambata. Hakika, haka ya kamata Kalmar Allah ta kasance, ko ba haka ba?—2 Bitrus 1:21.
KA YI TUNANI A KAN WANNAN TAMBAYAR
Ta yaya Kalmar Allah za ta inganta rayuwarka?
Littafi Mai Tsarki ya ba da amsar a ISHAYA 48:17, 18 da kuma 2 TIMOTAWUS 3:16, 17.
Mai Yiwuwa Za Ka Kuma So
AMSOSHIN TAMBAYOYIN LITTAFI MAI TSARKI
Wane Irin Littafi Ne Baibul?
Ka karanta abubuwa masu ban shaꞌawa a littafin nan da ake ce da shi Kalmar Allah.
AMSOSHIN TAMBAYOYIN LITTAFI MAI TSARKI
Mene ne Zai Taimaka Maka Ka Fahimci Littafi Mai Tsarki?
Ko ba ka da ilimi sosai, za ka iya fahimtar sakon Allah da ke cikin Littafi Mai Tsarki.
AMSOSHIN TAMBAYOYIN LITTAFI MAI TSARKI
Mene ne Ma’anar Kalmar Nan Annabci?
Shin annabci ya kunshi fadin abin da zai faru nan gaba ne kawai? A’a.
MUHIMMAN KOYARWAR LITTAFI MAI TSARKI
Abin da Ke Littafi Mai Tsarki Gaskiya Ne?
Idan Allah ne mawallafin Littafi Mai Tsarki, ya kamata ya fi kowane irin littafi.
GAME DA MU
Me Ya Sa Zai Dace Mu Yi Nazarin Littafi Mai Tsarki?—Dogo
Littafi Mai Tsarki yana taimaka wa miliyoyin mutane a fadin duniya su sami amsoshin tambayoyi masu muhimmanci a rayuwa. Kai fa, za ka so ka sami amsoshin?
GAME DA MU
Ka Aika Sako don A Ziyarce Ka
Za ka so ka san amsar wata tambaya daga Littafi Mai Tsarki ko wani abu game da Shaidun Jehobah.
