He nū hou maikaʻi kā ka Paipala. I kākau ʻia ma ka Paipala, hiki i ka poʻe ke ola mau loa ma ka honua. (Halelū 37:29) ʻO Iēhova ka mea nāna i kākau i ka Paipala. Ua hoʻohana ke Akua ma kahi o 40 mau kāne manaʻoʻiʻo e kākau i 66 mau puke liʻiliʻi. Ua kākau ʻo Mose i ʻelima mau puke mua o ka Paipala ma kahi o 3500 mau makahiki aku nei. Ua kākau ka lunaʻōlelo ʻo Ioane i ka puke hope loa o ka Paipala i 1900 mau makahiki aku nei. Na wai ka manaʻo i kākau ʻia e nā mea kākau Paipala? Ua hoʻohana ke Akua i kāna ʻuhane hemolele e haʻi me nā mea kākau Paipala. (2 Samuʻela 23:2) Ua kākau lākou i nā manaʻo o ke Akua, ʻaʻole ko lākou manaʻo ponoʻī.​—E heluhelu iā 2 Timoteo 3:16; 2 Petero 1:​20, 21.

E nānā i ka wikiō ʻO Wai ka Mea i Kâkau i ka Paipala?

ʻIke kākou i ka Paipala mai ke Akua mai no ka mea wānana kūpono ka Paipala i ka wā e hiki mai ana. ʻAʻole hiki i ka poʻe ke wānana e like me kēia. (Iosua 23:14) ʻO ke Akua wale nō ka mea nāna e ʻike pono i ka wā e hiki mai ana no nā kānaka.​—E heluhelu iā ʻIsaia 42:9; 46:10.

He puke lua ʻole ka Paipala. Hāʻawi ʻia aku ka Paipala i nā ʻōlelo he nui. Lōkahi ka Paipala me ke akeakamai. Lōkahi nā manaʻo a pau o 40 mau mea kākau Paipala. * Hiki i ka Paipala ke hoʻololi i nā ola o ka poʻe a pau. Ma muli o kēia, ʻike kākou i ke aloha o ke Akua. No kēia mau kumu, ʻo ka Paipala ka ʻŌlelo a ke Akua.​—E heluhelu iā 1 Tesalonike 2:13.

E nānā i ka wikiō ʻOiaʻiʻo nō ka Paipala?

ʻO kekahi o nā mea nui o ka Paipala ke kumu aloha no nā kānaka. He nū hou maikaʻi kēia. Wehewehe ka Paipala, ua nalowale ka paradaiso ma ka honua. No laila, e hoʻihoʻi ana ke Akua i ka paradaiso i nā kānaka ma ka honua.​—E heluhelu iā Hōʻike ʻana 21:​4, 5.

Loaʻa i ka ʻŌlelo a ke Akua nā kānāwai, nā loina, a me nā ʻōlelo aʻo. Loaʻa i ka Paipala ke ʻano o ka hana ʻana a ke Akua i ka poʻe. Mai ka hana a ke Akua me nā kānaka, hiki iā kākou ke aʻo mai i nā ʻano o ke Akua. Hiki i ka Paipala ke kōkua iā ʻoe e ʻike i ke Akua. Wehewehe ia i ke ʻano e lilo ana ʻoe i hoaloha o ke Akua.​—E heluhelu iā Hebera 8:10; Iakobo 2:23; 4:8.

I hoʻomaopopo ʻoe i ka Paipala, ua hoʻohana kēia pepelu i nā hana like a Iesū. Ua hoʻohana ʻo Iesū i nā palapala hemolele, a ua wehewehe ihola ʻo ia i ka poʻe “i hoʻomaopopo lākou i nā palapala hemolele.”​—E heluhelu iā Luka 24:​27, 45.

ʻOi loa ka nū hou maikaʻi mai ke Akua mai. Akā, i kekahi poʻe, ʻaʻole lākou hoihoi. A i kekahi poʻe ʻē aʻe, hoʻonāukiuki ʻia lākou. Akā, mai hopohopo. Inā e ʻike ana ʻoe i ke Akua, hiki iā ʻoe ke ola mau loa.​—E heluhelu iā Ioane 17:3.