pehala shamooel 2:1-36
2 fir hanna ne parmeshvar se prarthna mein kaha,
“yahova ke kaaran mera dil magan hai,+yahova ne mera sing uncha kiya hai.*
main nidar hokar apne dushmanon ko javab de sakti hoon,kyonki tu jo uddhaar dilata hai usse main magan hoon.
2 yahova jaisa pavitra aur koi nahin,teri barabri koi nahin kar sakta,+hamare parmeshvar jaisi chattan aur koi nahin.+
3 ghamand se foolkar baatein karna band karo,apne munh se hekdi-bhari baatein mat bolo,kyonki yahova ko sab baaton ka gyaan hai,+woh insan ke har kaam ko sahi jaanchta-parakhta hai.
4 bade-bade soormaon ki kamanein choor-choor kar di gayi hain,magar thokar khaanevalon mein taakat bhar di gayi hai.+
5 jo kabhi bharpet khaaya karte the unhein roti ke liye mazdoori karni padti hai,magar jo ab tak bhookhe the woh ab bhookhe nahin rehte.+
jo kabhi baanjh thi woh saat-saat bachchon ki maa bani hai,+magar jiske kai bete the uske ab aur bachche nahin hote.*
6 yahova mein jaan lene aur jaan ki hifazat karne* ki taakat hai,vahi insan ko neeche kabraa mein pahunchata hai aur jo kabraa mein hain unhein ji uthata hai.+
7 yahova insan ko kangal banata hai aur maalamal karta hai,+vahi neeche girata hai aur uncha uthata hai.+
8 woh deen jan ko dhool se,gareebon ko raakh ke dher* se uthata hai+taaki unhein haakimon ke saath bithaye,unhein samman ka pad de.
dharti ki ninv ke khambhe yahova ke haathon mein hain+aur un par hi usne upjaoo zameen kaayam ki hai.
9 woh apne vafadar logon ke kadmon ki raksha karta hai,+magar dusht andhere mein khaamosh kar diye jaayenge,+kyonki insan apni taakat se jeet nahin sakta.+
10 yahova un sabko choor-choor kar dega jo usse ladte hain,*+woh swarg se un par garjega.+
yahova dharti ke kone-kone tak nyay karega,+woh apne raja ko taakat dega+aur apne abhishikt ka sing uncha karega.”*+
11 iske baad elkana apne shehar raamah laut gaya, magar uska ladka eli yaajak ki nigrani mein yahova ka ek sevak ban gaya.*+
12 eli ke bete dusht the,+ unke dil mein yahova ke liye koi izzat nahin thi.
13 aur logon ke balidanon ke jis hisse par yaajkon ka hak tha, uske saath woh aisa karte the:+ jab balidan ka gosht ubaal raha hota to yaajak ka ek sevak haath mein teen nokvala kaanta liye aata
14 aur use haandi ya degchi mein daal deta. kaante mein jitna bhi gosht aata use yaajak le leta tha. eli ke donon bete sheelo mein aanevale sab israeliyon ke saath aisa hi salook karte the.
15 aur-to-aur, isse pehale ki balidan chadhanevala charbi aag par rakhkar jalata ki usse dhuaan uthe,+ yaajak ka ek sevak vahaan aakaar usse kehta, “yaajak ke liye gosht de taaki woh use bhoonkar khaaye. use ubla hua gosht nahin, kachcha gosht chahiye.”
16 jab woh aadmi usse kehta, “pehale unhein charbi aag mein jalane de ki usse dhuaan uthe,+ fir tu jo chahe le lena,” tab sevak kehta, “nahin, mujhe abhi chahiye! agar tu nahin dega, to main zabardasti le loonga.”
17 is tarah in sevkon ne yahova ki nazar mein ghor paap kiya,+ kyonki woh aadmi yahova ko arpit kiye jaanevale balidan ka anadar karte the.
18 haalanki shamooel abhi chhota ladka hi tha, fir bhi woh malmal ka epod pehankar+ yahova ke saamne seva karta tha.+
19 uski maa jab har saal apne pati ke saath saalana balidan chadhane sheelo aati,+ to shamooel ke liye bin aasteen ka ek chhota-saa baaga banakar laati thi.
20 eli ne elkana aur uski patni ko aasheervad diya aur elkana se kaha, “toone apna beta yahova ko de* diya hai. yahova tujhe aasheesh de. woh tujhe is bete ke badle teri is patni se ek aur bachcha de.”+ fir woh vaapas ghar chale gaye.
21 yahova ne hanna par dhyan diya aur uske aur bhi bachche huye.+ usne teen beton aur do betiyonn ko janm diya. aur shamooel yahova ke saamne badhne laga.+
22 eli bahot boodha tha. usne suna tha ki uske bete israeliyon ke saath kaise-kaise kaam karte hain+ aur yah bhi ki woh un aurton ke saath sambandh rakhte hain jo bheint ke tamboo ke dvar ke paas seva karti hain.+
23 eli apne beton se kaha karta tha, “sab log keh rahe hain ki tum kitne bure-bure kaam kar rahe ho. tum kyon aisa karte ho?
24 aisa mat karo bachcho. yahova ke logon ke beech tumhare baare mein jo charche ho rahe hain, woh theek nahin hai.
25 agar ek aadmi kisi aadmi ke khilaf paap kare, to koi uski khaatir yahova se binti kar sakta hai.* lekin agar ek aadmi yahova ke khilaf paap kare,+ to kaun uske liye dua karega?” lekin eli ke bete uski bilkul nahin sunte the aur yahova ne unhein maar daalne ki thaan li thi.+
26 magar doosri taraf, ladka shamooel deel-daul mein badhta gaya aur yahova aur logon ka chaheta banta gaya.+
27 parmeshvar ka ek sevak eli ke paas aaya aur usse kehne laga, “tere liye yahova ka yah sandesh hai: ‘jab tere purkhe ka gharana misra mein firaun ke gharane ki gulami kar raha tha, tab mainne khud ko us par saaf-saaf zahir kiya tha.+
28 mainne israel ke sabhi gotron mein se tere purkhe ko apna yaajak chuna tha+ taaki woh meri vedi+ par balidan chadhaye aur dhoop jalaye* aur epod pehankar mere saamne seva kare. mainne tere purkhe ke gharane ko hi israeliyon* ke sabhi balidanon ka hissa diya tha jo aag mein jalakar arpit kiye gaye.+
29 to fir tum log kyon mere balidan aur chadhave ka ghor apman karte ho,* jinhein mainne apne nivas+ mein chadhane ki aagya di thi? tum meri praja israel ke har balidan mein se sabse badhiya hissa khaakaar mote hote jaa rahe ho.+ aakhir tu kyon aisa kar raha hai? tu kyon hamesha mujhse zyada apne beton ka aadar karta hai?
30 isliye israel ke parmeshvar yahova ki taraf se tere liye yah sandesh hai: “yah sach hai ki mainne kaha tha, tera aur tere purkhe ka gharana hamesha mere saamne haazir rehkar meri seva karega.”+ magar ab yahova kehta hai, “main aisa karne ki soch bhi nahin sakta kyonki jo mera aadar karte hain main unka aadar karoonga,+ magar jo mera anadar karte hain unhein neecha dikhaya jaayega.”
31 dekh, woh din door nahin jab main tera aur tere purkhe ke gharane ka adhikar chheen loonga* taaki tere gharane ka koi bhi aadmi budhape tak ji na sake.+
32 main chahe israel ke saath jitni bhi bhalai karoon, tujhe mere nivas mein ek dushman dikhayi dega.+ aur tere gharane mein kabhi-bhi koi aadmi budhape tak nahin ji sakega.
33 tere gharane mein se jis aadmi ko main apni vedi ke paas seva karte rehne ka mauka doonga, woh bhi tujhe gam dega aur uski vajah se tu apni aankhon ki raushni kho baithega. magar tere gharane ke zyadatar log talvar se maare jaayenge.+
34 aur tere donon beton ka, hopni aur finehas ka jo anjam hoga, woh tere liye ek nishani hoga: ek hi din mein un donon ki maut ho jaayegi.+
35 tab main apne liye ek vishvasyogya yaajak thehraunga.+ woh mere man ki ichha ke mutabik kaam karega aur main uske gharane ko aisa mazboot karoonga ki woh sada kaayam rahega aur hamesha tak yaajak ke naate mere abhishikt ke liye seva karega.
36 tere gharane mein se jo koi bach jaayega, woh us yaajak ke paas jaayega aur use jhukkar pranam karega aur thodi-si kamai aur ek roti ke liye yah minnat karega: “mujhe bhi yaajak ka koi kaam de taaki mere liye ek roti ka jugad ho sake.”’”+
kai footnote
^ shaa., “woh ab murjha gayi hai.”
^ ya “zinda karne.”
^ ya shaayad, “koode ki jagah.”
^ ya shaayad, “yahova se jhagadnevale khauf khaayenge.”
^ ya “ki seva kar raha tha.”
^ shaa., “udhaar.”
^ ya shaayad, “parmeshvar uski khaatir beech-bachav karega.”
^ shaa., “israel ke beton.”
^ ya shaayad, “balidan ka dhuaan oopar uthaye.”
^ shaa., “ko laat maarte ho.”
^ shaa., “haath kaat doonga.”
