pehala shamooel 30:1-31
30 teesre din jab daavid aur uske aadmi siklag+ laute, tab tak amalekiyon+ ne dakshin ke ilake* par aur siklag par hamla karke unhein loot liya aur siklag ko aag se foonk diya tha.
2 woh siklag ki sabhi aurton+ ko aur chhote bachche se lekar boodhe tak sabko le gaye aur vahaan unka jo kuch tha, sab loot liya. unhonne kisi ko jaan se nahin maara magar woh un sabko bandi banakar le gaye.
3 jab daavid aur uske aadmi shehar pahunche to unhonne dekha ki shehar jalkar raakh ho gaya hai aur unke beevi-bachchon ko bandi banakar le jaaya gaya hai.
4 daavid aur uske aadmi zor-zor se rone lage. woh itna roye ki unmein aur rone ki taakat na rahi.
5 daavid ki donon patniyaan, yijreli aheenoam aur abeegail (jo karmeli naabal ki vidhva thi)+ bhi bandi bana li gayin.
6 daavid ke aadmi apne bachchon ko khone ke gam mein itni kadvahat se bhar gaye ki woh daavid ko pattharon se maar daalne ki baat karne lage. isse daavid ko gehra dukh hua. magar usne apne parmeshvar yahova ki madad se khud ko mazboot kiya.+
7 fir daavid ne aheemelek ke bete abiyatar+ yaajak se kaha, “zara epod yahaan laana.”+ tab abiyatar daavid ke paas epod laaya.
8 daavid ne yahova se salah ki,+ “kya main luteron ke us dal ka peechha karne jaaun? kya main unhein pakad paaunga?” parmeshvar ne kaha, “haan, tu jaakaar unka peechha kar. tu zaroor unhein pakad lega aur apna sabkuch chhuda lega.”+
9 daavid fauran apne 600 aadmiyon+ ko lekar nikaal pada. jab woh door basor ghaati* ke paas pahunche to uske kuch aadmi vahaan ruk gaye.
10 unki ginti 200 thi. woh itne thak gaye the ki basor ghaati paar karne ki unmein taakat nahin thi. magar daavid baaki 400 aadmiyon ke saath aage badhta gaya.+
11 daavid ke aadmiyon ko maidan mein ek misri aadmi mila aur woh use daavid ke paas le gaye. unhonne us aadmi ko khaane-peene ke liye kuch diya.
12 saath hi anjeer ki tikiya ka ek tukda aur kishmish ki do tikiyaan di. jab us aadmi ne yah sab khaaya to uski jaan mein jaan aayi kyonki teen din aur teen raat se usne kuch khaaya-peeya nahin tha.
13 fir daavid ne usse poochha, “tu kahaan ka hai aur kiska aadmi hai?” usne kaha, “main ek misri hoon aur ek amaleki aadmi ka daas hoon. mera maalik mujhe teen din pehale yahaan chhodkar chala gaya kyonki main beemar ho gaya tha.
14 hamne kareti logon+ ke dakshini ilake* par, yahooda ke ilake par aur kaaleb+ ke dakshini ilake* par hamla kiya aur unhein loot liya aur siklag ko hamne jala diya.”
15 tab daavid ne usse poochha, “kya tu mujhe us lutere-dal ke paas le jaayega?” us aadmi ne kaha, “agar tu parmeshvar ki shapath khaakaar mujhse kahe ki tu meri jaan nahin lega aur na hi mujhe mere maalik ke havale karega to main tujhe us dal ke paas le jaaunga.”
16 fir woh misri aadmi daavid ko us jagah le gaya jahaan lutera-dal tha. woh lutere maidan mein chaaron taraf faile huye the aur khaa-peekar jashna mana rahe the kyonki woh palishtiyon ke desh se aur yahooda ke ilake se dher saara maal loot laaye the.
17 tab daavid munh andhere un sabko ghaat karne laga aur agli shaam tak unhein ghaat karta raha. un 400 aadmiyon ke siva, jo unton par bhaag gaye the, daavid ne kisi ko bhi zinda nahin chhoda.+
18 daavid ne amalekiyon se woh sab chhuda liya jo woh lootkar le gaye the.+ usne apni donon patniyon ko bhi bacha liya.
19 daavid aur uske aadmiyon ne kuch nahin khoya. unhonne apne bete-betiyonn ko aur apna saara maal vaapas paa liya. bachchon se lekar buzurgon tak aur chhoti cheez se lekar badi tak, sabkuch vaapas paa liya.+ daavid ne luteron ke haath se har cheez chhuda li.
20 usne luteron ki bhed-bakriyaan aur gaay-bail bhi le liye aur uske aadmi in jaanvaron ko apne jaanvaron ke aage-aage haankate huye le gaye. unhonne kaha, “yah daavid ki loot hai.”
21 fir daavid un 200 aadmiyon ke paas pahuncha jo bahot thak jaane ki vajah se uske saath nahin gaye the balki basor ghaati ke paas ruk gaye the.+ woh daavid aur uske saathvale aadmiyon se milne gaye. fir daavid ne unke paas jaakaar unka haal-chaal poochha.
22 magar jo aadmi daavid ke saath gaye the unmein se kuch bure aur nikamme log kehne lage, “hum loot ki jo cheezen chhuda laaye hain, unmein se ek bhi cheez unhein nahin deinge kyonki woh hamare saath nahin aaye the. woh bas apne beevi-bachchon ko lekar jaa sakte hain.”
23 magar daavid ne unhein samjhaya, “mere bhaaiyo, yahova ki di hui cheezon ke saath tum aisa mat karo. usne hamari hifazat ki aur us lutere-dal ko hamare haath mein kar diya.+
24 tum jo keh rahe ho kya usse koi raazee hoga? jo log saaman ki dekhbhal karne ke liye reh gaye the unhein bhi utna hi hissa milega+ jitna un logon ko jo yuddh mein gaye the. sabko barbar hissa milega.”+
25 daavid ka yah faisla us din se poore israel ke liye ek niyam aur kaanoon ban gaya jo aaj tak kaayam hai.
26 jab daavid siklag lauta to usne loot mein se kuch maal yahooda ke pradhanon ko bheja jo uske dost the. usne unhein yah sandesh bheja: “yahova ke dushmanon ki loot mein se yah tumhare liye tohfa hai.”
27 isi tarah usne in saari jagahon ke logon ko bhi loot mein se kuch maal bheja: betel,+ negeb* ke raamot, yatteer,+
28 aroer, sipmot, eshtmoaa,+
29 raakaal, yarhameliyon+ ke shehar, keniyon+ ke shehar,
30 horma,+ borashan, atak,
31 aur hebron.+ daavid ne un saari jagahon ke logon ko kuch maal bheja jahaan woh aur uske aadmi aksar jaaya karte the.
