bhajan 104:1-35
104 mera man yahova ki taareef kare.+
hey yahova, mere parmeshvar, tu bahot mahan hai.+
tu pratap* aur vaibhav ka libas pehne huye hai.+
2 tu raushni ka odhna odhe huye hai,+toone aakash ko tamboo ki tarah taana hai.+
3 woh oopar ke paani mein* shahteeron se oopri kothriyaan banata hai,+baadlon ko apna rath banata hai,+pavan ke pankhon par savaari karta hai.+
4 woh apne swargdooton ko taakatvar banata hai,apne sevkon ko bhasm karnevali aag banata hai.+
5 usne dharti ko uski buniyad par kaayam kiya hai,+yah apni jagah se kabhi hilayi nahin jaayegi,* sada tak bani rahegi.+
6 toone dharti ko gehre paani se aise dhaanp diya maano chaadar ho.+
paani ne pahadon ko dhak liya.
7 teri daant sunte hi woh bhaag gaya,+tere garjan se woh ghabrakar bhaag gaya,
8 us jagah chala gaya jo toone uske liye tay ki.pahad udhaarkar aaye+ aur ghaatiyaan neeche dhans gayin.
9 toone paani ke liye ek had baandh di taaki woh use paar na kare+aur fir kabhi dharti ko na dhake.
10 woh soton ka paani ghaatiyon mein bhejta hai,paani pahadon ke beech behta hai.
11 usse maidan ke sabhi jangli jaanvaron ko paani milta hai,jangli gadhe apni pyas bujhate hain.
12 paani ke paas aakash ke panchhi basera karte hain,ghani daaliyon par baithe geet gaate hain.
13 woh apni oopri kothriyon se pahadon ko sinchta hai.+
teri mehnat ke fal se dharti bhar gayi hai.+
14 woh maveshiyon ke liye ghaasaur insanon ke istemal ke liye ped-paudhe ugata hai+taaki zameen se khaane ki cheezen upjein,
15 daakh-madira mile jisse insan ka dil magan hota hai,+tel mile jisse uska chehra chamak uthta hai,roti mile jisse nashvar insan ka dil mazboot bana rehta hai.+
16 yahova ke pedon ko,uske lagaye labanon ke devdaron ko bharpoor paani milta hai
17 jin par panchhi ghonsla banate hain.
laglag+ ka basera sanovar ke pedon par hai.
18 unche-unche pahad, pahadi bakriyon ke liye hain,+badi-badi chattanein, chattani bijjuon ke liye panah hain.+
19 usne chaand ko samay thehrane ke liye banaya,sooraj apne dhalne ka vakt bakhoobee jaanta hai.+
20 tu andhera laata hai aur raat ho jaati hai,+tab jangal ke saare jaanvar ghoomte-firte hain.
21 javan sher shikar ke liye dahadte hain+aur parmeshvar se khaana maangte hain.+
22 jab sooraj ugta haito woh maand mein laut jaate hain aur let jaate hain.
23 insan kaam par jaata haiaur shaam tak mashakkat karta hai.
24 hey yahova, tere kaam anginat hain!+
toone ye sab apni buddhi se banaya hai,+dharti teri banayi cheezon se bharpoor hai.
25 samundar vishal hai, door-door tak faila hai,chhote-bade anginat jeev-jantuon ke jhundon se bhara hai.+
26 usmein jahaz aate-jaate hainaur tera banaya livyatan*+ khelta hai.
27 ye sab teri or taakte hainki tu unhein vakt par khaana de.+
28 tu unhein jo deta hai, use woh batorte hain.+
jab tu mutthi kholkar deta hai to woh achhi cheezon se santusht hote hain.+
29 jab tu unse apna munh fer leta hai to woh bechain ho jaate hain.
jab tu unki saans* le leta hai to woh mar jaate hain, mitti mein laut jaate hain.+
30 jab tu apni pavitra shakti bhejta hai to unki srishti hoti hai,+tu dharti ko naya-saa kar deta hai.
31 yahova ki mahima sada bani rahegi.
yahova apne kaamon se khush hoga.+
32 woh dharti par nazar daalta hai aur woh kaanp uthti hai,woh pahadon ko chhoota hai aur unse dhuaan paayenge hai.+
33 main saari zindagi yahova ke liye geet gaaunga,+jab tak main zinda rahoonga, apne parmeshvar ki taareef mein geet gaaunga.*+
34 mere vichar use bhaayen.*
main yahova ke kaaran magan hounga.
35 paapi dharti se gaayab ho jaayenge,fir kabhi dusht nahin raheinge.+
mera man yahova ki taareef kare. yaah ki taareef karo!*
kai footnote
^ ya “garima.”
^ shaa., “woh paani mein.”
^ ya “nahin dagmagayegi.”
^ ya “sangeet bajaunga.”
^ ya shaayad, “main uske baare mein jo manan karta hoon woh manbhavna ho.”
^ ya “hallilooyah!” “yaah” yahova naam ka chhota roop hai.
