bhajan 137:1-9
137 hum baibilon ki nadiyon ke kinare+ baitha karte the.
siyyon ko yaad karke ro padte the.+
2 uske* yahaan ke pahadi peepal parhum apne taaronvale baaje latkate the.+
3 hamein bandi bananevalon ne vahaan hamse ek geet gaane ko kaha,+hamari khilli udanevalon ne man-bahlav ke liye hamse kaha,
“hamare liye siyyon ka koi geet gaao.”
4 hum parayi zameen par yahova ka geet kaise gaa sakte hain?
5 hey yarooshalem, agar main tujhe bhool jaaun,to mera daayaan haath har kaam bhool jaaye.*+
6 agar main tujhe yaad na karoon,yarooshalem ko apni khushi ki sabse badi vajah na samjhoon,+to meri jeebh taaloo se chipak jaaye.
7 hey yahova, yaad karki jab yarooshalem gira to edomiyon ne kaha tha,
“dhaa do ise! iski buniyad tak dhaa do!”+
8 hey baibilon ki beti, tujhe bahot jald ujaad diya jaayega,+kya hi khush hoga woh jo tere saath vaisa hi salook karega,jaisa toone hamare saath kiya tha.+
9 kya hi khush hoga woh jo tujhse tere bachche chheen lega,unhein chattanon par patak dega.+
