bhajan 6:1-10
daavid ka sureela geet. nirdeshak ke liye hidayat: yah geet sheminith* ki dhun par taaronvale baaje bajakar gaaya jaaye.
6 hey yahova, tu gusse mein aakaar mujhe na fatkaar,na hi krodh se bharkar mujhe sudhaar.+
2 hey yahova, mujh par kripa* kar, main kamzor ho gaya hoon.
hey yahova, mujhe changa kar,+ meri haddiyaan kaanp rahi hain.
3 haan, main bahot pareshan hoon.+hey yahova, main tujhse poochhta hoon, main kab tak yoon hi tadapta rahoon?+
4 hey yahova, laut aa aur mujhe chhuda le,+apne atal pyar ki khaatir mujhe bacha le.+
5 kyonki maut ke baad koi teri charcha nahin kar sakta.*kabraa mein kaun teri taareef karega?+
6 aahein bharte-bharte main past ho chuka hoon.+main poori raat apna bistar aansuon se bhigota hoon,aansuon ke sailab mein mera deevan doob jaata hai.+
7 man ki peeda se meri aankhein kamzor ho gayi hain,+mujhe satanevalon ki vajah se dhundhli pad gayi hain.*
8 are dushto, tum sab mujhse door ho jaao,kyonki yahova mera bilakhna zaroor sunega.+
9 yahova meri kripa ki binti sunega,+yahova meri prarthna sweekar karega.
10 mere sabhi dushman sharminda kiye jaayenge aur khauf khaayenge,achanak hi unki beizzati hogi aur woh bhaag jaayenge.+
