bhajan 97:1-12
97 yahova raja bana hai!+
dharti khushiyaan manaye.+
sabhi dveep aanand-magan hon.+
2 woh kaale ghane baadlon se ghira hua hai,+neki aur nyay uski raajgaddi ki buniyad hai.+
3 uske aage-aage aag chalti hai,+har taraf se uske bairiyon ko bhasm kar deti hai.+
4 uski bijaliyon ki chamak se dharti raushan ho jaati hai,yah dekhkar prithvi thartharane lagti hai.+
5 yahova ke saamne, poori dharti ke maalik ke saamne,pahad mom ki tarah pighal jaate hain.+
6 aakash uski neki ka ailan karta haiaur desh-desh ke log uski mahima dekhte hain.+
7 woh sabhi jo dhali hui moorton ko poojte hain,apne nikamme devtaon par shekhi maarte hain, sharminda kiye jaayen.+
sabhi devtao, use dandvat* karo.+
8 hey yahova, tere faislon ke baare meinsiyyon sunta hai aur baag-baag ho jaata hai,+yahooda ke kasbe* khushiyaan manate hain.+
9 kyonki hey yahova, tu saari prithvi par param-pradhan hai,tu sabhi devtaon se kahin zyada uncha kiya gaya hai.+
10 yahova se pyar karnevalo, burai se nafrat karo.+
woh apne vafadar logon ki jaan ki hifazat karta hai,+unhein dushton ke haath* se chhudata hai.+
11 nek logon ke liye tez raushni chamak uthi hai,+seedhe-sachche manvalon ke liye khushiyon ki bahar aayi hai.
12 nek logo, yahova ke kaaran aanand manao,uske pavitra naam* ki taareef karo.
kai footnote
^ ya “uski upasna.”
^ ya “ki betiyaan.”
^ ya “ki taakat.”
^ shaa., “uski pavitrata ki yaadgar.”
