neetivachan 20:1-30
20 daakh-madira hansi udati hai+ aur sharab hangama machati hai,+inse behaknevala buddhiman nahin.+
2 raja ka aatank sher ki dahad jaisa hai,+use gussa dilanevala apni jaan jokhim mein daalta hai.+
3 jo jhagda karne se door rehta hai, uske liye yah aadar ki baat hai,+lekin moorkh jhagde mein ulajhta hai.+
4 aalsi sardiyon mein jutai nahin karta,tabhi katai ke samay uske paas kuch nahin hotaaur woh bheekh maangta firta hai.*+
5 insan ke dil ke vichar* gehre paani ki tarah hain,magar paini samajh rakhnevala ise khinch paayenge hai.
6 kai log apne atal pyar ka dam bharte hain,magar sachcha insan badi mushkil se milta hai.
7 nek jan apna chaalchalan nirdosh banaye rakhta hai,+
uski aanevali santan* sukhi rahegi.+
8 jab raja nyay karne raajgaddi par baithta hai,+to ek hi nazar mein saari burai chhaant leta hai.+
9 kaun keh sakta hai, “mainne apna man shuddh kar liya,+mere paap dhul gaye”?+
10 beimani ka baat-patthar aur jhootha paimana,*donon se yahova ghin karta hai.+
11 bachcha* bhi apne kaamon se dikha deta haiki woh seedhi aur sahi chaal chal raha hai ya nahin.+
12 sunnae ke liye kaan aur dekhne ke liye aankh,donon yahova ne banaye hain.+
13 nind se pyar mat kar, varna tu kangal ho jaayega,+
apni aankhein khuli rakh tab tu bharpet khaayega.+
14 khareedar kehta hai, “cheez raddi hai, ekdam raddi!”magar vahaan se chale jaane ke baad apne saude par shekhi maarta hai.+
15 sona aur moonge* keemti hote hain,par unse bhi keemti hain gyaan se bhare honth.+
16 us aadmi ke kapde girvi rakh le, jo kisi ajnabi ka zamin bana hai+aur agar usne badchalan* aurat ki vajah se apni cheez girvi rakhi hai, to use vaapas mat kar.+
17 chhal ki roti ek insan ko swadisht lagti hai,lekin baad mein uska munh kankad-patthar se bhar jaata hai.+
18 salah-mashvira karne se yojnayen safal* hoti hain,+sahi maargdarshan* lekar apni jang lad.+
19 jo doosron ko badnam karna chahta hai, woh unke raaz batata firta hai,+jise gappe ladana pasand hai usse dosti mat rakh.
20 jo apne maa-baap ko kosta hai,andhera hone par uska deepak bujh jaayega.+
21 chahe ek insan laalach karke jaaydad paa bhi le,fir bhi ant mein use koi aasheesh nahin milegi.+
22 yah mat keh, “main is burai ka badla loonga.”+
yahova par bharosa rakh,+ woh teri raksha karega.+
23 beimani ke baat-patthar* se yahova ghin karta hai,tarazoo mein hera-feri karna sahi nahin.
24 yahova hi ek aadmi ke kadmon ko raah dikhata hai,+varna use kahaan pata kis raah jaana hai.
25 utavli mein aakaar mannat maanna aur kisi cheez ko arpit karna,+
fir baad mein us par soch-vichar karna ek fanda hai.+
26 buddhiman raja dushton ko chhaantkar alag karta hai+aur un par daanvne ka pahiya chalata hai.+
27 insan ki saans yahova ke liye deepak hai,jo andar ke insan par raushni daalta hai.
28 atal pyar aur sachchai se raja ki hifazat hoti hai,+atal pyar se uski raajgaddi kaayam rehti hai.+
29 javanon ki shaan unki taakat hai+aur buzurgon ki shobha unke safed baal.+
30 chot aur ghaav burai door karte hain+aur maar insan ko andar se shuddh karti hai.
kai footnote
^ ya shaayad, “katai ke samay dhoondhne par bhi use kuch nahin milta.”
^ ya “irade.”
^ shaa., “bete.”
^ ya “do alag-alag baat-patthar aur do alag-alag maap ke paimane.”
^ ya “ladka.”
^ shaa., “pardesi.”
^ ya “pakki.”
^ ya “buddhi-bhari salah.”
^ ya “do alag-alag baat-patthar.”
