neetivachan 5:1-23
5 hey mere bete, meri buddhi-bhari baaton par dhyan de,
main paini samajh ke baare mein jo sikhaun, us par kaan laga.+
2 tab tu apni sochne-parakhne ki shakti ki raksha kar sakegaaur tere munh se hamesha sachche gyaan ki baatein nikleingi.+
3 badchalan* aurat ki baatein* shehad jaisi meethi+aur tel se bhi chikni hoti hain,+
4 lekin aakhir mein woh naagdaune jaisi kadvi nikaalti hain+aur dodhari talvar ki tarah chot pahunchati hain.+
5 uske pair maut ki taraf badhte hain,
uske kadam seedhe kabraa ki or le jaate hain.
6 jeevan ki raah ke baare mein woh zara bhi nahin sochti,
apni raah par woh bhatak rahi hai aur nahin jaanti ki yah use kidhar le jaayegi.
7 hey mere beto, meri suno,main jo kahoon, use ansuna mat karna.
8 us aurat se koson door rehna,uski dehleez ke paas bhi na jaana.+
9 kahin aisa na ho ki tu apna maan-samman kho baithe+aur saari zindagi tujhe dukh mein kaatni pade,+
10 ya paraye teri kamai se apna pet bharein+aur jo kuch toone mehnat se joda hai, woh doosron ke ghar chala jaaye.
11 agar aisa hua to jeevan ke aakhiri samay mein,jab teri taakat aur shareer javab dene lageinge, tab tu karahega+
12 aur kahega, “mainne shiksha se nafrat kyon ki?
kyon mere man ne daant ko sweekar nahin kiya?
13 mainne apne shikshakon ki baat kyon nahin suni?kyon apne sikhanevalon par dhyan nahin diya?
14 tabhi poori mandli ke saamne,*main vinash ki kagar par khada hoon.”+
15 apne hi kund se paani pi,apne hi kuyen ka taaza* paani pi.+
16 kyon tere sote ghar ke baaharaur teri paani ki dhaarayen chauk mein bah jaayen?+
17 ye sirf tere liye rahein,kisi paraye ke liye nahin.+
18 tere paani ke sote par aasheesh ho,apni javani ki patni ke saath khush reh.+
19 woh to teri pyari hirni hai, man moh lenevali pahadi bakri hai.+
uske stan hamesha tujhe santusht rakhein,tu hamesha uske pyar mein dooba rahe.+
20 hey mere bete, fir tu kyon kisi parayi aurat par mohit ho?kyon ek badchalan* aurat ko apne seene se lagaye?+
21 insan ki raahein yahova ki aankhon se chhipi nahin hain,woh uske har kadam ko jaanchta hai.+
22 dusht ke gunah usi ke liye fanda ban jaate hain,woh apne hi paap ki rassiyon mein kaskar reh jaata hai,+
23 apni badi moorkhta ke kaaran bhatakta firta hai,shiksha kabool na karne se woh mar jaayega.
kai footnote
^ shaa., “parayi.”
^ shaa., “ke honth.”
^ shaa., “sabha aur mandli ke beech.”
^ ya “behta.”
^ shaa., “pardesi.”
