nirgaman 34:1-35
34 fir yahova ne moosa se kaha, “tu patthar kaatkar apne liye do patiyayen banana jo pehali patiyaon jaisi hon.+ un par main woh shabd likhoonga jo mainne pehali patiyaon par likhe the,+ jinhein toone choor-choor kar daala tha.+
2 tu kal subah ke liye taiyar ho jaana kyonki tu kal subah seenai pahad par aayega aur pahad ki choti par mere saamne haazir hoga.+
3 magar tere saath koi aur nahin aayega, pahad par kahin bhi tere siva koi aur nazar na aaye. yahaan tak ki pahad ke saamne bhed-bakri ya gaay-bail bhi charte huye dikhayi na dein.”+
4 moosa ne patthar kaatkar pehali patiyaon jaisi do patiyayen taiyar kin. aur jaise yahova ne aagya di thi, woh subah jaldi utha aur apne haath mein patthar ki donon patiyayen liye seenai pahad par gaya.
5 fir yahova baadal mein utra+ aur aakaar pahad par moosa ke saath khada ho gaya aur yahova ke naam ka ailan kiya.+
6 yahova ne moosa ke saamne se guzarte huye yah ailan kiya, “yahova, yahova parmeshvar dayalu+ aur karuna se bhara hai,+ krodh karne mein dheema+ aur atal pyar+ aur sachchai+ se bharpoor hai,*
7 hazaron peedhiyon se pyar* karta hai,+ woh gunahon, apradhon aur paapon ko maaf karta hai.+ magar jo doshi hai use saza diye bagair hargiz nahin chhodega+ aur pita ke apradh ki saza uske beton, poton aur parpoton tak ko deta hai.”+
8 moosa ne fauran ghutnon ke bal zameen par girkar parmeshvar ko dandvat kiya.
9 fir usne kaha, “hey yahova, agar teri kripa mujh par hai, to hamare saath chal aur hamare beech reh.+ hum dheeth kism ke log hain,+ fir bhi hey yahova, hamare gunah aur paap maaf kar de+ aur hamein apni jaageer maankar apna le.”
10 tab parmeshvar ne usse kaha, “dekho, main tum logon ke saath yah karar karta hoon: main tum sabke saamne aise aashcharya ke kaam karoonga, jaise aaj tak na poori dharti par aur na hi kisi raashtra mein kiye gaye hain.*+ tum jahaan rahoge vahaan aas-paas ki sabhi jaatiyaan yahova ke kaam dekheingi kyonki main tumhari khaatir vismaykari kaam karnevala hoon.+
11 main aaj tum logon ko jo aagyayen de raha hoon un par dhyan do.+ main tumhare saamne se emoriyon, kanaaniyon, hittiyon, parijjiyon, hivviyon aur yaboosiyon ko khadednevala hoon.+
12 tum is baat ka dhyan rakhna ki tum jis desh mein jaa rahe ho, vahaan ke nivasiyon ke saath koi bhi karar nahin karoge,+ varna yah tumhare liye ek fanda saabit hoga.+
13 tum unki vediyaan dhaa dena, unke pooja-stambh choor-choor kar dena aur unki pooja-laathein* kaat daalna.+
14 tum kisi aur devta ke aage jhukkar use dandvat mat karna,+ kyonki yahova yah maang karne ke liye jaana jaata hai* ki sirf usi ki bhakti ki jaaye.* haan, woh aisa parmeshvar hai jo maang karta hai ki sirf usi ki bhakti ki jaaye, kisi aur ki nahin.+
15 tum is baat ka dhyan rakhna ki tum us desh ke nivasiyon ke saath koi karar nahin karoge, kyonki jab woh apne devtaon ko poojte hain* aur unke aage balidan chadhate hain+ to unmein se koi tumhein zaroor bulayega aur tum jaakaar uske balidan mein se khaane lagoge.+
16 fir tum zaroor apne beton ka rishta unki betiyonn se karaoge+ aur unki betiyaan apne devtaon ko poojeingi aur tumhare beton se bhi unki pooja karvaayengi.+
17 tum dhaatu dhaalkar devtaon ki moortein na banana.+
18 tum bin-khameer ki roti ka tyohar manana.+ tum saat din tak bin-khameer ki roti khaana, jaise mainne tumhein aagya di hai. tum yah tyohar aabib* maheene mein tay vakt par manana+ kyonki tum aabib maheene mein hi misra se baahar aaye the.
19 tumhara harek pehalautha mera hai,+ yahaan tak ki tumhare jaanvaron ke sabhi pehalauthe bhi, fir chahe woh pehalautha bail ho ya medha.+
20 tumhein apne gadhon mein se har pehalauthe ko chhudane ke liye ek bhed deni hogi. agar tum gadhe ke pehalauthe ko nahin chhudate to uska gala kaatkar use maar daalna. tumhein apne sabhi pehalauthe beton ko chhudana hoga.+ tummein se koi bhi mere saamne khaali haath na aaye.
21 tum chhe din tak apna kaam-kaaj karna, magar saatvein din vishram karna.*+ yahaan tak ki jutai aur katai ke mausam mein bhi tum saatvein din vishram karna.
22 tum gehoon ki katai ke vakt katai ka tyohar manaoge aur fasal se milnevale pehale anaj ka chadhava chadhaoge. aur saal ke aakhir mein batorne ka tyohar* manaoge.+
23 saal mein teen baar sabhi aadmi israel ke parmeshvar aur sachche prabhu yahova ke saamne haazir hon.+
24 saal mein ye teenon baar jab tum apne parmeshvar yahova ke saamne jaaoge to koi bhi tumhari zameen ka laalach nahin karega, kyonki main doosri jaatiyon ko tumhare yahaan se khaded doonga+ aur tumhari sarhadein badha doonga.
25 tum mere bali-pashu ke khoon ke saath koi khameeri cheez mat chadhana.+ fasah ke tyohar mein bali kiye jaanevale jaanvar ka gosht agli subah tak mat rakhna.+
26 tum apni zameen ki pehali upaj mein se sabse badhiya fal apne parmeshvar yahova ke bhavan mein laakaar dena.+
tum bakri ke bachche ko uski maa ke doodh mein mat ubaalana.”+
27 yahova ne moosa se yah bhi kaha, “tu ye saari aagyayen likh lena,+ kyonki inhin ke mutabik main tere saath aur israel ke saath ek karar kar raha hoon.”+
28 moosa 40 din aur 40 raat vahin pahad par yahova ke paas raha. itne din tak usne na roti khaayi aur na paani peeya.+ parmeshvar ne donon patiyaon par apne karar ki baatein yaani das aagyayen* likhkar use di.+
29 fir moosa seenai pahad se neeche utra aur uske haath mein gavahi ki donon patiyayen thi.+ jab woh pahad se utra to uske chehre se tej chamak raha tha kyonki itne din usne parmeshvar se baat ki thi. magar woh nahin jaanta tha ki uske chehre se tej nikaal raha hai.
30 jab haaroon aur sabhi israeliyon ne moosa ko dekha to unhonne gaur kiya ki uske chehre se tej nikaal raha hai aur woh uske nazdeek jaane se darne lage.+
31 magar moosa ne unhein apne paas bulaya. tab haaroon aur mandli ke sabhi pradhan uske paas aaye aur usne unse baat ki.
32 iske baad sabhi israeli moosa ke paas aaye. moosa ne unhein woh saari aagyayen sunayin jo yahova ne use seenai pahad par di thi.+
33 jab bhi moosa unse baat karta to apni baat poori karne ke baad apna chehra parde se dhak leta tha.+
34 lekin jab woh yahova se baat karne ke liye tamboo ke andar jaata, to chehre se parda hata leta+ aur fir tamboo se baahar aakaar parmeshvar ki batayi saari aagyayen israeliyon ko sunata.+
35 jab moosa israeliyon ko aagyayen suna raha hota, to woh dekh sakte the ki uske chehre se kaisa tej chamak raha hai. iske baad moosa fir se apna chehra parde se dhak leta aur tab tak dhake rehta jab tak ki woh parmeshvar se* baat karne ke liye tamboo ke andar nahin jaata.+
kai footnote
^ ya “poori tarah vishvasyogya hai.”
^ ya “atal pyar.”
^ ya “sirje gaye hain.”
^ shaa., “yahova, uska naam hai.”
^ ya “woh uska mukabla karnevalon ko bardasht nahin karta.”
^ ya “ke saath veshyaon jaisi badchalni karte hain.”
^ ya “sabt manana.”
^ yah chhapparon (ya deron) ka tyohar bhi kehlata hai.
^ shaa., “das vachan.”
^ shaa., “usse.”
