yuhanna ko diya gaya prakashitvakya 9:1-21
9 paanchvein swargdoot ne apni turhi foonki.+ aur mainne ek taara dekha jo aakash se dharti par gira tha aur use athah- kund ke gaddhe* ki chaabi di gayi.+
2 aur usne athah- kund ke gaddhe ko khola aur usmein se aisa dhuaan nikala jaise kisi bade bhatthe se paayenge hai aur uske dhuyen se sooraj par aur hava mein andhkar chhaa gaya.+
3 aur us dhuyen mein se tiddiyaan nikaalkar dharti par aayin+ aur unhein vaisi hi shakti di gayi jaisi shakti prithvi ke bichhuon mein hoti hai.
4 unse kaha gaya ki woh na to prithvi ki hariyali ko, na hi kisi ped-paudhe ko nuksan pahunchayen balki sirf un logon ko nuksan pahunchayen jinke maathe par parmeshvar ki muhar nahin hai.+
5 aur tiddiyon ko yah adhikar diya gaya ki woh logon ko paanch maheene tak dard se tadpati rahein magar unhein jaan se na maarein. aur logon ko aisa dard ho raha tha jaise bichhoo ke dank maarne se hota hai.+
6 aur un dinon mein log marna chaheinge magar unhein maut nahin aayegi. woh maut ke liye tarseinge magar maut unse door bhaagegi.
7 aur woh tiddiyaan, ladai ke liye taiyar kiye gaye ghodon jaisi dikh rahi thi.+ unke sir par sone ke taaj jaisa kuch tha aur unke chehre insanon ke chehre jaise the,
8 magar unke baal aurton ke baalon jaise lambe the. aur unke daant sheron ke daanton jaise the,+
9 unke kavach lohe ke kavach jaise the. aur unke pankhon ki aavaz aisi thi jaise rath aur ghode yuddh ke liye daude chale jaa rahe hon.+
10 aur unki poonchh par bichhuon jaise dank the aur unki poonchh mein logon ko paanch maheene tak tadpane ki shakti thi.+
11 athah- kund ka swargdoot unka raja tha.+ ibrani mein uska naam abaddon* hai magar yoonani mein uska naam apullayon* hai.
12 pehala kehar beet chuka. dekh! iske baad do aur kehar tootnevale hain.+
13 chhathe swargdoot ne+ apni turhi foonki.+ aur jo sone ki vedi+ parmeshvar ke saamne thi, uske singon se mainne ek aavaz suni.
14 woh aavaz us chhathe swargdoot se jiske paas turhi thi, kah rahi thi, “un chaar swargdooton ke bandhan khol de jo mahanadi farat ke paas bandhe huye hain.”+
15 aur un chaar swargdooton ko jinhein isi ghadi, din, maheene aur saal ke liye taiyar kiya gaya hai, khol diya gaya taaki woh ek-tihai insanon ko maar daalein.
16 sena ke ghudsavaaron ki ginti 20 karod thi. mainne unki ginti suni.
17 aur mujhe darshan mein ghode aur unke savaar is roop mein dikhayi diye: unke kavach dhadhakti aag jaise laal aur gehre neele aur gandhak jaise peele the. ghodon ke sir sheron ke sir jaise the+ aur unke munh se aag, dhuaan aur gandhak nikaal rahi thi.
18 in teenon kehar se yaani unke munh se nikli aag, dhuyen aur gandhak se ek-tihai log maar daale gaye.
19 isliye ki ghodon ki shakti unke munh aur unki poonchh mein hai. unki poonchh saanpon jaisi hain jinmein sir hain aur inse woh nuksan pahunchate hain.
20 magar baaki log jo in teenon kehar se nahin maare gaye the, unhonne apne kaamon se pashchatap nahin kiya aur dusht swargdooton aur sone-chaandi, tambe, patthar aur lakdi ki moorton ko poojna nahin chhoda jo na to dekh sakti hain, na sun sakti hain aur na chal sakti hain.+
21 aur unhonne jo khoon, jaadoo-tona aur choriyaan ki thi aur naajayaz yaun-sambandh* rakhe the, unse pashchatap nahin kiya.
