preshiton ke kaam 13:1-52
13 antakiya ki mandli mein kai bhavishyavakta aur shikshak the.+ ye the baranbas, shimaun jo kaala* kehlata tha, kurene ka lookiyus, manahem jo zila-shaasak herodes ke saath padha tha aur shaaool.
2 jab woh yahova* ki seva karne* aur upvas karne mein lage huye the to pavitra shakti ne unse kaha, “mere liye baranbas aur shaaool+ ko us kaam ke liye alag karo, jiske liye mainne unhein bulaya hai.”+
3 tab upvas aur prarthna karne ke baad, unhonne un donon par haath rakhe aur unhein ravana kar diya.
4 fir ye aadmi pavitra shakti ke maargdarshan ke mutabik silookiya gaye aur fir vahaan se jahaz par chadhkar kuprus dveep ke liye ravana huye.
5 jab woh us dveep ke salmees shehar pahunche, to woh yahoodiyon ke sabha-gharon mein parmeshvar ka vachan sunane lage. unke saath yuhanna* bhi tha, jo unki seva kiya karta tha.*+
6 jab woh us poore dveep ka daura karte huye paafus shehar pahunche, to vahaan unhein baar-yeeshu naam ka ek yahoodi mila. woh ek jaadoogar aur jhootha bhavishyavakta tha.
7 woh us praant ke raajyapal* sirgiyus paulus ke saath-saath rehta tha. sirgiyus paulus ek akaalmand insan tha. usne baranbas aur shaaool ko apne paas bulaya kyonki use parmeshvar ka vachan sunnae ki gehri ichha thi.
8 magar baar-yeeshu jo ileemas jaadoogar kehlata hai (ileemas naam ka matlab hai, jaadoogar) unka virodh karne laga aur usne poori koshish kee ki raajyapal is vishvas ko na apnaye.
9 tab shaaool ne, jiska naam paulus bhi hai, pavitra shakti se bharkar uski taraf taktaki lagakar dekha
10 aur kaha, “are shaitan ki aulad,+ tu jo har tarah ki dhokhadhdi aur makkari se bhara hua hai aur har tarah ki neki ka dushman hai, kya tu yahova* ki seedhi raahon ko bigaadna nahin chhodega?
11 ab dekh! yahova* ka haath tere khilaf utha hai aur tu andha ho jaayega aur kuch vakt ke liye sooraj ki raushni nahin dekh paayega.” usi pal uski aankhon ke aage ghane kohre jaisa dhundhalapan aur andhera chhaa gaya aur woh idhar-udhaar tatolne laga ki koi uska haath pakadkar use le chale.
12 tab jo kuch hua, use dekhkar raajyapal vishvasi ban gaya kyonki woh yahova* ki shiksha se dang reh gaya tha.
13 iske baad paulus aur uske saathi, paafus se samudri yaatra karte huye pamfooliya praant ke pirga shehar pahunche. vahaan yuhanna*+ unhein chhodkar yarooshalem laut gaya.+
14 magar woh pirga se aage badhe aur pisidiya ilake ke antakiya shehar mein aaye aur sabt ke din sabha-ghar mein jaakaar baith gaye.+
15 vahaan jab sabke saamne kaanoon aur bhavishyavaktaon ki kitabein padhkar sunayi gayin,+ to iske baad sabha-ghar ke adhikariyon ne paulus aur uske saathiyon ko yah kehkar bulvaya, “bhaaiyo, agar logon ki himmat bandhane ke liye tumhare paas kehne ko kuch ho to kaho.”
16 tab paulus utha aur usne haath se sabko shaant ho jaane ka ishara karte huye kaha,
“israeliyo aur parmeshvar ka dar maannevale doosre logo, suno.
17 israel ke parmeshvar ne hamare purkhon ko chuna aur jab woh misra mein pardesiyon ki tarah rehte the, tab unhein mahan kiya aur apne shaktishali haathon se vahaan se baahar le aaya.+
18 woh kareeb 40 saal tak veerane mein unhein bardasht karta raha.+
19 usne kanaan desh mein saat jaatiyon ka naash karne ke baad, unka desh israeliyon ko virasat mein de diya.+
20 yah sab kareeb 450 saal ke dauran hua.
iske baad, parmeshvar ne un par nyayi thehraye. nyayiyon ka daur bhavishyavakta shamooel tak chala.+
21 magar aage chalkar israeli ek raja ki maang karne lage+ aur parmeshvar ne keesh ke bete shaaool ko unka raja banaya, jo binyameen gotra se tha.+ woh 40 saal tak unka raja raha.
22 use hatane ke baad, usne daavid ko unka raja banaya,+ jiske baare mein usne yah gavahi di, ‘mainne yishai ke bete daavid ko paaya,+ woh ek aisa insan hai jo mere dil ko bhaata hai.+ meri jo bhi marzee hai use woh poora karega.’
23 parmeshvar ne apne vaade ke mutabik isi daavid ke vansh* se israel ke paas ek uddharkarta bheja, woh yeeshu tha.+
24 yeeshu ke aane se pehale yuhanna ne sareaam israel ke sab logon ko prachar kiya ki woh baptisma lein, jo is baat ki nishani hoga ki unhonne pashchatap kiya hai.+
25 magar jab yuhanna apni seva ke aakhiri samay mein pahuncha to woh kehta tha, ‘tumhein kya lagta hai, main kaun hoon? main woh nahin hoon. magar dekho! mere baad woh aa raha hai jiske pairon ki jootiyaan tak kholne ke main laayak nahin.’+
26 bhaaiyo, abraham ke vanshajo aur parmeshvar ka dar maannevale baaki logo, suno. parmeshvar ne hamare uddhaar ke baare mein ek sandesh hum tak pahunchaya hai.+
27 yarooshalem ke rehnevalon aur unke dharm-adhikariyon* ne us uddharkarta ko nahin pehchana, magar uska nyay karte vakt unhonne bhavishyavaktaon ki kahi woh saari baatein poori kin+ jo har sabt ke din padhkar sunayi jaati hain.
28 haalanki use maar daalne ki unhein koi vajah nahin mili,+ fir bhi unhonne peelatus se maang kee ki use maut ki saza di jaaye.+
29 aur jab unhonne woh sab kar liya jo uske baare mein likha tha, to use kaath* se neeche utara aur ek kabraa* mein rakh diya.+
30 magar parmeshvar ne use mare huon mein se zinda kar diya.+
31 fir woh kai dinon tak un logon ko dikhayi deta raha jo uske saath galeel se yarooshalem gaye the. aaj woh sab logon ke saamne uske gavah hain.+
32 isliye hum tumhein us vaade ke baare mein khushkhabri suna rahe hain jo hamare purkhon se kiya gaya tha.
33 parmeshvar ne apne bachchon yaani hamari khaatir yah vaada har tarah se poora kiya aur iske liye usne yeeshu ko mare huon mein se zinda kiya,+ theek jaise doosre bhajan mein likha hai, ‘tu mera beta hai, aaj main tera pita bana hoon.’+
34 parmeshvar ne use mare huon mein se zinda kiya aur woh fir kabhi insan nahin banega jo markar sad jaata hai. parmeshvar ne is baat ko pakka karne ke liye kaha hai, ‘main tum logon par zahir karoonga ki daavid ke liye mera pyar atal aur sachcha hai, theek jaise mainne usse vaada kiya tha.’+
35 isliye ek aur bhajan kehta hai, ‘tu apne vafadar jan ko sadne nahin dega.’+
36 jahaan tak daavid ki baat hai, usne saari zindagi parmeshvar ki pavitra seva ki,* fir woh maut ki nind so gaya aur use apne purkhon ke saath dafnaya gaya aur woh sad gaya.+
37 magar vahin, jise parmeshvar ne mare huon mein se zinda kiya, uska shareer nahin sada.+
38 isliye bhaaiyo, tum jaan lo ki usi ke zariye tumhein paapon ki maafi mil sakti hai aur yahi khabar hum tumhein suna rahe hain.+
39 aur jin baaton mein moosa ka kaanoon tumhein nirdosh nahin thehra saka,+ unhin baaton mein ek insan yeeshu ke zariye nirdosh thahar sakta hai, basharte woh vishvas kare.+
40 isliye khabardar raho ki bhavishyavaktaon ki kitabon mein likhi yah baat kahin tumhare saath na ghate:
41 ‘hey thattha karnevalo, dekho, taajjub karo aur mit jaao, kyonki main tumhare dinon mein aisa kaam karnevala hoon jiske baare mein agar koi tumhein baareeki se bhi bataye, to bhi tum hargiz uska yakeen nahin karoge.’”+
42 yah sab kehne ke baad jab woh baahar jaa rahe the, to log unse binti karne lage ki ye baatein unhein agle sabt ke din fir sunayi jaayen.
43 jab sabha khatm ho gayi to bahot-se yahoodi aur yahoodi dharm apnanevale, jo parmeshvar ki upasna karte the, paulus aur baranbas ke saath-saath gaye. un donon ne unse baat ki aur unhein badhava diya ki woh parmeshvar ki maha-kripa ke laayak bane rahein.+
44 agle sabt ke din kareeb-kareeb poora shehar yahova* ka vachan sunnae ke liye jama ho gaya.
45 jab yahoodiyon ne logon ki itni badi bheed dekhi, to woh jalan se bhar gaye aur paulus ki baaton ko galat saabit karne ke liye behas karne lage aur uski baaton ki ninda karne lage.+
46 tab paulus aur baranbas ne nidar hokar unse kaha, “yah zaroori tha ki parmeshvar ka vachan pehale tum yahoodiyon ko sunaya jaaye.+ magar tum ise thukra rahe ho aur dikha rahe ho ki tum hamesha ki zindagi ke laayak nahin ho, isliye dekho! hum doosre raashtron ke paas jaa rahe hain.+
47 yahova* ne hamein yah aagya di hai, ‘mainne tujhe raashtron ke liye raushni thehraya hai taaki tu prithvi ke chhor tak uddhaar ka sandesh sunaye.’”+
48 jab gair-yahoodiyon ne yah baat suni, to woh bahot khush huye aur yahova* ke vachan ki badai karne lage aur woh sabhi jo hamesha ki zindagi paane ke laayak achha man rakhte the, vishvasi ban gaye.
49 itna hi nahin, yahova* ka vachan aas-paas ke poore ilake mein failta raha.
50 magar yahoodiyon ne shehar ki jaani-maani aurton ko, jo parmeshvar ka dar maanti thi aur khaas-khaas aadmiyon ko bhadkaya. unhonne paulus aur baranbas par zulm karvaya+ aur unhein apni sarhadon ke baahar khaded diya.
51 tab paulus aur baranbas ne apne pairon ki dhool jhaad di taaki unke khilaf gavahi ho aur woh ikuniyum shehar chale gaye.+
52 aur chele aanand aur pavitra shakti se bharpoor hote rahe.+
kai footnote
^ shaa., “neegar.”
^ ya “sareaam seva karne.”
^ yaani yuhanna markus.
^ ya “unka madadgar tha.”
^ yaani yuhanna markus.
^ shaa., “beej.”
^ shaa., “shaaskon.”
^ ya “ped.”
^ ya “smarak kabraa.”
^ ya “parmeshvar ki marzee poori ki.”
