sabhopdeshak 5:1-20
5 jab tu sachche parmeshvar ke ghar jaaye to dhyan rakh ki tu kaisi chaal chalta hai.+ tu moorkh ki tarah vahaan balidan chadhane ke liye+ nahin balki sunnae ke liye jaa.+ kyonki moorkh nahin jaanta ki woh jo kar raha hai woh bura hai.
2 bolne mein jaldbazee mat kar, na sachche parmeshvar ke saamne jo man mein aaye woh keh de.+ kyonki sachcha parmeshvar swarg mein hai aur tu dharti par. isliye tere shabd thode hi hon.+
3 jab dher saari chintayen* hon, to log sapne dekhne lagte hain.+ aur jab moorkh bakbak karta hai, to uski baaton mein moorkhta nazar aati hai.+
4 jab-jab tu parmeshvar se mannat maane, use poora karne mein der na karna+ kyonki woh moorkh se khush nahin hota, jo apni mannat poori nahin karta.+ tu jo bhi mannat maane use poora karna.+
5 mannat maankar use poora na karne se to achha hai ki tu mannat hi na maane.+
6 aisa na ho ki tera munh tujhse paap karvaye+ aur tu swargdoot* ke saamne kahe ki mujhse bhool ho gayi.+ bhala tu apni baat se sachche parmeshvar ko kyon krodh dilaye aur kyon use tere kaam bigaadne padein?+
7 jab dher saari chintayen hon, to log sapne dekhne lagte hain.+ vaise hi bahot-si baatein boli jaayen, to woh vyarth thaharti hain. lekin tu sachche parmeshvar ka dar maan.+
8 agar tu apne zile mein kisi unche adhikari ko gareebon par zulm karte dekhe aur nyay aur sachchai ka khoon karte dekhe, to hairan mat hona.+ kyonki uske oopar bhi koi hai jo use dekh raha hai. aur bade-bade adhikariyon ke oopar bhi unse bade adhikari hote hain.
9 zameen se milnevala munafa in logon mein baanta jaata hai, yahaan tak ki raja ki zaroortein bhi usi khet ki upaj se poori ki jaati hain.+
10 jise chaandi se pyar hai uska man chaandi se nahin bharta, vaise hi daulat se pyar karnevale ka man apni kamai se nahin bharta.+ yah bhi vyarth hai.+
11 jab achhi cheezen badhti hain to use khaanevale bhi badh jaate hain.+ lekin uske maalik ko koi faayda nahin hota, woh bas dekhta reh jaata hai.+
12 mazdoori karnevale ko meethi nind aati hai fir chahe use thoda khaane ko mile ya zyada. lekin rais ki beshumar daulat use sone nahin deti.
13 duniya mein* mainne ek aisi baat dekhi jo bada dukh pahunchati hai: jama ki gayi daulat apne hi maalik ke liye museebat ban jaati hai.
14 galat yojna mein uska saara paisa doob jaata hai aur jab use beta hota hai, to use dene ke liye uske paas kuch nahin bachta.+
15 insan apni maa ke pet se nanga aaya hai aur nanga hi chala jaayega.+ jin cheezon ke liye usne kadi mehnat ki, unmein se kuch bhi apne saath nahin le jaayega.+
16 ek aur baat hai jo bada dukh pahunchati hai: insan jaise aata hai vaise hi chala jaata hai. to fir kadi mehnat karne aur hava ko pakadne ki koshish karne ka kya faayda?+
17 yahi nahin, woh har din maano andhere mein khaata hai. zindagi-bhar kudhta rehta hai, gussa karta hai aur beemar rehta hai.+
18 mainne jis baat ko sahi aur achha paaya woh yah hai ki sachche parmeshvar ne insan ko jo zindagi di hai, usmein woh khaaye-peeye aur dharti par* apni saari mehnat se khushi paaye.+ kyonki yahi uska inam hai.+
19 itna hi nahin, agar sachche parmeshvar ne insan ko dhan-daulat dene+ ke saath-saath uska maza lene ke kaabil banaya hai, to woh un cheezon ka maza le aur apni mehnat se khushi paaye. yah parmeshvar ki den hai.+
20 uski zindagi ke din aise beet jaayenge ki use pata bhi nahin chalega* kyonki sachcha parmeshvar uska dhyan un baaton par lagaye rakhega, jo uske dil ko khushi deti hain.+
kai footnote
^ ya “dher saare kaam.”
^ ya “doot.”
^ shaa., “sooraj ke neeche.”
^ shaa., “sooraj ke neeche.”
^ ya “yaad bhi nahin rahega.”
