utpatti 15:1-21
15 iske baad abram ko ek darshan mein yahova ka yah sandesh mila: “abram, tujhe kisi baat se darne ki zaroorat nahin.+ main tere liye ek dhaal hoon.+ main tujhe bahot bada inam doonga.”+
2 abram ne kaha, “hey saare jahan ke maalik yahova, main to beaulad hoon. isliye tu mujhe jo bhi inam dega, usse mujhe kya faayda? mere ghar ka vaaris eliezer hoga jo damishk se hai.”+
3 abram ne yah bhi kaha, “toone mujhe koi vansh nahin diya+ aur mere gharane ka ek aadmi* mera vaaris bannevala hai.”
4 magar javab mein use yahova se yah sandesh mila: “yah aadmi tera vaaris nahin hoga balki tera apna beta* tera vaaris banega.”+
5 fir parmeshvar ne abram ko baahar laakaar usse kaha, “zara apni nazrein uthakar aasman ki taraf dekh. agar tu taaron ko gin sake to gin.” fir parmeshvar ne usse kaha, “tere vansh* ki ginti bhi isi tarah beshumar hogi.”+
6 abram ne yahova par vishvas kiya+ aur is vajah se parmeshvar ne use nek samjha.+
7 parmeshvar ne yah bhi kaha, “main yahova hoon, main hi tujhe kasdiyon ke shehar oor se yahaan le aaya tha taaki tujhe yah desh doon aur yah teri jaageer ho.”+
8 tab abram ne kaha, “hey saare jahan ke maalik yahova, main kaise yakeen karoon ki yah desh meri jaageer hoga?”
9 parmeshvar ne abram se kaha, “mere liye teen saal ki ek gaay,* teen saal ki ek bakri, teen saal ka ek medha, ek faakhta aur kabootar ka ek bachcha le aa.”
10 abram yah sab le aaya aur usne un sabke do-do tukde kiye aur un tukdon ko aamne-saamne rakha.* magar usne panchhiyon ko nahin kaata.
11 tab shikari pakshi un tukdon par jhapatne lage aur abram unhein bhagata raha.
12 jab sooraj doobne par tha, to abram gehri nind so gaya aur usne dekha ki uske chaaron taraf ghor, bhayanak andhera chhaaya hua hai.
13 tab parmeshvar ne abram se kaha, “tu ek baat pakke taur par jaan le ki tera vansh* paraye desh mein pardesi bankar rahega aur vahaan ke log usse gulami karvayenge aur 400 saal tak use satate raheinge.+
14 magar jis desh ki woh gulami kareinge use main saza doonga.+ iske baad woh khoob saari daulat lekar vahaan se nikaal jaayenge.+
15 jahaan tak teri baat hai, tu ek lambee aur khushhal zindagi jeeyega aur aakhir mein shaanti se marega aur tere purkhon ki tarah tujhe bhi dafna diya jaayega.+
16 tere vansh ki chauthi peedhi yahaan vaapas lautegi,+ kyonki tab tak emori log paap karne mein had kar chuke honge.”+
17 jab sooraj dhal gaya aur ghor andhera chhaa gaya to ek bhatthi, jismein se dhuaan uth raha tha aur ek jalti mashal dikhayi di, jo jaanvaron ke tukdon ke beech se hoti hui aage nikaal gayin.
18 us din yahova ne abram ke saath ek karar kiya+ aur usse kaha, “main tere vansh* ko yah desh doonga,+ jo misra ki nadi se lekar mahanadi farat tak faila hai,+
19 jahaan aaj keni,+ kanijji, kadmoni,
20 hitti,+ parijji,+ rapai,+
21 emori, kanaani, girgashi aur yaboosi log rehte hain.”+
kai footnote
^ shaa., “beta.”
^ shaa., “jo tere androoni angon se niklega woh.”
^ shaa., “beej.”
^ ya “kalor.”
^ ya “har jaanvar ka aadha tukda ek taraf aur doosra tukda doosri taraf rakha.”
^ shaa., “beej.”
^ shaa., “beej.”
