yahejkel 47:1-23
47 iske baad woh mujhe vaapas mandir ke pravesh par le gaya.+ vahaan mainne dekha ki mandir ki dehleez ke neeche se paani ki ek dhaara behti hui poorab ki taraf jaa rahi hai,+ kyonki mandir ke aage ka hissa poorab ki taraf tha. paani ki yah dhaara mandir ki dehleez ke neeche se daayin taraf aur vedi ke dakshin ki taraf bah rahi thi.
2 fir woh mujhe uttari darvaze se baahar le gaya+ aur ghumakar poorabvale baahri darvaze par le aaya.+ mainne dekha ki darvaze ke daayin taraf paani ki dhaara halki-halki bah rahi hai.
3 woh aadmi haath mein ek naapne ki dori liye poorab ki taraf jaane laga+ aur usne poorab ke darvaze se 1,000 haath* ki doori tak paani ki dhaara naapi. fir usne mujhe paani ki dhaara paar karne ko kaha. vahaan paani takhnon tak tha.
4 fir usne 1,000 haath ki doori aur naapi aur mujhe paani ki dhaara paar karne ko kaha. vahaan paani ghutnon tak gehra tha.
usne 1,000 haath ki doori aur naapi aur mujhe paani ki dhaara paar karne ko kaha. vahaan paani kamar tak gehra tha.
5 usne 1,000 haath ki doori aur naapi. vahaan paani badhkar nadi ban gaya tha jise main paidal paar nahin kar saka. nadi itni gehri thi ki use tairkar hi paar kiya jaa sakta tha. woh aisi nadi thi jise chalkar paar nahin kiya jaa sakta tha.
6 usne mujhse poochha, “insan ke bete, kya tu yah sab dekh raha hai?”
fir woh mujhe paidal chalakar vaapas nadi kinare le aaya.
7 vaapas lautne par mainne dekha ki nadi kinare donon taraf bahot saare ped hain.+
8 fir usne mujhe bataya, “nadi ka yah paani poorab ke ilake ki taraf behta hai aur fir arba*+ se hota hua samundar mein jaa milta hai. jab yah paani samundar mein jaa milega+ to uska paani meetha* ho jaayega.
9 ab uska paani jahaan bhi bahega woh samudri jeevon ke jhundon se bhar jaayega. vahaan machhliyon ki bharmar hogi kyonki vahaan yah paani bahega. samundar ka paani meetha* ho jaayega aur jahaan kahin uska paani bahega, vahaan har tarah ka samudri jeev zinda reh paayega.
10 engadi+ se lekar ain-eglaim tak samundar kinare machhuvare khade raheinge, jahaan bade-bade jaal sukhane ki jagah hogi. vahaan tarah-tarah ki machhliyon ki bharmar hogi, jaise mahasagar*+ mein hoti hai.
11 iske paas kuch jagah daldali aur keechad se bhari hongi. unka paani badalkar meetha* nahin hoga, woh khaara hi rahega.+
12 nadi kinare donon taraf har tarah ke faldar ped ugeinge. unke patte kabhi nahin murjhayenge aur unka falna kabhi band nahin hoga. woh har maheene naye fal deinge kyonki woh pavitra-sthan se nikaalnevale paani se sinche jaate hain.+ unke fal khaane ke liye honge aur patte rog door karne ke kaam aayenge.”+
13 saare jahan ka maalik yahova kehta hai, “tum desh ka yah ilaka israel ke 12 gotron ko virasat mein baantoge aur yoosuf ko do hisse mileinge.+
14 tum yah ilaka virasat mein paaoge aur har kisi ko barbar hissa milega.* mainne tumhare purkhon se shapath khaakaar kaha tha ki yah desh unhein diya jaayega+ aur ab tumhein virasat mein yah diya jaa raha hai.
15 desh ki uttari sarhad yah hai: mahasagar se lekar hetlon ki taraf jaanevale raaste+ se hote huye sadad+ tak aur
16 sadad se hamat+ tak aur hamat se berota+ tak aur berota se sibraim tak jo damishk aur hamat ke ilakon ke beech hai aur sibraim se haaser-hatteekon tak jo hauran+ ki sarhad ke paas hai.
17 is tarah sarhad saagar se hasar-enon+ tak hogi. yah sarhad damishk ki sarhad ke saath-saath aage uttar tak aur hamat ki sarhad tak hogi.+ yah uttari sarhad hai.
18 poorab ki sarhad hauran aur damishk ke ilakon ke beech hai. yah yardan nadi ke kinare-kinare jaati hai, jo gilad+ aur israel desh ke beech hai. tum sarhad* se lekar poorvi saagar* tak naapna. yah poorvi sarhad hai.
19 dakshini sarhad taamar se mareebot-kaadesh ke soton+ tak, fir ghaati* tak aur mahasagar tak hogi.+ yah dakshini sarhad hai.
20 pashchim mein mahasagar hai aur dakshini sarhad se us jagah tak pashchimi sarhad hai jiske saamne lebo-hamat*+ hai. yah pashchimi sarhad hai.”
21 “tum yah desh aapas mein yaani israel ke 12 gotron mein baantna.
22 tum virasat mein iski zameen apne logon mein aur apne beech rehnevale un pardesiyon mein baantna jinke bachche tumhare desh mein paida huye hain. pardesi bhi tumhari tarah paidaishi israeli maane jaayenge. unhein bhi tumhare israeli gotron ke beech virasat ki zameen milegi.
23 tum har pardesi ko virasat ki zameen us gotra ke ilake mein dena jahaan woh rehta hai.” saare jahan ke maalik yahova ka yah ailan hai.
kai footnote
^ yah lambe haath ka maap hai. ati. kha14 dekhein.
^ ya “veerane.”
^ shaa., “swasth.”
^ shaa., “swasth.”
^ yaani bhoomadhya saagar.
^ shaa., “swasth.”
^ shaa., “tummein se harek apne bhaai ki tarah yah ilaka virasat mein paayega.”
^ yaani uttari sarhad.
^ yaani mrit saagar.
^ yaani misra ghaati.
^ ya “hamat ka pravesh.”
