yuhanna ke mutabik khushkhabri 19:1-42
19 tab peelatus yeeshu ko le gaya aur use kode lagvaye.+
2 sainikon ne kaanton ka ek taaj banakar uske sir par rakha aur use ek bainjni kapda pehnaya.+
3 woh uske paas aakaar kehne lage, “hey yahoodiyon ke raja , salam!”* aur uske munh par thappad maarne lage.+
4 peelatus ek baar fir baahar aaya aur usne logon se kaha, “dekho! main use baahar laata hoon taaki tum jaano ki mainne usmein koi dosh nahin paaya.”+
5 tab yeeshu kaanton ka taaj pehne aur bainjni odhna odhe baahar aaya. aur peelatus ne logon se kaha, “dekho is aadmi ko!”
6 lekin jab pradhan yaajkon aur pehredaron ne use dekha, to woh chillane lage, “ise kaath par latka de! ise kaath par latka de!”+ peelatus ne unse kaha, “tum khud hi ise le jaakaar kaath par latka do kyonki mujhe is aadmi mein koi dosh nahin mila.”+
7 yahoodiyon ne kaha, “hamara ek kaanoon hai aur us kaanoon ke mutabik yah maut ki saza ke laayak hai+ kyonki isne khud ko parmeshvar ka beta kaha hai.”+
8 jab peelatus ne yah baat suni to woh aur bhi dar gaya.
9 woh fir se apne ghar ke andar gaya aur usne yeeshu se poochha, “tu kahaan ka hai?” magar yeeshu ne koi javab nahin diya.+
10 peelatus ne usse kaha, “kya tu mujhe javab nahin dega? kya tujhe nahin maaloom ki mere paas tujhe riha karne ka bhi adhikar hai aur tujhe maar daalne ka bhi?”*
11 yeeshu ne use javab diya, “agar tujhe yah adhikar oopar se na diya gaya hota, to mujh par tera koi adhikar nahin hota. iseeliye jis aadmi ne mujhe tere havale kiya hai, uska paap zyada bada hai.”
12 is vajah se peelatus kisi tarah use riha karne ki koshish karta raha. magar yahoodiyon ne chilla-chillakar kaha, “agar toone is aadmi ko riha kiya, to tu samrat* ka dost nahin. har koi jo khud ko raja banata hai woh samrat ke khilaf bolta hai.”*+
13 ye baatein sunnae ke baad peelatus, yeeshu ko baahar le aaya. fir woh ek nyay-aasan par yaani us jagah baith gaya jo patthar ka chabootra kehlata tha aur jise ibrani mein gabbata kaha jaata tha.
14 yah fasah ki taiyari ka din tha+ aur din ka kareeb chhatha ghanta* tha. peelatus ne yahoodiyon se kaha, “dekho! tumhara raja !”
15 lekin woh chillaye, “ise maar daal! ise maar daal! kaath par latka de ise!” peelatus ne unse kaha, “kya main tumhare raja ko kaath par latka doon?” pradhan yaajkon ne javab diya, “samrat ko chhod hamara koi raja nahin.”
16 tab usne yeeshu ko kaath par latkakar maar daalne ke liye unhein saunp diya.+
aur sainikon ne yeeshu ko apne kabze mein le liya.
17 yeeshu apna yaatna ka kaath* uthaye us jagah gaya jise khopdi sthan kaha jaata hai.+ woh jagah ibrani mein gulguta kehlati hai.+
18 vahaan unhonne do aadmiyon ke beech use kaath par thonk diya.+ ek aadmi uske daayin taraf tha aur doosra baayin taraf aur yeeshu beech mein tha.+
19 peelatus ne yaatna ke kaath* ke oopar yah likhva diya: “yeeshu naasri, yahoodiyon ka raja .”+
20 ise bahot-se yahoodiyon ne padha kyonki jis jagah yeeshu ko kaath par thonka gaya tha woh jagah shehar ke paas hi thi. ye shabd ibrani, laateeni aur yoonani bhasha mein likhe the.
21 lekin yahoodiyon ke pradhan yaajkon ne peelatus se kaha, “yah mat likh: ‘yahoodiyon ka raja ,’ magar yah likh ki usne kaha, ‘main yahoodiyon ka raja hoon.’”
22 peelatus ne javab diya, “mainne jo likhva diya so likhva diya.”
23 jab sainikon ne yeeshu ko kaath par thonk diya, to unhonne uska odhna liya aur uske chaar tukde karke aapas mein baant liye. har sainik ne ek tukda liya. fir unhonne kurta bhi liya, magar kurte mein koi jod nahin tha balki yah oopar se neeche tak buna hua tha.
24 isliye unhonne ek-doosre se kaha, “hum ise nahin faadeinge balki chitthiyaan daalkar tay kareinge ki yah kiska hoga.”+ yah isliye hua taaki shastra ki yah baat poori ho, “woh meri poshak aapas mein baantte hain aur mere kapde ke liye chitthiyaan daalte hain.”+ sainikon ne vaakai aisa kiya.
25 yeeshu ke yaatna ke kaath* ke paas uski maa,+ uski mausi, klopas ki patni mariyam aur mariyam magdaleeni khadi thi.+
26 jab yeeshu ne apni maa ko aur us chele ko jisse woh bahot pyar karta tha,+ paas khade dekha to usne apni maa se kaha, “dekh! tera beta!”
27 iske baad yeeshu ne us chele se kaha, “dekh! teri maa!” usi din woh chela mariyam ko apne ghar le gaya taaki woh uske yahaan rahe.
28 iske baad, yeeshu ne yah jaante huye ki sabkuch poora ho chuka hai kaha, “main pyasa hoon” taaki shastra mein likhi baat poori ho.+
29 vahaan khatti daakh-madira se bhara ek ghada rakha tha. isliye unhonne khatti daakh-madira mein bhigoye huye ek spanj ko maruye* ki dandi par rakha aur uske munh se lagaya.+
30 jab yeeshu ne woh khatti daakh-madira chakhi to kaha, “poora hua!”+ aur sir jhukakar dam tod diya.+
31 yah taiyari ka din tha+ aur yahoodi nahin chahte the ki laashein sabt ke din yaatna ke kaath par latki rahein+ (kyonki yah bada sabt tha).+ isliye unhonne peelatus se guzarish ki ki kaath par latkaye gaye aadmiyon ki taangein tod di jaayen aur unki laashein utar li jaayen.
32 isliye sainikon ne aakaar yeeshu ke paas kaath par latkaye gaye pehale aadmi ki taangein tod di aur fir doosre ki.
33 magar jab woh yeeshu ke paas aaye to unhonne dekha ki woh mar chuka hai isliye unhonne uski taangein nahin todin.
34 fir bhi sainikon mein se ek ne apna bhaala uski pasliyon mein bhonka+ aur fauran khoon aur paani bah nikala.
35 jisne yah sabkuch apni aankhon se dekha tha, usne iski gavahi di hai aur uski gavahi sachchi hai. woh jaanta hai ki usne jo kuch kaha hai woh sach hai aur usne ye baatein isliye batayin ki tum bhi yakeen karo.+
36 darasal yah sab isliye hua taaki shastra ki yah baat poori ho: “uski ek bhi haddi nahin todi jaayegi.”+
37 shastra mein ek aur jagah likha hai: “woh use dekheinge jise unhonne bheda hai.”+
38 iske baad arimatiyah ke yoosuf ne peelatus se guzarish ki ki woh yeeshu ki laash le jaana chahta hai. yoosuf, yeeshu ka ek chela tha, magar yahoodiyon ke dar se yah baat chhipaye rakhta tha.+ peelatus ne use yeeshu ki laash le jaane ki ijazat de di. isliye yoosuf jaakaar vahaan se laash le gaya.+
39 neekudemus bhi,+ jo pehali baar yeeshu ke paas raat ke vakt aaya tha, kareeb 30 kilo* gandhras aur agar ka mishran* lekar aaya.+
40 tab unhonne yeeshu ki laash li aur yahoodiyon ke dafnane ki reet ke mutabik use in khushboodar masalon ke saath malmal ke kapdon mein lapeta.+
41 ittafak se jis jagah use kaath par latkaya gaya tha, vahin ek baag tha aur usmein ek nayi kabraa* thi+ jismein ab tak koi laash nahin rakhi gayi thi.
42 unhonne yeeshu ko vahin us kabraa mein rakh diya kyonki woh din yahoodiyon ke tyohar ki taiyari ka din tha+ aur woh kabraa bhi paas hi thi.
kai footnote
^ ya “teri jay ho!”
^ ya “kaath par maar daalne ka bhi?”
^ ya “ka virodh karta hai.”
^ yoonani mein “kaisar.”
^ yaani dopahar kareeb 12 baje.
^ ya shaayad, “ki pattiyaan.”
^ ya “smarak kabraa.”
