1. Si Jehova nga aton Dios matutom

Sa mga alagad niya.

Nahibal-an n’ya nga may yara tion

Nga ’gasakripisyo kita.

Kon ginbiyaan ta ang aton balay,

Abyan, kag pamilya naton.

Iya ’ta hatagan sing kauturan,

Kag sing kabuhi nga dayon.

2. May yara tion nga ’gaantos kita

Sa aton nga kahimtangan.

Ang mga kabudlayan kon kaisa

Daw indi na masarangan.

Magsalig nga ang Dios nakahibalo;

Iya gid kita buligan.

’Gahatag paumpaw ang iya Pulong,

Kag ang aton mga abyan.