AMBAHANON 152
Isa ka Duog nga Magadayaw sa Imo
(1 Hari 8:27; 1 Cronica 29:14)
1. Jehova, amon Manunuga,
Dios nga tuman ka halangdon.
Apang ang imo espiritu
Ginaaman mo sa amon.
Sentro sang putli nga pagsimba
Amon nga ginadugukan.
Malipayon kag nahiusa,
Kag imo nga nahamut-an.
(BRIDGE)
Gin-aman mo tanan
Amon kinahanglanon.
Ang tanan amon man nga
Ihalad sa imo.
(KORO)
Amon ginapasalamatan
Imo pagpakamaayo,
Kay karon yari na ang duog
Nga magadayaw sa imo.
2. Ini nga duog O Jehova
Ginahandum namon tanan.
Kay ini ’gasakdag sa amon,
Kag ’gabulig sa katawhan.
Tumanon sini nga tinukod
Ang imo nga kabubut-on,
Magagiya sa hilikuton
Nga ginatugyan sa amon.
(BRIDGE)
Ihalad sa imo
Ang pinakamaayo.
Kay takus ka padunggan,
Amon Manug-aman.
(KORO)
Amon ginapasalamatan
Imo pagpakamaayo,
Kay karon yari na ang duog
Nga magadayaw sa imo.
