PADAYON NGA MAGBANTAY!
Paandam sang mga Pulitiko nga Malapit Na ang Armageddon—Ano ang Ginasiling sang Biblia?
Sang Lunes sang aga, Oktubre 10, 2022, gin-igo sang mga missile sang Russia ang pila ka siudad sang Ukraine. Ginhimo ini sang Russia bilang balos, kay duha ka adlaw antes sini, ginbombahan ang panguna nga taytay nga nagaangot sang Crimea kag Russia. Natabo ini pila lang ka adlaw pagkatapos nga nagpaandam ang mga pulitiko nga mahimo malapit na lang ang Armageddon.
“Halin sang panahon [ni U.S. President John F.] Kennedy kag sang Cuban Missile Crisis, subong pa lang natabo nga malapit na gid kita sa Armageddon. . . . Para sa akon imposible nga indi mag-Armageddon kon may maggamit sang nuclear weapon.”—U.S. President Joe Biden, Oktubre 6, 2022.
“Nagaugyon ako nga sa indi madugay mahimo nga maeksperiensiahan naton ang Armageddon. Isa ini ka daku nga peligro para sa bilog nga planeta.”—Ukraine President Volodymyr Zelensky, sang ginpamangkot sia parte sa mangin resulta sang paggamit sang mga nuclear weapon, BBC News, Oktubre 8, 2022.
Matabo bala ang Armageddon bangod sa posible nga paggamit sang mga nuclear weapon? Ano ang ginasiling sang Biblia?
Matabo bala ang Armageddon bangod sa posible nga paggamit sang mga nuclear weapon?
Indi. Ang tinaga nga “Armageddon” kaisa lang mabasa sa Biblia kag ara ini sa Bugna 16:16. Wala sini ginapatuhuyan ang inaway sang mga pungsod kundi nagapatuhoy ini sa inaway sang Dios kag “sang mga hari sa bug-os nga duta.” (Bugna 16:14) Gamiton sang Dios ang Armageddon para tapuson ang paggahom sang mga tawo.—Daniel 2:44.
Para sa dugang nga impormasyon kon ano ang matabo sa duta kon mag-abot ang Armageddon, basaha ang artikulo nga Ano ang Inaway sa Armageddon?
Maguba bala ang duta kag maubos ang mga nagaistar sa sini paagi sa inaway nga nagagamit sang mga nuclear weapon?
Indi. Bisan maggamit sang mga nuclear weapon sa palaabuton ang mga gobierno sang tawo, indi pagtugutan sang Dios nga maguba ang duta. Ang Biblia nagasiling:
“Ang duta nagapabilin tubtob sa wala sing katubtuban.”—Manugwali 1:4.
“Ang mga matarong magapanubli sang duta, kag magapuyo sila sa sini sa wala sing katubtuban.”—Salmo 37:29.
Pero, ang mga tagna sa Biblia kag ang mga nagakatabo subong nagapakita nga sa indi madugay may daku nga pagbag-o nga matabo sa duta. (Mateo 24:3-7; 2 Timoteo 3:1-5) Hibalua ang ginasiling sang Biblia parte sa palaabuton paagi sa amon libre kag interactive nga pagtuon sa Biblia.
Basi Manamian Ka Man
IMPORTANTE NGA MGA PANUDLO SANG BIBLIA
Ngaa Gintuga sang Dios ang Duta?
Kanami gid sang pagtuga sang Dios sang aton duta. Insaktuhan lang ang distansia sini sa adlaw, hustuhan ang paghilay sini kag insaktuhan man ang kadasigon sang pagtiyog sini. Ngaa nagpangabudlay gid ang Dios sa pagtuga sang duta?
SABAT SA MGA PAMANGKOT SA BIBLIA
Ano ang Tanda sang “Katapusan nga mga Adlaw,” Ukon sang “Katapusan nga Panahon”?
Gintagna sang Biblia ang madamo nga mga butang nga dulungan nga matabo para mabal-an nga katapusan nga mga adlaw na.
PADAYON NGA MAGBANTAY!
Gin-atake sang Russia ang Ukraine—Nagakatuman Bala ang Tagna sang Biblia?
Hibalua ang kahulugan sini nga hitabo.
ANG LALANTAWAN
Posible Bala nga Maluwas sa Inaway sa Armageddon?
Madamo ang nahadlok sa Armageddon, pero ano gid bala ang buot silingon sini?
PARTE SA AMON
Mag-request nga Kadtuan Ka
Istoryahi ninyo ang isa ka pamangkot sa Biblia, ukon ang dugang nga impormasyon parte sa mga Saksi ni Jehova.
