Memoryal sang Kamatayon ni Jesus
Sabado, Abril 12, 2025
Makaisa kada tuig, ginadumdom sang mga Saksi ni Jehova ang kamatayon ni Jesus suno sa iya ginsugo: “Padayon ninyo nga himua ini sa pagdumdom sa akon.”—Lucas 22:19.
Ginaagda ka namon nga mag-attend sa sini nga okasyon.
Mga Pirme Ginapamangkot
Daw ano ka dugay ang programa?
Mga isa ini ka oras.
Diin ini hiwaton?
Kontaka ang mga Saksi ni Jehova kon diin ini hiwaton sa inyo lugar.
May bayad bala ang pagtambong?
Wala.
May pagpangolekta bala?
Wala.
Ano ang dapat suksukon nga bayo?
Ini nga okasyon, wala man gid sing ginapatuman nga dapat bayuon. Pero ginatinguhaan sang mga Saksi ni Jehova nga sundon ang laygay sang Biblia nga magpamayo sing maugdang kag matinahuron. (1 Timoteo 2:9) Indi man gid kinahanglan nga malahalon ukon pormal ang imo bayo.
Ano ang ginahimo kon Memoryal?
Ang programa ginasugdan kag ginatapos paagi sa pagkanta sang isa ka ambahanon, kag pangamuyo sang isa sa mga ministro sang mga Saksi ni Jehova. Ang importante nga bahin sang Memoryal amo ang pamulongpulong nga nagapaathag kon ngaa importante gid ang kamatayon ni Jesus kag kon paano kita makabenepisyo sa ginhimo sang Dios kag sang Cristo para sa aton.
Para sa dugang nga detalye, tan-awa ang artikulo nga “Ngaa Indi Pareho sa Iban nga Relihion ang Pagsaulog sang mga Saksi ni Jehova sang Panihapon sang Ginuo?”
San-o hiwaton ang masunod nga Memoryal?
2025: Sabado, Abril 12
2026: Huebes, Abril 2
Basi Manamian Ka Man
MEMORYAL
Dumduma ang Kamatayon ni Jesus
Ginaagda ka nga magtambong upod sa amon sa sining importante nga okasyon. Matun-an mo kon ano ang kaayuhan sa imo sang kabuhi ni Jesus kag sang iya kamatayon.
IMPORTANTE NGA MGA PANUDLO SANG BIBLIA
Ngaa Napatay si Jesus?
Sa Biblia, ginhatagan sing daku nga importansia ang kamatayon ni Jesus. Ano ang katuyuan sang iya kamatayon?